Áhrif á Atvinnu- og efnahagslíf

Rekstrartími:

Ný ársverk sem skapast vegna rekstrar álversins eru áætluð 346, óbein og afleidd ársverk 830, eða samtals 1.176. Ársverk á höfuðborgarsvæðinu eru nú um 48% af íbúafjölda svæðisins. Gert er ráð fyrir að þetta hlutfall hækki smám saman á næstu árum í 50% af íbúafjöldanum vegna breytinga í aldursskiptingu sem verður vegna hækkandi hlutfalls 50-65 ára fólks og minnkandi fæðingatíðni. Forsendur spár um íbúafjölgun eru þær að fyrir hvert 1 nýtt starf sem skapast vegna stækkunar álversins fjölgi íbúunum um 2. Áætluð íbúafjölgun sem leiðir af fyrirhugaðri stækkun álversins er því áætluð um 2.350 manns. Þessi tala byggir á þeirri forsendu að þegar rekstur tveggja viðbótaráfanga álversins hefst á árunum 2008 og 2010, eins og áætlað er, verði nokkurn veginn fullt atvinnustig á svæðinu. Ef atvinnuleysis mun gæta í einhverjum mæli þegar að þessu kemur, munu þau viðbótarstörf sem verða til í álverinu draga úr atvinnuleysi á svæðinu og leiða til minni íbúafjölgunar en ella. Þannig mun líklega verða nokkuð mikil fylgni milli atvinnuleysisstigs og íbúafjölgunar, þ.e. í öfugu hlutfalli. Einnig skal ítrekað að áætlun um fjölda óbeinna og afleiddra starfa er með nokkrum skekkjumörkum sem getur hækkað eða lækkað áætlaða íbúatölu um allt að 300 manns.

Svig. 

Ávinningur af stækkunn

Hagvöxtur og efling atvinnulífs: Fyrirhuguð stækkun álversins mun með beinum, óbeinum og afleiddum hætti leiða til um 10% aukinna útflutningstekna að mati Þjóðhagsstofnunar, mikillar atvinnusköpunar, hærri atvinnutekna og aukinna viðskipta á höfuðborgarsvæðinu og landinu öllu. Stækkunin mun efla fyrirtækið, treysta það í sessi í Straumsvík og gera rekstur þess hagkvæmari. Jafnframt eflist áliðnaðurinn í landinu. Hann er vaxandi í heiminum og aðstæður til uppbyggingar áliðnaðar eru góðar hér á landi. Áliðnaður fellur vel að annarri efnahagsstarfsemi í landinu, leiðir til frekari nýtingar orkulindanna, eykur fjölbreytni í útflutningi og stuðlar að meira jafnvægi í þjóðarbúskapnum