VG. Óska eftir 300.000 kr frá Alcan

 

Fyrst vilja þeir að Alcan fari af landi brott svo betla þeir peninga frá Alcan, hvað viljar þeir næst frá Alcan að Alcan greiði auglýsingarkostnaðinn frá Sól í Straumi.

Steingrímur J. Sigfússon, formaður Vinstrihreyfingarinnar- græns framboðs, óskaði eftir því að Alcan í Straumsvík styrkti flokkinn um þrjú hundruð þúsund krónur.

VG óskuðu eftir fjárstuðningi Alcan

Athugasemdir

[Sigurður (IP-tala skráð) 5.4.2007 kl. 12:42]

Þetta er svipað og ef Frjálslyndiflokkurinn myndi biðja Alþjóðahús um styrk!  :)

[Hlynur Hallsson, 5.4.2007 kl. 13:44]

Vinstri græn hafa aldrei sagst vilja að Alcan fari af landi brott. Bara sama bullið áfram í "Rauða ljóninu". Vg var á móti stækkun álversins. Það er ekkert einkennilegt við það að skrifa bréf til 100 stærstu fyrirtækja landsins og byiðja um styrk. Ef fyrirtækin vilja styrkja flokkana þá er það uppi á borðinu ef ekki gildir það sama. Við getum vonandi virt lýðræði þó að við séum ekki öll með sömu skoðanir, eða hvað Rauða ljón? Bestu kveðjur,

[Sigfús Sigurþórsson., 6.4.2007 kl. 02:42]

Mér þikir verst að Alcan skuli ekki hafa rétt þeim 300 þúsund kallin og sagt þeim að þetta sé vorkunargjöf.

[J. Einar Valur Bjarnason Maack , 6.4.2007 kl. 22:17]

Sigurður, ég leyfi mér að efast um að FF myndi biðja AH um styrk, þarsem FF hefur ágætis sjóði að sækja í, ólíkt AH.

En ef FF eru ekki að berjast á móti innflytjendum. Það er misskilningur.

[Benedikt Guðmundsson (IP-tala skráð) 7.4.2007 kl. 22:28]

Að láta sér detta það í hug að reyna að grenja út styrk frá Alcan er með ólíkindum, eftir allt sem þeir hafa gert til að bregða fæti fyrir frekari vöxt fyrirtækisins.  Að sjá ekkert athugavert við það segir margt um eðli þeirra í vg.

[Guðmundur Guðmundsson (IP-tala skráð) 8.4.2007 kl. 09:08]

Þátttaka í stjórnmálum kostar mikla peninga. Nýlega fréttum við af samkomulagi flokkanna um að takmarka kostnað við auglýsingar í fjölmiðlum við tæpar 30 milljónir króna og er sá kostnaður aðeins hluti heildarútgjaldanna. Þessi kostnaður er greiddur með þrennum hætti. Í fyrsta lagi styrkir ríkið stjórnmálaflokkana með verulegum fjárhæðum og er tilgangurinn sá að jafna aðstöðu þeirra sem sitja á þingi. Þá skilar stuðningsmannakerfi flokkanna einhverju t.d. með sölu happdrættismiða og frjálsum framlögum en afganginn sækja flokkarnir til fyrirtækja. Trúlega hafa öll stærstu fyrirtækin ákveðna stefnu í þessum efnum. Sum þeirra líta á það sem lýðræðislega skyldu sína að styrkja stjórnmálaflokkana en önnur gera það ekki. Allir stjórnmálaflokkar á Alþingi afla fjár með þessum hætti og eru vinstri grænir þar ekki undanskyldir. Fréttin um að VG hafi sníkt peninga hjá Alcan er "ekkifrétt". Það eru eðlileg vinnubrögð að sækja um stuðning til 100 stærstu fyrirtækjanna burtséð frá því hvort þau séu vinsamleg flokknum eða ekki. Sum veita stuðning önnur ekki. Það sem er í raun fréttnæmt í þessu er að Alcan er að reyna að hefna sína á VG fyrir andstöðuna við stækkunina í Straumsvík með því að leka "fréttinni" í fjölmiðla.

[Dante, 13.4.2007 kl. 17:37]

Tvískinnungur vinstri manna á sér engin takmörk. Þeir hafa marg lýst því yfir að þeir séu á móti erlendum "auðhringjum" og stórfyrirtækjum og vilji helst ekki fá þá til landsins. En þar sem alla vegana einn slíkur er nú þegar á landinu þá bregður við kunnuglegan tón hjá vinstra liðinu sem er "LÁTTU MIG FÁ ALLT ÞITT EN LÁTTU MITT Í FRIÐI". Ímyndið ykkur hvernig ástandið verður hér á landi ef þeir komast til valda. Þá fáum við sko að finna fyrir því. 120% verðbólga, mánaðarlegar kaupmáttarýrnanir ásamt atvinnuleysi upp á ca. 10%.

Hvað svona betl varðar þá finnst mér stjórnmálaflokkarnir fá nóg af skattpeningunum frá okkur til að fjármagna lygaþvæluna í sér og það á að duga þeim. Helst myndi ég vilja að þeir fengu ekki krónu úr ríkissjóði og þyrftu að betla hverju einustu krónu. Þá væri óhætt að segja að þeir myndu uppskera eins og þeir sá.