Valgerður gagnrýnir Katrínu og Kristján Þór

Valgerður Sverrisdóttir, varaformaður 

Vísir, 06. ágú. 2008 20:25

Framsóknarflokksins.

Varaformaður Framsóknarflokksins gagnrýnir harðalega Katrínu Júlíusdóttir, formann iðnaðarnefndar, og Kristján Þór Júlíusson, varaformann nefndarinnar, varðandi yfirlýsingar þeirra um fyrirhugað álver á Bakka. Þetta kemur fram í nýjum pistli á heimasíðu Valgerðar Sverrisdóttur.

Katrín er mikilli andstöðu við Össur Skarphéðinsson, iðnaðarráðherra, sem lagðist gegn heildstæðu umhverfismati vegna framkvæmda á Bakka í umsögn, að sögn Valgerðar. ,,Hún styður hins vegar umhverfisráðherra í ákvörðun sinni," segir Valgerður og bætir við að hún lesi út úr orðum Katrínar að Landsvirkjun fái leyfi til tilraunaborana á svæðinu þrátt fyrir að heildstætt umhverfismat liggi ekki fyrir.

Valgerður segir að Kristján Þór reyni að drepa málinu á dreif með því að koma fram sem varaformaður fjárlaganefndar og tala sem slíkur fyrir því að sveitarfélögin fái hlutdeild í fjármagnstekjuskatti. ,,Það er ár síðan fjármálaráðherra, sem líka er sjálfstæðismaður, sló þetta algjörlega út af borðinu og það gerði hann aftur í hádegisfréttum í dag."

,,Ýmsum hefur orðið hugsað til þess þessa dagana hvílíkt lán það var fyrir Austfirðinga að á þeim tíma sem uppbyggingin átti sér stað fyrir austan sat ríkisstjórn í landinu sem vann með heimamönnum að uppbyggingunni. Enda má fullyrða að aldrei hefði orðið af þeim framkvæmdum ef svo hefði ekki verið," segir Valgerður.

Heimasíða Valgerðar.