Horfum á framtíðina og látum aldrei afturhaldsöflin byrgja okkur sýn.

Komið þið sæl.  Að skrifa um það sem er rétt og satt í rúma tvo mánuði um sama málefnið getur stundum tekið á.  Undirritaður sem hér heldur á penna kann í sjálfu sér ekkert á þetta blog nema að skrifa eitthvað strax frá því sem honum liggur á hjarta og senda það.  Undirritaður hefur fengið kvörtun yfir því hvers vegna hann skrifar svona harðort í garð Vg og tengir Sól í Straumi við þann stjórnmálaflokk.  Undirritaður ætlar að reyna að lýsa sinni skoðun á því hvers vegna hann hefur verið með öll þessi skot á Vg. 

Fyrir rúmu ári síðan var stofnuð síða sem heitir “Staðreyndir og umræður um stækkun álverksmiðjunnar í Straumsvík”   Á sama tíma komu mjög ósvífin skrif í fjölmiðlum frá mörgum skrifbendum sem kölluðu okkur starfsmenn mörgum illum nöfnum sem ég treysti mér  ekki er að hafa eftir hér.  Öll þessi skrif gegn okkur starfsmönnum í álveri áttu það sameiginleg að þær voru undirritaðar af stuðningsmönnum Vg. Ef þið hafið aðgang að net-Mogganum þá  getið þið örugglega nálgast þessar greinar.  Við framfarasinnar létum margan óhróðurinn yfir okkur ganga og létum litlu svarað enda vann Vg  góðan sigur í sveitastjórnarkosningunum síðastliðnum, mikið til út á  kostnað starfsmanna Alcans með Ögmund í broddi fylkingar. 

Nú er nóg komið og skora ég á Sjálfstæðisflokkinn, Framsóknarflokkinn og Frjálslynda flokkinn að koma sterkir til  og blása niður þennan sósíalíska afturhaldsama málflutning Vg og stuðningsmanna úr Sól í Straumi niður því ég man eftir drunganum hér í Hafnarfirði árið 1993 þegar 10% Hafnfirðinga gengu hér um atvinnulausir eftir Vinsri stjórnina 1988. 

Málflutningur afturhaldsinnana í Vg er stór hættulegur og margra áratuga afturfarar til fortíðar.  Hafnfirðingar munu sjá svarta Sól í Straumi ef kjósendur Íslands vilja láta Steingrím fá lyklavöldin í Stjórnarráðinu.  Ef tekin er græna ímyndin af flokknum þá er ekkert eftir nema hinn argasti niðurrifs afturhalds sósialískur flokkur sem var vinnsæll hjá niðurrifs öflunum um miðja síðustu öld.  Alþýðubandalagið sáluga barðist þó með hagsmuni verkafólks að leiðarljósi 

Læt þennan fyrsta kafla af mörgum um umfjöllun minni á Vg nægja að sinni.  Ég þekki margt gott fólk sem aðhyllist grænu stefnu Vg en það er mín skoðun að stefna flokksins er stórhættuleg fyrir framtíð landsins og barnanna  okkar. 

Sjáum ljósið kæru Hafnfirðingar og stækkum Alcan.   

Kveðja Árelíus Þórðarson.

Stækkum Alcan já Takk.

Athugasemdir

[Tómas Þóroddsson, 16.3.2007 kl. 08:30]

Lifi byltingin

[Jón Árnason (IP-tala skráð) 16.3.2007 kl. 10:03]

Lifi bylting framfarasinnanna og guð hjálpi Íslendingum ef afturhalds öflin og  Steingrímur fá lyklanna.

Jón Árnason 

[???? (IP-tala skráð) 16.3.2007 kl. 11:46]

Hættið þið þessum skrifum  Árelíus og Sigurjón skítugu verkamenn hjá auðhringnum Alcan.

[Rauða Ljónið, 16.3.2007 kl. 12:18]

Takk (???.) . Stækkum Alcan já takk, Kv, Sigurjón ný kominn úr baði.

[Óskar Helgi Helgason (IP-tala skráð) 18.3.2007 kl. 16:08]

Sæll, Sigurjón !

Þótt við séum, á öndverðum meiði; að þá tekur út yfir allt, skrif ''????'' . Gæti hugsazt, Sigurjón, að við ættum eftir að hittast síðar, hvernig sem leikar fara, 31.III. nk. Þá er gott; að hafa hreina samvizku, eftir orðræður okkar, að undanförnu, persónulegt skítkast hefir ekki skemmt samskipti okkar, á nokkurn hátt, og er það vel. Sýnir a.m.k. einhvern þroska, og hugsun, vinnubrögð ''????'' eru fyrir neðan kjallaragólf.

Með beztu kveðjum / Óskar Helgi Helgason   

[Rauða Ljónið, 18.3.2007 kl. 19:31]

Sæll,Óskar Helgi þó vð séum ekki á sama máli þá get ég ekki annað séð en við höfum gengið hreint í skrifum okkar á milli með, kveðju og virðingu, Sigurjón