Óður til umhverfisfíkla frá umhverfissinna sem vill kraftmikið atvinnulíf og að virkjað sé í sátt við náttúruna.

                         Klettinn í fjallinu klaufstu í tvennt með kjarnmiklum ræðum og tárum. Það afl hefur Ómar… okkur sent í dreyra frá jöklunum gráu.

 Þú syngur og messar dag eftir dag með dásemd af sköpunarmætti. Það hlusta víst einhverjir á vonir þínar og brag og blessun frá umhverfisfíkla slætti.

 Samt niða niður fossar tárfagrir öld eftir öld.uns örþreyttir strengirnir rofna.Að síðustu kom þitt kvöld. Þú hverfur í gljúfrið þitt dökkva. 

Daga og nætur stend ég upp á stól og stari upp til hæða.Ég hlusta á umhverfið í vetri og sól viskunnar eilífu fræða. 

Í fortíð og nútíð þú færir í eitt með fádæma haglegum ljóðum.Ekki fá aldirnar rödd þinni breytt né umbrot frá umhverfisvina þjóðum.

 Fossrödd þín Ómar…hljómar háttfrá umhverfissjónarmiðum. Alltaf er hjartað mitt opið á gátt frá hægri öfgasjómanninum.

 Ég skora á umhverfisfíkla að ná sáttum við okkur framfarasinna.  Þjóð sem keyrir fram af bjargbrúnni eftir að hafa slökkt á hagvaxtarvélinni verður ekki affarsæl í framtíðinni.  Þjóðin á að halda áfram sínu kraftmikla atvinnulífi eða láta umhverfisfíklana ráða og telja fólki að affarasælast sé að loka sig af í dimmu herbergi og semja ljóð sem allir geta gert þegar aldurinn færist yfir og aukinn frítími myndast. 

Kveðja Á. Örn Þórðarson.

Sælir Straumarmenn, Stækkun Alcans JÁ TAKK. Hafnfirðingar gerum bæinn okkar kraftmikinn.

1.      Sælir Sólar menn.Af hverju á ekki bara að hætta að hugsa um að efla velferð í þessu landi til framtíðar þar sem nóg virðist af henni í dag. Velferð kostar peninga og allir vita að fólk þarf að hafa samkeppnisbær laun. Húsvíkingar reyndu allt áður en þeir heimtuðu álver. Það má segja að allt sem þeir reyndu gekk ekki upp, síðan gáfust þeir upp og heimtuðu álver. Fyrir um 12 árum síðan gengu hér um í Hafnarfirði 10% atvinnulausra manna. Davíð Oddson aflýsti kreppunni þá þegar síðasta stækkun álversins var fullgerð. En vissulega eru betri tímar núna en hagkerfi okkar er svo brothætt að lítið þarf út af bera til að allt hjaðni niður og leiti til baka.Sjálfur vil ég vera hreinskilinn og kvíði fyrir því ef Vg nær einhverri fótfestu sem ráðandi afl í okkar landi.Fyrir rúmum mánuði síðan  hringdi í mig góður vinur minn að norðan til að spyrja mig um ráðleggingar um lán og þá hvort eitthvað vit væri í að taka lán í útlenskum gjaldmiðli? Þessi vinur minn er annálaður stuðningsmaður Vg. Ég tjáði honum það ef hann treysti Vg fyrir efnahagsstjórnunninni næstu ára þá skyldi hann taka erlend lán en hann var efins um það með efnahagsstjórnun Vg í fararbroddi.Í mínum huga fer fram mikið lýðskrum um stækkun álversins í Straumsvík. Þegar menn segja sannleikan um framtíð Alcans um líftíma þess og fl að þá verður allt vitlaust og þeir sem kölluðu okkur álhausa kálhausa í síðustu kosningabaráttu blása úr og kalla að menn séu með hótanir. Hvaða fyrirtæki verður langlíft ef það fær ekki að þróast og taka upp nýjustu tækni?Ef menn hafa fylgst með sveitastjórnakosningunum í vor þá gátu menn séð það að meðaltekjur hvers skattskylds útsvarsgreiðanda í Hafnarfirði eru mjög lágar. Það er s.s nóg af láglaunastörfum í Hafnarfirði. En þess skal geta að álverið borgar vel yfir lágmarkslaunum á landsvísu og góðan útsvarspakka til bæjarins.Það er leitt að horfa upp á þessa skrumstælingu fjölda fólks sem hefur ekki hundsvit á því hversu gott er að vinna innan veggja álversins. Miðað við allt miðað við þá mengun sem þau ímynda sér ættum við sem vinnum þar að vera löngu dauð. Í mínum huga er framtíð eins skuldugasta bæjarfélags á Íslandi í veði.

Álver með snyrtilegu umhverfi á rétt á sér sem ekki sést nein mengun frá. Þannig er Alcan í dag og mengar ekkert sem hefur nein áhrif á íbúa Hafnarfjarðar þótt af stækkun yrð

Stækkun álversins JÁ TAKK.Á. Ö. Þórðarson.

Stækkun í Straumsvík.

Stjórnmálamenn sem ekki gera greinarmun á nýjum álverum í Helguvík eða á Húsavík annarsvegar eða stækkun álversins Straumsvík hinsvegar eru í besta falli á villi götum. Undirbúningur stækkunarinnar í Straumsvík hófst 1999. Frumkvæðið  kom frá forráðamönnum fyrirtækisins hér og fyrirtækið enn í eigu Svisslendinga. Farið var alfarið að íslenskum leikreglum, tryggja sér land, fyrirhuguð stækkun sett í umhverfismat sem var samþykkt. Þá var farið í orkuleit, samningar náðust við Orkuveitu Reykjavíkur um 40% orkunnar í tíð R-listaflokkana og síðar tókust samningar við Landsvirkjun um hin 60% orkunnar. Þau sem stóðu í þessum samningum voru ekki her útlendinga, heldur forstjóri og kerskálastjóri ÍSAL, þau Rannveig Rist og Gunnar Guðlaugsson. Í millitíðinni sameinast Alusuisse (Svisslendingarnir) og Alcan (Kanadamennirnir) og síðar Pecheynnay (Frakkarnir) og fyrirtækið fær nafnið Alcan á Íslandi. Frumkvæðið að stækkuninni er því íslenskt enda hagsmunirnir íslenskir. Alcan á fleiri möguleika, orkuverð er lægra í Kanada og Bahrein býður upp á "olíu knúin álver"og þar með nánast ókeypis orku. Umhverfismálin ráða hér mestu, vandinn er hnattrænn ekki íslenskur. Við stöndum þjóða best í umhverfismálum og því eðlilega leitað til okkar. Þeir íslensku kostir sem eru upp á borðinu eru fráleitt allir jafn umhverfisvænir. Húsavíkur álver kallar á jarðvarmavirkjun á einu fjölsóttasta ferðamannasvæði  landsins og Helguvíkur álver kallar á jarðvarmavirkjun á Reykjanesskaganum á svæðum sem mörg hver eiga ekki sinn líka eins og Brennisteinsfjöll . Stækkunin í Straumsvík felur í sér virkjun neðarlega í Þjórsá, (afturkræf framkvæmd) og búið að samþykkja af skipulagsyfirvöldum !Einnig jarðvarmavirkjun á Hengilssvæðinu sem er vissulega viðkvæmt en þar er byrjað að virkja nú þegar með samþykki R-Listans og skipulagsyfirvalda. Skipulagsstofnun samþykkti ekki Kárahnjúkavirkjun, umhverfisráðherra varð að grípa þar inn í.   Umhverfismat á eftir að fara fram gagnvart bæði Helguvík og Húsavík og standist það ekki mun enginn umhverfisráðherra breyta því áliti hvar í flokki sem hann/hún stendur! Hér er því um ólíka hluti að ræða. Álverið í Straumsvík er með öll tilskilin leyfi til stækkunar en hinir staðirnir ekki. Hinsvegar kaus Hafnarfjarðarbær að fara þá leið að hafa íbúakosningu um málið, ekki urðu nein málaferli út af því, ekki mótmælti ÍSAL og ekki Alcan. Kosningarnar fara því fram 31.mars næstkomandi,stjórnmálamenn þurfa því enga afstöðu að taka nema að þeir búi í Hafnarfirði. Maður er hinsvegar í nettu sjokki yfir þekkingarleysi stjórnmálamanna á starfseminni í Straumsvík og því andvaraleysi að sú starfsemi skipti engu máli fyrir Hafnarfjörð né land og þjóð. Stækkunin skiptir gríðarlegu máli fyrir Hafnarfjörð og land og þjóð. Við misstum af iðnbyltingunni þess vegna er en hægt að virkja hér ef rétt er að málum staðið, eins og hjá ÍSAL. Fjörutíu ára saga ÍSAL segir okkur að óhætt sé að stækka í Straumsvík, slík aðgerð myndi treysta rekstrargrundvöll þjóðarinnar til framtíðar og við gætum snúið okkur að öðrum möguleikum, öllum til hagsbóta og það gæfi okkur fótfestu til að segja hingað og ekki lengra hvað álver snertir. Eitt er að stækka það sem fyrir er og samþykkt er, en annað að byrja frá grunni! Skora á stjórnmálamenn að kynna sér starfsemina í Straumsvík og koma í veg fyrir að því frábæra starfi sem þar  fer fram verði fórnað að óskoðuðu máli! Úti í henni Evrópu og Skandinavíu er auðvelt að vera "Grænn" þar er búið að virkja allt sem hægt er,við komumst sem betur fer aldrei á það stig! 

 Stækkum í Straumsvík!! Logi Hjartarson

Hafnfirðingar kjósa um framtíð mína? Mörgum þeirra er sama og finnst að ég ætti að fara að semja ljóð eins og svo margir afturhaldssinnar.

Alcan er gott fyrirtæki og hefur reynst mér afskaplega vel. 

 

Á sínum tíma þá hætti ég sjómennsku minni þar sem mér fannst ömurlegt að starfa í grein sem var með óréttlát kvótakerfi.

 

Ég tel Alcan á Íslandi vera með besta áliðnaðar starfsfólk á heimsvísu.  Ég tel á mínum vinnustað að starfsfólkið hafi gert kraftaverk.  Skautsmiðja á heimsvísu er talin óþrifalegasta deild álfyrirtækja.  Hjá okkur er hún ein sú þrifalegasta og tel ég að með því að fá alla til að róa í takt þá sé hægt að gera kraftaverk. Við höfum gert kraftaverk Skautsmiðjunni og erum við starfsmenn stoltir fyrir allt það hrós frá öllum þeim sem hafa heimsótt okkur.  

 

Nú er svo komið í mínu lífi að ég legg spilin á borðið?  Ef Alcan verður ekki stækkað þá mun Alcan sem framleiðir 180.000 tonn sem gamalt úrelt álver byrja að loka sem getur tekið X mörg ár.  Við starfsmenn munum örugglega sjá breytingar.  Sjálfur hef ég hugsað þetta ferli oft?  Um þessar mundir er ég að hugsa mína stöðu hvort ég vilji vera hjá fyrirtæki áfram sem mun hætta rekstri eftir nokkur ár. En að sjálfsögðu hef ég áhuga á að starfa hjá fyrirtæki sem er fremst í umhverfis, öryggismálum og að vinna  við að lágmarka gróðurhúsalofttegundir.

 

Ég hef sagt við mína konu ef álverið í Straumsvík verði ekki stækkað þá flytjum við á landi brott því ég mun ekki kyngja því endalaust að alltaf sé ráðist á þá atvinnugrein sem ég hef valið mér.

 

Enn og aftur bið ég Hafnfirðinga um að vera framsækna og sækja fast í og styðja að fyrirtækið fái að nútímavæðast og þróast.

 

Það er mikill mannauður hjá elsta álfyrirtæki landsins.  Sá auður mun hverfa til anskotans ef fyrirtækið verður ekki stækkað?

 

Kveðja

 

Á Örn Þórðarson.

Rökin 10. eða Boðorðin 10.3.

   Fréttablaðinu 27.1.2007


   Er gein eftir Svölu Heiðberg Jónsdóttir þar sem hún telur upp 10. rök gegn stækkum  Álversins í  Straumsvík.
   Skömmu fyrir áramát færði hópurinn Sól í Straumi stjórnendum Alcan í
,,Straumsvík eftirfarandi rök gegn stækkun í Straumsvík.” Og þar segir hún  Byggingarland Alcan 10 ferkílómetra rétt er Byggingarland verður ef stækkað verður 3 ferkílómetrar, eða 20% af iðnaðarsvæðinu.

Þar fór þriðja fullyrðingin fyrir lítið sem sagt ekki rétt, rökum hnekkt.
 

  Meira  seinna.
   
       Kv,Sigurjón Vigfússon 

Orð til talsmanns Sólar í Straumi.

Sæll Sigurður Pétur.

Það sem særir okkur framfarasinna mest er stanslaus áróður ykkar afturhaldssinna á störf þeirra sem nenna að vinna og hafa migið í saltan sjó?

Þú eins og ég vitum vel þegar bágt ástand er á atvinnulífi þjóðar okkar? Þú manst líklegast eftir árinu 1996 þegar ég tók þig með mér á sjóinn til að kenna þér að míga í saltan sjó. Ég man vel þegar þú brosandi Pétur hafði fengið fyrstu reynslu sjómannsins og burðaðist með fullan svartan ruslapoka af humri í land.

Ég verð að segja að ég er farinn að verða þreyttur á þessu þvaðri þínu og vitleysu. Um daginn tjáðir þú þig um að ef Alcan stækkaði þá myndu öll börn í Hafnarfirði nánast drepast úr mengun.

Nú tel ég sé nóg komið þegar þú ásakar okkur starfsmenn að ganga erinda forsvarsmanna Alcans. Ég held að þú þekkir mig það vel að ég skrifa nákvæmlega um allt sem mér sýnist og berst af alefli ef mér og mínum er sýnt eitthvað óréttlæti. Mér er anskotans sama hvað fólk finnst um mín skrif því ég skrifa alltaf beint frá mínu hjarta og ýti á SEND takkann. Eini stíllinn sem ég hef breytt um er að ég er farinn að lesa einu sinni eða tvisvar yfir það sem ég skrifa.

Að lokum Sigurður Pétur. Hættu að sýna störfum okkar áliðnaðarmanna fjandsemi. Þú veist vel að ég og fleiri sem þú þekkir vel værum ekki búnir að vinna þarna í áratugi ef þetta væri svona fjandsamlegt, drullugt og ömurlegt eins og þið Sólarmenn staklist á ykkar áróðri. Vil minna þig á að álver er hátækni iðnaður.

Öll menntun mín til að geta skrifað þessar línur einn og óstuddur er Alcan að þakka. Eins og þú veist þá var skólaganga mín í Stýrimannaskólanum með herkjum. Eins og þú veist þá erfa sum börn verstu eiginleika foreldrana en með fullorðinsárunum þegar ró kemst yfir þá fer allt á betri veg.

Þú ert velkominn í kaffi hvenær sem er þannig að við getum tekið stöðuna. En ég fæ æluna upp í háls af þessari umræðu þar sem fólk er að nota þessa sjálfsögðu stækkun Alcans sem pólitískt skotvopn sér og sínum til framdráttar.

Nú er nóg komið af ómálenanlegri umræðu og skrifum. Ef rannsóknir sýna að stækkun Alcans skaðar ekki neitt í nálægðum byggðum álversins þá á að sjálfsögðu að stækka til hagsbóta framförum og hagsældar í Hafnarfirði.

Nútíma álver er hátækni iðnaður

Stækkum Alcan til hagsældar fyrir Hafnarfjörð.

Kveðja Á. Ö. Þórðarson.

Er hugmyndafræði Samfylkingarinnar fengin hjá Karli bréta prins í umhverfismálum og ferðamannaiðnaði?

Karl Bretaprins ákvað fyrir nokkrum vikum síðan af aflýsa árlegri skíðaferð sinni til að stemma stigu við losun gróðurhúsalofttegunda en prinsinn hefur verið gagnrýndur fyrir að fljúga um allan heim til að taka við viðurkenningum fyrir störf sín að umhverfisverndarmálum og stuðla með því að losun gróðurhúsalofttegunda. Þetta kom fram á fréttavef Jyllands-Posten. Deginum eftir flaug hann til New York til að taka við einni slíkri umhverfisviðurkenningu.

Ómar keyrir á litlum sparneytum álbíl ef ég fer með rétt mál og er hlynntur mengandi ferðamannaiðnaði. Samfylkingarbanarnir í Samfylkingunni eru ekki hlynntur skít og drullu og hafa verið helstu talsmenn þess að banna Íslendingum að koma nálægt slíku.  Fyrst með slagorðinu Fagra Ísland og nú síðast með áróðrinum um tækni eitthvað í stað stóriðju. Ég tel alla íslendinga umhverfissinna sem vilja fara mismunandi leiðir skynseminar.

Ef færi fram skoðanakönnun á fylgi flokkanna meðal starfsmanna Alcans  þá væri Samfylkingin langöflugust flokka hjá okkar fyrirtæki enda feikivinsæll bæjarstjóri í bænum okkar. Hvert atkvæði fjölskylduföðurs getur haft vægi upp á 3-15 fallt.  Ef við tökum lítið dæmi og teljum okkur trú á að flestir stuðningsmanna Alcans séu búnir að fá nóg af ójafnaðarmennskunni. Tökum fyrir hæsta áhrifagildið?  300 starfsmenn *15 eru 4500 atkvæði. Ég er farinn að finna urg hjá starfsmönnum gagnvart Samfylkingunni.

Í Fjarðarpóstinum í dag kemur fram að Talnakönnun gerði könnun fyrir Vísbendingu um afstöðu landsmanna um stækkun Alcan.  55% voru fylgjandi 45% á móti.

Að lokum óska ég þess að Samfylkingin verði áfram jafnaðarmannaflokkur en ekki áróðursflokkur gagnvart okkur framfarasinnum.  Flestir Hafnfirðingar eru ánægðir með Samfylkinguna í Hafnarfirði þar sem bæjarstjórinn í Hafnarfirði lítur hlutlaust á málin en að mínum dómi er annað að segja af forustusveit Samfylkingarinnar á landsvísu sem lítur hlutdrægt á málin.

Kveðja.Á Örn Þórðarson  

Forsvarsmenn Sólar í Sraumi reyna oft að breyta sannleikanum.

Okkar vinsæli bæjarstjóri Hafnfirðinga  gagnrýnir yfirlýsingar forsvarsmanna Sólar í Straumi samkvæmt grein í Fjarðarpóstinum í dag. Ég tek undir þessa grein bæjarstjórans þar sem forsvarsmaður Sólar í Straumi reynir að byggja allar upplýsingar sínar á gömlum hasarsíðum en forðast að nefna allar þær upplýsingar sem standa upp á borðinu í dag.

 

Ef við tölum gott og hart mál og  segjum það sem kemur frá hjarta Ljónsins þá hefur mér oft fundist forsvarsmaður Sólar í Straumi telja starfsmenn Alcans fara með rangt mál þegar þeir segja að Alcan sé góður vinnustaður enda munu fyrstu starfsmenn fyrirtækisins verða 40 ára starfsmenn í ár.

 

Ég segi að forsvarsmaður Sólar í Straumi fer oft með ósannindi og vitlausar tölur eins og hann leggur málin upp.

 

Við starfsmenn Alcan tjáum okkur á þessari síðu til að koma okkur skoðunum á framfæri og segjum rétt og satt frá.  Miðað við allt mengunartal forsvarsmanna Sólar í Straumi og einelti Alcans þá spyr ég?  Af hverju er ég lifandi í dag og líður vel?  Eitt sem ég get gagnrýnt Alcan fyrir er að þeir hafa besta mötuneyti á Íslandi og er baráttan við aukakílóin hörð.  Samt er lagt upp úr góðu næringarinnihaldi og vitum við nákvæmlega reiknað hvað hver maður lætur ofan í sig.

 

Berjumst fyrir framtíð góðs fyrirtækis sem veitir starfsmönnum sínum vel enda sýnir starfsmannaveltan það svart á hvítu.

 

Ég vil öflugt fyrirtæki í okkar bæ sem styður við bakið á íþróttahreyfingunni.  Ég hef trú á ef Alcan verði stækkað þá sjáum við þann draum að stórt fjölnota íþróttahús/sýningarhöll verði byggt í okkar bæ en það vantar slíkt hús.  Uppbygging íþróttamannvirkja gengur alltof hægt og eru rótgróin íþróttafélög farin að líða fyrir það.

 

Ég treysti góðu fyrirtæki til góðra samfélagsmála í nánustu framtíð ef fyrirtækið fær að nútímavæðast og dafna.  Ég væri ekki að hvetja dóttir mína að sækja um sumar vinnu hjá góðu fyrirtæki ef þetta væri svona hrikalegt að vinna þarna eins og forsvarsmenn Sólar í Straumi og Vinstri – Grænir vilja álykta.

 

Stækkum Alcan fyrir framtíð Hafnarfjarðar JÁ TAKK.

 

ÁÞ

    

Ómar Ragnarson. Jón Baldvinn, ég og Ljónið.

Ómar Ragnarson segir að fylgismenn Ljónsins séu galnir virkjunarsinnar.  Ljónið spyr Ómar á móti hvort hann sé galinn umhverfissinni?  Jón Baldvinn kallar vinnustaðinn okkar skrímsli?

 

Mun Ljónið, Ómar og Jón Baldvinn ná sáttum og byggja upp landið í sátt við náttúruna?  Mér hlýnar um hjartarætur að Ómar hafi auglýst eftir hægri – grænum en ekki Vinstri- grænum. Jón Baldvinn vill kljúfa Samfylkinguna?

 

Hver veit nema ég, Jón Baldvinn og Ómar verðum saman í flokki, Hægri-grænum þar sem vilji er til að nýta auðlyndir okkar í sátt við náttúruna til hagsældar lands og þjóðar?  Ekki rétt?.

 

Að lokum Ómar og Jón Baldvinn?

 

Fólk verður að lifa af í þessu dýrasta landi heims?  Ég vil minna ykkur á að lægstu launataxtar í okkar landi eru 124..000 á mánuði.  Skrifa  Eitt hundrað tuttugu og fjögur þúsund á mánuði?

 

Húsvíkingar eru búnir að reyna allt? .   Álver er hátækni iðnaður?  Alcan er sjálfbært fyrirtæki? 

 

Ég skora á allt verkafólk þessa lands að rísa upp og berjast heiðalegri orðabaráttu gegn því fólki sem berst gegn okkur.

 

Hvar er verkalýðshreyfingin í þessu landi?

 

ÁÞ

Stækkum álverið í Straumsvík - fyrir fólkið.

 

Undanfarin ár hef ég verið þeirrar gæfu aðnjótandi að vera starfsmaður Alcan á Íslandi eða Ísal eins og við starfsmenn köllum fyrirtækið okkar í milli. Áður en ég hóf störf hjá Ísal hafði ég unnið hjá mörgum ágætum fyrirtækjum bæði hér á Íslandi og í Danmörku í meira en 15 ár. Án þess að lasta nokkurt af þessum fyrirtækjum þá get ég fullyrt að hvergi hef ég kynnst eins almennri starfsánægju og jákvæðum starfsanda og hjá Ísal. Það tók mig nokkurn tíma að trúa því að hægt væri að vinna í fyrirtæki þar sem bros mætir manni á hverju horni og allir eru tilbúnir til að rétta hjálparhönd ef þörf er á.

Það segir nokkuð um fyrirtækið að meðalaldur allra starfsmanna er um 46 ár og meðalstarfsaldurinn um 15 ár. Ef menn lenda í því að veikjast eða missa starfsorku að einhverju leyti er þeim boðið starf í Smiðjunni, sem er sérstök deild þar sem ekki er krafist fullrar starfsorku. Þar geta starfsmenn sinnt léttari vinnu eins og að yfirfara búnað, búa til barka og slöngur og annað sem fellur til í stóru fyrirtæki. Ætli það séu mörg fyrirtæki á Íslandi sem bjóða upp á “áhyggjulaust ævikvöld” í vinnunni? Þeir sem vilja fræðast meira um Smiðjuna ættu að lesa viðtöl við starfsmenn í grein á vef Alcan: http://alcan.is/lisalib/getfile.aspx?itemid=256.

Hvergi hef ég kynnst öflugra fræðslustarfi en hjá Ísal. Þar er starfræktur skóli sem nefnist Stóriðjuskólinn. Verkafólki og iðnaðarmönnum er boðið uppá nám sem metið er til náms á framhaldsskólastigi. Meira en 200 Stóriðjugreinar og Áliðjugreinar hafa verið útskrifaðir úr Stóriðjuskólanum. Meðal þeirra sem hafa útskrifast eru eflaust margir sem hlakka til að takast á við ný og spennandi störf í stækkuðu álveri og eiga þannig möguleika á starfsframa sem er takmarkaður í Ísal í dag.

Fyrir utan Stóriðjuskólann er mikið framboð af allskonar námskeiðum jafnt innan fyrirtækisins sem utan. Öryggismálin eru gjarnan efst á listanum yfir þá fræðslu sem í boði er.

Í ár er Ísal að halda upp á 40 ára afmæli. Þrátt fyrir mikið og gott viðhald á þessum árum er verksmiðjan orðin gömul og úrelt á nútíma mælikvarða. Ef fyrirækið fær ekki að stækka og endurnýjast eru miklar líkur á að samkeppnin verði til þess að fyrirtækinu verði lokað innan 10 ára. Viljum við Hafnfirðingar virkilega að þetta fyrirtæki hverfi úr bænum okkar? Nei, sýnum samstöðu og kjósum já við stækkun í væntanlegum kosningum!

 

Kv.JG.