Nú eiga Hollendingar og Breta Ísland

Ný heimasíða hefur birst á internetinu þar sem fullyrt er að Bretar og Hollendingar hafi gengið að öllum eigum Íslendinga  og eigi nú landið í heild sinni.

Á síðunni TheDutchIceland.com er kort af meintri skiptingu landsins og samkvæmt því eiga Bretar stóran hluta af austurlandi en bróðurpartur landsins er sagður vera í eigu Hollendinga. Fullyrt er að frá og með morgundeginum geti breskir og hollenskir ríkisborgarar valið sér landskika á Íslandi í gegnum síðuna og fengið hann afhendan endurgjaldslaust.

Bent er á að allir breskir og hollenskir ríkisborgarar drekki héðan í frá frítt á íslenskum krám. Þá eru kynnt áform um að nýta landið sem ruslahaug, virkja allar ár og vötn og byggja hér stærsta kjarnorkuver heims sem myndi sjá allri vestur-Evrópu fyrir raforku í gegnum sæstreng.

 

Svo virðist sem hollenskir háðfuglar standi á bakvið síðuna. Þrátt fyrir allt er íslenskri náttúrufegurð rómuð í hástert á síðunni og landinu lýst sem sem Bretar og Hollendingar geti verið stoltir af því að eiga.

Athugasemdir

[Sigurbjörg Eiríksdóttir, 1.3.2010 kl. 13:05]

Já og bjóða alla velkomna til Hollenska-Íslands..

[hmm (IP-tala skráð) 1.3.2010 kl. 13:05]

Er ekki ágætt að linka á ruv.is þegar heil frétt er copy-peistuð? :)

Það er auðvitað ekkert nauðsynlegt en kannski betra að geta heimilda þegar svo er.

[Rauða Ljónið, 1.3.2010 kl. 13:31]

Auðvita verðum við að bjóða alla velkomna til Hollenska-Íslands.

Sæll. hmm færsla er skrifuð upp úr frétt RVU  það er rétt, en ekki beint copy-peistuð.

Kv. Sigurjón

[hmm (IP-tala skráð) 1.3.2010 kl. 14:16]

Mér er nú alveg slétt sama svosem, en eftir stendur að þetta er orð fyrir orð, staf fyrir staf, sama frétt - fyrir utan einn paragraph sem er klipptur út :)

En það skiptir ekki máli, síðan er jafn skemmtileg fyrir það og það væri gaman að komast að því nákvæmlega hverjir settu hana upp.

[Rauða Ljónið, 1.3.2010 kl. 14:26]

Sæll. hmm auðvita væri gaman að vita hver, hverjir sett þetta upp.   hér er linkurinn.