Fjölskylduhjálp býst við fimmhundruð fjölskyldum. Hvað er skjaldborg? Hún er banka hjálp

   Við áætlum að um fimm hundruð fjölskyldur komi í dag," segir Ásgerður Jóna Flosadóttir, framkvæmdarstjóri Fjölskylduhjálpar, en í dag er þriðji úthlutunardagur mánaðarins. Í síðustu viku komu á fimmta hundrað fjölskyldna og fengu mataraðstoð. Til samanburðar þá komu um 170 til 2000 fjölskyldur í janúar árið 2007.

Úthlutunin hófst klukkan tvö í dag og stendur til fimm. Nægur matur ætti að vera til handa þeim sem leita sér aðstoðar en Ásgerður tekur sem dæmi að þau Fjölskylduhjálp eigi um 1600 jógúrt á lager í dag.

En ástandið er slæmt í samfélaginu að sögn Ásgerðar, „það er mjög sorglegt ástandið. Verulega napurt," áréttar hún.

Fyrir þá sem vilja leggja Fjölskylduhjálp lið er hægt að skrá sig með því að senda sms með skilaboðunum FHI í síma 1900. Þá gjaldfærast 100 krónur af símreikningnum einu sinni í mánuði. Vilji fólk afskrá sig getur það sent skilaboðin FHI stopp í sama númer.