Sigur Alcans er sigur okkar.

Alcan sem á og rekur álverið í Straumsvík hefur sett í undarlega stöðu með atkvæðagreiðslunni. Fyrir liggur nefnilega, að fyrirtækið hefur staðið rétt og lögformlega að öllum undirbúningi þessa máls og er samt sem áður sett í þá stöðu, eitt fyrirtækja hér á landi, að þurfa að berjast fyrir tilveru sinni í kosningabaráttu.

Alcan sótti um stækkun og hefur fengið útgefið starfsleyfi. Stækkun álversins hefur farið í umhverfismat og verið afgreidd þar. Fyrirtækið sótti um lóð fyrir stækkun til Hafnarfjarðarbæjar og fékk og greiddi stórar upphæðir fyrir. Á lokastigum málsins, eða í raun þegar allt átti að vera klappað og klárt, er svo blásið til atkvæðagreiðslu meðal íbúa.

Ekki áður en allt ferlið fór af stað, heldur eftir það. Og það er einmitt þess vegna sem íbúar í Hafnarfirði eru ekki að kjósa um stækkun álversins í dag, heldur breytingu á deiliskipulagi í Straumsvík.

Ekki treysti ég mér til þess að segja til um úrslit kosningarinnar, en líklega verður sigur annarrar hvorrar fylkingarinnar mjög naumur. Ég hef þó á tilfinningunni að stuðningsmenn stækkunar hafi heldur verið að sækja í sig veðrið síðustu dagana.

Og stækkun verði samþykkt með naumum meirri hluta bænum til heilla.

Segjum Já við Stækkun. 

 

Athugasemdir

[Heiða B. Heiðars, 31.3.2007 kl. 17:03]

Ertu á fullum launum við þennan áróður? Borgað eftir magni?