Árslaun nokkurra lífeyrissjóðaforstjóra

Lífeyrissjóðir lækka launin sín.

Þegar ársskýrslur helstu lífeyrissjóða landsins eru skoðaðar kemur m.a. í ljós að stjórnendur sjóðanna voru á síðasta ári með allt að 30 milljónir króna í laun, eða um 2,5 milljónir króna á mánuði. Forstjóri Lífeyrissjóðs verslunarmanna, Þorgeir Eyjólfsson, trónir þar á toppnum, en samkvæmt ársskýrslu 2007 voru laun hans alls 29,8 milljónir króna. Þorgeir sker sig nokkuð úr þar sem forstjórar annarra sjóða eru með árslaun kringum 20 milljónir króna.

 Árslaun stjórnarmanna eru yfirleitt á bilinu 1-2 milljónir króna og stjórnarformenn eðlilega hæstir. Koma stjórnarmenn oftar en ekki úr röðum verkalýðsfélaga eða atvinnulífinu sem forstjórar og millistjórnendur.