Leita í fréttum mbl.is

Landsfundur stopp-stoppflokksins í Egilshöll.

Á landsfundi stopp-stoppflokksins í Egilshöll kvað við annan tón í ræðu formannsins en í síðasta mánuði, blaðinu gersamlega snúið við í þeim eina tilgangi að auka fylgi flokksins þó engin alvara sé á bakvið orðin eins og komið hefur fram áður.

Í gegnum tíðina hafa flokkar á vinstri væng stjórnmálanna státað sig af því, að hafa barist fyrir hagsmunum vinnandi fólks í landinu.  Lengi vel var innistæða fyrir yfirlýsingum af þessu tagi en nú eru blikur á lofti og öldin önnur, síðustu mánuði hefur stopp-stoppflokkurinn barist með ofstopi gegn hagsmunum verkafólks.
  
Verkafólk og iðnaðarmenn sinna margvíslegum störfum og misvel er búið að starfsfólki sem hefur ekki valið sér að ganga menntaveginn til að fá fín störf í banka eða opinberri stofnun.   
En það er öðru nær! Sá flokkur sem skilgreinir sig  til vinstri og leggur ríkari áherslu en aðrir á félagshyggju, jafnrétti kynjanna og réttindi vinnandi fólks, leggur verkafólk og iðnaðarmenn  nánast í einelti og vill helst hafa störfin af okkur.  Í staðinn er boðið upp á ,,eitthvað annað”.

 Flokkurinn virðist hafa gleymt uppruna sínum enda er svo komið að vinnandi fólk á varla samleið með honum líkt og endurteknar mælingar gefa ótvírætt til kynna.

Það eru mikil vonbrigði að vinstri flokkarnir skuli vinna gegn hagsmunum þeirra sem treyst hafa flokkunum til góðra verka.  Ég vona þeirra vegna að þeir sjái að sér svo verkafólk og aðrir gamlir stuðningsmenn  þurfi ekki að brjóta odd af oflæti sínu og leita yfir á hægri vænginn með atkvæði sitt í komandi alþingiskosningum.

Kv, SIgurjón Vigfússon


« Síðasta færsla | Næsta færsla »

Athugasemdir

1 Smámynd: Jón Gestur Guðmundsson

Ég hef einfaldlega ákveðið að kjósa Sjálfstæðisflokkinn bara vegna þess að mér líst ekkert á hvað VG hefur mikið fylgi í skoðannakönnunum og mér finnst að ef VG fer í ríkisstjórn (sem vonandi gerist ekki) þá þarf sterkan hægri flokk til þess að vinna gegn öfgunum í VG.

Jón Gestur Guðmundsson, 14.4.2007 kl. 09:30

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Höfundur

Rauða Ljónið
Rauða Ljónið

Rautt ljónið er göfugt . Red Lion is noble.

Segðu fólki það sem það þegar veit og skilur og þér verður þakkað.

Segðu fólki það sem það ekki veit og skilur og þú verður fordæmdur.

 Lyginn getur ferðast um allan heiminn, á meðan sannleikurinn er að fara í skóna.

Sigurjón Vigfússon

Nýjustu myndir

  • ...au_anesvita
  • ...aaa
  • ...6239_n_1_jl

Innskráning

Ath. Vinsamlegast kveikið á Javascript til að hefja innskráningu.

Hafðu samband