Guð hjálpi Hafnarfirði ef álverið í Straumsvík fær ekki að stækka? Hrikalega há fasteignagjöld og hæsta útsvar segir allt í dag?

Álverið er og mun ALLTAF verða einhverskonar máttarstólpi í atvinnulífi bæjarins okkar Hafnarfirði. Allir eru sammála um þessa fullyrðingu nema þeir sem aðhyllast afturhaldi eins og Vg og samtökin Sól í Straumi. 

  Undirritaður  heldur því fram að við Hafnfirðingar verðum að samþykkja stækkun álversins í Straumsvík vegna þess að í álverinu eru borguð viðunandi laun og heimsmetsárangur hefur unnist  í heilsu-umhverfis og öryggismálum.

Látum ekki Sól í Straumi og Vinstri- Græna Beita stjórntæki sem Sovétamenn beittu þegna sína hér á árum áður.  En heilaþvottur og lýðskrum var þeirra beittasta vopn og sættist þjóðin í marga áratugi við allt orðagjálfrið.

 Hafnarfjörður getur orðið öflugur bær ef stöndug fyrirtæki ná að vaxa og dafna í bænum okkar.  Það er mín skoðun ef álversstækkunin verður blásin af þá verður þessi bær sem stjórnað er af vinstri mönnum, steindauður bær í marga áratugi.

Fólk eins og ég sem vill drifkraft í Hafnarfjörð mun flytja úr bænum.  Margir munu segja farvel og er það besta mál.  Eftir tíu ár klóra menn sér í rassinum og væla?  Fyrst fór kvótinn síðan álið og loks fólkið sem nennir að vinna.

  Nú eru bara vinnustaðir í Hafnarfirði eins og Bónus, fiskverkannir, matsölustaðir,/ skyndibitastaðir og aðrir staðir sem borga lág laun enda var Hafnarfjörður með eitt lægsta útsvar sveitarfélaga per mann á síðasta ári?Hátækni eitthvað, þekkingariðnaður eitthvað hækkar ekki útsvar Hafnarfjarðar per mann nema skrumverjar komi með skýrar tillögur hvað á að koma í staðinn.

Á Örn Þórðarson

 

Athugasemdir

[Hafnfirðingur sem er annt bæjinn sinn (IP-tala skráð) 19.2.2007 kl. 12:58]

Þetta fyrirtæki hefur nú um árabil verið rekið í góðri sátt við umhverfi sitt hér í Hafnarfirði

En nú er allt útlit fyrir að á því verði mikil breyting nái þessar stækkunnarhugmyndir fram að ganga. Núverandi starfsfólk virðist telja að framtíðaratvinnu þess sé ógnað nái þessi stækkunnaráform ekki fram að ganga. En er það endilega svo ?

Gamall og gegn maður og fyrrum starfsmaður í álverinu sagði við mig nú um daginn.

Ef þessi stækkun nær fram að ganga er þá ekki mjög líklegt að fyrirtækið vilji hagræða mjög mikið í sínum rekstri með því að bjóða út til verktöku ýmsa þjónustu sem nú er unnin af fastráðnum starfsmönnum. Nú er ég ekki kunnugur innrirekstri svona fyrirtækja og get ekki sjálfur lagt á það mat.

Þessi fyrrum starfsmaður nefndi þjónustugreinar eins og mötuneyti,ræstingar,hafnarvinnu, verkstæði og fl, sem ég greindi ekki alveg.

Hann sagði og benti á það sem væri að  gerast t.d í byggingariðnaði og ýmsum þjónustustörfum að verktakar með erlendan vinnukraft stæðu mjög vel að vígi í verðtilboðum vegna lægri launa þess fólks og kröfugerðar.

Það hefur jú verið í umræðunni , en ljóst er að það er að mörgu að hyggja varðandi þessar stækkunnarhugmyndir.   Kannski verður hægt að reka 460. þús. tonna álver með 300-350 starfsmönnum. Allir hinir sem ynnu ýmsa þjónustu væru utanaðkomandi verktakar og á lágum

 launum.

Ekki veit ég það , en kannski er best eftir alltsaman að engin breyting verði á núverandi rekstri.

[Rauða Ljónið, 19.2.2007 kl. 14:17]

Sæll. Hafnfirðingur , áformuð stækkun er líður í betra rekstraformi, varðandi útboð á mötuneyti hafnarvinnu og verkstæðum, er í samnigum liður sem heimilar ekki frekari vertaka vinnu en þegar er til þess að svo verði verða stéttafélögin og trúnaðarmenn Alcan að gefa þennan lið eftir með því þá að fækka sjálfum sér.

Kv,Sigurjón Vigfússon 

[Hafnfirðingur sem er annt um bæjinn sigg (IP-tala skráð) 19.2.2007 kl. 15:11]

Smá athugasemd við þetta

Er ekki mjög liklegt að stækkunin sem mér skilst að sé í raun og veru alveg ný og sjálfstæð rekstraeining og aððskilin frá þeirri gömlu, verði gangsett með alveg nýjan kjarasamning og allar rekstrarforsendur allt aðrar en nú er í núverandi rekstri ?.---nú þekki ég það ekki en bara spyr 

Þið leggið einmtt mikið uppúr því að þarna verði alveg ný tækni

Krefst hún ekki nýrra vinnubragða  ?

Það er margt í mörgu og að mörgu að hyggja 

[Rauða Ljónið, 19.2.2007 kl. 16:31]

Sæll, Hafnfirðingur, ný tækni verður vatnalega að mestu bundinn við kerskála sem að mest skiptir rekstralega í hagræðingunni , kertæknin hefur nú á síðustu árum tekið stórt stökk fram á við rekstralega séð og akkurinn  liggur að mestu þar,þjónusta við þessi nýju ker veður ekki eins og við eldri ker, þróun á nýjum gerð skauta ( kerómigaskauta) sem menga mörgum sinnum  minna en þau sem notuð er í dag sjáum við að munu verða notuð eftir nokkur ár en kerómigaskautin eru en sem komið er óhemjudýr síðan er spurningin hvenar og hvort sá tími  kemur að álver verði skilt að not þessa gerð skaut verðu svo verður nær engin CO2 mengun frá  Álverum.Kv;Sigurjón Vigfússon

[Hafnfirðingur sem ann bænum sínum (IP-tala skráð) 20.2.2007 kl. 10:29]

Takk fyrir upplýsingarnar Sigurjón.

Okkur hjónunum líst vel á þessi "kerómigaskaut " og höfum ákveðið að hinkra með að samþykkja stækkun Alcan þar til þau verða í boði.

Við munum því hafna því að stækka núverandi verksmiðju með þessari 120 ára gömlu tækni sem notuð verður . Eins er með virkjanamálin við ætlum að bíða eftri djúpborunarkerfinu.

Okkur liggur ekkert á ,því við erum svosem ekkert að fara og höfum það bara gott.