Skítugu verkamenn Alcans og Íslands.

Það var athyglisverð athugasemdarfærslan sem ég og Sigurjón fengum um daginn frá ónafngreindum einstaklingi þar sem hann vinsamlega bað okkur að hætta skrifum.

“Hættið þið þessum skrifum  Árelíus og Sigurjón skítugu verkamenn hjá auðhringnum Alcan.Óskráður (????), 16.3.2007 kl. 11:46 “

Þjóðfélagið okkar er kannski að verða þannig að fólk er farið að líta niður til okkar sem höfum unnið í fiskislori og iðnaði?  Vissulega verða menn stundum óhreinir við störf sín, sumir meira og sumir minna.  Sjálfur hef ég oft verið óhreinn í mínum störfum sem háseti, stýrimaður,skipstjóri og síðar áliðnaðarmaður.  Ég hef yfirleitt haft ásættanleg laun og aldrei litið niður til annara starfa.

Það er kannski að festast í þjóðarsálinni að stór hópur í þjóðfélaginu sem býr í 101 Reykjavík vilji ekki búa í landi með skítugu verkafólki.

Kveðja Árelíus Þórðarson sem er stoltur af sínu starfi

Athugasemdir

[Fannar Jónsson (IP-tala skráð) 19.3.2007 kl. 08:46]

Já þeir eru orðnir margir fílabeinsturnarnir hér á langi.

Kveðja, Fannar

[Rúnar (IP-tala skráð) 19.3.2007 kl. 15:30]

Merkilegt að sjá þetta komment sem vitnað er í þessari færslu.

Þeir sem helst eru á móti stækkun álvers aðhyllast vinstri hluta stjórnamála. Vinstri öfl hafa iðulega kennt sig við að bæta hag verkamanna, enda má sjá það í kjörorðum þeirra um jafnrétti handa öllum og að öreigar allra landa skulu sameinast.

Síðan koma fram með þessum hætti og ekki undir nafni ber vott um mesta gunguskab(jafnvel drusluskab líka)  eins og foringi þeirra Steingrímur J. gall útúr sér hér um árið.

Er þetta ekki bara lýsandi yfir þá sem biðla til þeirra sem minna mega sín að sýna þeim síðan yfirgengilegan hroka í garð "minna" virt störf. Er ekki bara rétta hliðin að koma í ljós á þessum vinstrí LÝÐ ?