Láglauna bankamaður vill hálfan milljarð í ógreiddan bónus og ágreiningur fer fyrir dóm

  Láglauna bankamaður gerir nú kröfu um að þrotabú Landsbankans greiði sér hálfan milljarð króna í ógreiddan bónus sem greiða átti árið 2007 fékk sama ár rúmlega tvö hundruð milljónir krónar greiddar í bónus. Dæmi eru um að sviðið sem hann stýrði hafi greitt bónusa sem voru hærri en tekjur sviðsins á sama tímabili.

 Fyrrverandi framkvæmdastjóri og láglauna bankamaður verðbréfasviðs Landsbankans. Hann lýsti tveimur kröfum upp á samtals 490 milljónir króna í þrotabú Landsbankans. Báðar greiðslurnar eru vegna vangreiddra bónusgreiðslna sem láglauna maðurinn telur sig eiga inni hjá hinum gjaldþrota banka. Að sögn Sigurðar G. Guðjónssonar, lögmanns láglauna mannsins, er um að ræða samningsbundnar greiðslur sem átti að inna af hendi hinn 1. desember 2007.

Slitastjórn Landsbankans sem er í raun eiginlegur skiptastjóri þrotabús bankans, hafnaði kröfum láglauna mannsins. Hann hefur mótmælt þeirri niðurstöðu og verður ágreiningur um kröfurnar borinn undir Héraðsdóm Reykjavíkur.

Í skýrslu rannsóknarnefndar Alþingis er að finna forvitnilegar upplýsingar um bónusgreiðslur til Láglauna mannsins Steinþórs Gunnarssonar og sviðsins sem hann stýrði. Þar kemur fram að árin 2004 og 2005 voru upphæðir bónusa þær sömu þótt tekjur væru breytilegar. Eins má finna tilvik þar sem tap er á rekstri sviðsins og tekjur eru neikvæðar um 350 milljónir króna í nóvember 2007. Samt sem áður voru greiddar 25 milljónir króna í bónus til starfsmanna sviðsins mánuðinn þar á eftir. Á þremur mánuðum frá september til nóvember 2007 voru tekjur sviðsins ríflega 178 milljónir króna en bónusgreiðslur námu 194 milljónum króna fyrir sama tímabil. Með öðrum orðum, starfsmenn sviðsins sem Steinþór stýrði fengu hærri bónusgreiðslur en sem námu tekjum sviðsins.

Heildarbónusgreiðslur Landsbankans til Steinþórs á árinu 2007 námu 213 milljónum króna, en heildarlaun hans voru tæplega 30 milljónir króna á mánuði árið 2007.

 

 

VG og Samfylkinguni seldi HS til Magna Energy og orkuna úr landi.

Umhverfisráðherra segir beiðni Magma um jarðhitarannsóknir í Hrunamannaafrétt, frá Flúðum og allt inn í Kerlingarfjöll, bera vott um yfirgang og tillitsleysi þetta var ekki inn í myndini þegar við í VG og Samfylkinguni seldum HS til Magna Energy og orkuna úr landi.

Magma Energy hefur farið þess á leit við Hrunamannahrepp að fyrirtækinu verði veitt leyfi til að ráðast í jarðhitarannsóknir í Hrunamannaafrétt, frá Flúðum og allt inn í Kerlingarfjöll, í samstarfi við sveitarfélagið og sölusamnings sem ríksistjórin lagði blessun sína á með aðgeraleisi sínu.

 

 

Farsímafyrirtæki lögsótt vegna framhjáhalds.

Kanadísk kona, sem var eiginmanni sínum ótrú, hefur höfðað mál gegn farsímafyrirtæki sem hún skipti við þar sem hún ásakar félagið um að hafa komið upp um framhjáhald hennar. Greint er frá þessu í kanadískum fjölmiðlum í dag. Krefst eiginkonan ótrúa þess að fá 600 þúsund Kanadadollara í skaðabætur, 76 milljónir króna, frá símafyrirtækinu.

Gabriella Nagy, 35 ára, byggir skaðabótakröfuna á símafyrirtækið, Rogers Wireless, að það hafi brotið á friðhelgi einkalífs hennar og brotið samning við hana, samkvæmt frétt  Canwest fréttastofunnar.

Samkvæmt dómsskjölum segist Nagy hafa óskað eftir því við símafyrirtækið að það myndi senda reikning í hennar nafni á heimili hennar en þess í stað kom farsímareikningur hennar í sama umslagi og aðrir reikningar heimilisins frá félaginu, svo sem afnotagjöld sjónvarps, netnotkun og heimasíminn. Allt á nafni eiginmannsins.

Eiginmaðurinn fylltist grunsemdum þegar hann tók eftir því að eiginkonan hringdi mjög oft í eitt ákveðið símanúmer og eftir að hafa hringt í það númer varð hann þess vísari að konan hafði verið honum ótrú með eiganda símanúmersins um nokkrra vikna skeið. Eiginmanninum var nóg boðið og yfirgaf Nagy og börn þeirra hjóna í ágúst 2007.

„Framhjáhaldinu var lokið" segir Nagy í viðtali við Canwest. Hún ásakar símafyrirtækið fyrir að bera ábyrgð á því að hjónaband hennar rann út í sandinn. Hún hafi treyst þeim fyrir persónulegum upplýsingum og þeir hafi ekki verið traustsins verðugir.

Auðlindir landsins seldar úr landi.

 

Aumingjaskapur og aulaháttur  íslenskra stjórnvalda er uppmálað í þessu sorglega aðgæsluleysi um almannahagsmuni. 
 Sala Geysis Green á fimmtíu og tveggja prósenta hlut sínum í HS Orku til Magma Energy, eru sorgleg tíðindi. Auðlindir landsins eru að fara á alþjóðlegt markaðstorg og betra hefði verið að hér á landi væru lög sem vörnuðu því að auðlindir landsins kæmust í eigu erlendra fyrirtækja.

Samningaviðræður á milli Geysis Green Energy og Magma Energy um kaup Magma á  hlut Geysis Green í HS Orku, hafa staðið yfir um nokkurt skeið

Fátt getur komið í veg fyrir að kanadíska fyrirtækið Magma Energy eignist 98 prósenta hluti í HS orku. Þar með yrði þriðja stærsta orkufyrirtæki landsins komið í eigu erlendra aðila. Guðbrandur Einarsson bæjarfulltrúi í Reykjanesbæ segir þetta þýða að hagnaður af orkusölunni flytjist úr landi. Bæjarfélagið hafi með einkavæðingu á sínum tíma selt frá sér mjólkurkúna.

Geysir Green Energy er íslenskt orkufyrirtæki sem ætlaði sér stóra hluti í orkuútrásinni en á nú í vök að verjast. Það er nú í eigu Atorku, Íslandsbanka og fleiri. Geyris Green á 52 prósenta hlut í HS orku en reynir nú að hámarka eignir sína með sölu þeirra. Þar bíður við dyrnar kanadíska fyrirtækið Magma Energy, sem í gegnum dótturfélag í Svíþjóð, Magma Energy Sweden, á nú þegar 46 prósenta hlut í HS orku. Fyrirtæki Magma í Svíþjóð var stofnað vegna þess að orkufyrirtæki utan evrópska efnahagssvæðisins meiga ekki eiga í íslenskum orkufyrirtækjum. Magma hefur gert tilboð í hlut Geysis Green og ef þau kaup ganga eftir á Magma Energy 98 prósent í HS orku. Guðbrandur Einarsson bæjarfulltrúi Samfylkingarinnar í Reykjanesbæ segir að úr því sem komið er, geti fátt komið í veg fyrir söluna. Ef af sölunni verður segir Guðbrandur að hagnaður af rekstri HS Orku fari allur úr landi.

Ef samningarnir ganga eftir verður þriðja stærsta orkufyrirtæki landsins komið í nær 100 prósent eigu erlendra aðila og yrði það í fyrsta skipti sem íslenskt orkufyrirtæki væri alfarið í erlendri eigu. En þar með eignaðist Magma virkjunina í Svartsengi sem og Reykjanesvirkjun og nýtingarrétt á allri orku sem kann að finnast á Reykjanesi næstu 45 árin að minnsta kosti. Hagnaðarvonin er mikil segir Guðbrandur, enda sé Ásgeir Margeirsson sem áður var forstjóri Geysis Green nú forstjóri hjá Magma. Fyrir einkavæðingu var Hitaveita Suðurnesja í eigu sveitarfélaganna á svæðinu.

Katrín Jakobs. ætti að segja af sér

Katrín Jakobsdóttir menntamálaráðherra og varaformaður VG styður þingsályktunartillögu um að Alþingi fari þess á leit við ríkissaksóknara að hann dragi til baka ákæru gegn níumenningunum svokölluðu fyrir árás á þingið í búsáhaldabyltingunni í ársbyrjun 2009.

Þetta kemur m.a. fram í Pressuspjallinu við Katrínu.

Björn Valur Gíslason, þingmaður VG, hefur lagt fram þingsályktunartillögu þess efnis að Alþingi dragi til baka ákæru gegn níumenningunum. Eins og Pressan greindi frá í vikunni kom til lítilsháttar átaka í héraðsdómi Reykjavíkur þegar málið var tekið fyrir, en um 300 manns komu saman í héraðsdómi til að mótmæla ákærunum.

Katrin segir við Pressuna um að hún muni styðja þessa þingsályktunartillögu. Það væri skynsamleg ráðstöfun af hálfu Alþingis að fara þessa leið, þótt hún sé þeirrar skoðunar að Alþingi eigi ekki að skipta sér af dómsvaldinu.“

Smáfuglarnir telja eftir lestur þessa texta, að Katrín Jakobsdóttir hefði mestan sóma af því að segja af sér ráðherraembætti. Þingmaður með jafntruflaða dómgreind og fram kemur í þessu viðtali á ekkert erindi í ráðherrastól. Hún ætti raunar einnig að segja af sér þingmennsku, úr því að hún ber ekki meiri virðingu fyrir stjórnarskránni en fram kemur í orðum hennar og afstöðu til tillögu Björns Vals.

Eftirlýstur af Interpol

Sigurður Einarsson, fyrrverandi stjórnarformaður Kaupþings, er eftirlýstur af Interpol.
Saksóknari ákvað að gefa út  handtökuskipun á hendur Sigurðar eftir að hann sinnti ekki kalli sérstaks saksóknara um að mæta í yfirheyrslu.
Sigurður Einarsson fyrrverandi stjórnarformaður er búsettur í Bretlandi.
Þeir Ingólfur Helgason, fyrrverandi forstjóri Kaupþings á Íslandi, og Steingrímur Kárason, framkvæmdastjóri áhættustýringar bankans, sem hafa verið í yfirheyrslum í allan dag voru meðal æðstu stjórnenda Kaupþings og unnu náið með Hreiðari Má og Sigurði Einarssyni.
Ingólfur og Steingrímur eru báðir með skráð lögheimili í Lúxemborg.

  Fyrri grein. Sigurður Einarsson, fyrrverandi stjórnarformaður Kaupþings, hefur ekki svarað kalli sérstaks saksóknara um að flýta komu sinni til landsins.

Jóhannes bestur í að reka Bónus

Þegar skip eru að fiska og það lóðar grimmt túr eftir túr, er þá skipstjóranum hent útbyrðis? Nei, en það er gert á Íslandi. Hverjum skipstjóranum eftir öðrum er hent útbyrðis og  fyrir vikið eru skipin með óhæfa stjórnendur á miðunum þar sem fiskur er og enginn kann að kasta rétt. 

Fjöldinn af frábæru menntuðu fólki úr heimi bankanna er flúinn land. Við erum að missa fólkið sem kann og getur í heimi fjármálanna bara af því það vann í bönkunum. Þá er það tabú ef stjórnendur sem þekkja Jón Ásgeir eru á lausu, þá fá þeir enga vinnu þrátt fyrir það að menn vita þeir eru þeir bestu sem völ er á. Ég er að tala um yfirmenn í fyrirtækjum og bönkum. Í Þýskalandi eftir stríð voru menn sem höfðu sannarlega unnið með áður ríkjandi valdhöfum beðnir um að hjálpa til við uppbyggingu þjóðfélagsins. Þeir voru taldir ómissandi. Hér heima ríkir stjórnleysi, getuleysi og allt er í einni þvælu.

Hvernig má það vera að Jóhannes í Bónus geti ekki átt Haga? Hagar eru að skila milljörðum. Hversvegna fær Óli Óla að halda Samskipum en Jóhannes ekki? Það er vitað í heimi bankanna að þarna ráði pólitík för. Ef það er halli á ríkisjóð, er þá engin ríkisstjórn? Færum við að reka landið? Jóhannes er sá sem kann best að reka fyrirtækið ásamt sínu fólki. Hvað ætlar bankinn að gera? Láta einhvern annan  í að reka fyrirtækið? Það mun þá að öllum líkindum hrynja og þetta veit bankinn, en vegna þess að Gylfi Magnússon og undirtyllur beita þrýstingi þá skal það vera þannig að Jóhannes eigi ekki að reka Haga. Það er í hæsta máta óeðlilegt að þeir sem kunna, geta og hafa alla þekkingu sem þarf til að reka fyrirtækið séu og fái ekki að njóta sömu kjara og aðrir í sambærilegri stöðu. Það að þetta skuli vera hægt - að koma í veg fyrir það af stjórnmálamönnum, ráðherrum, ásamt Morgunblaðinu og öfgahægrimönnum, að Hagar verði ekki á hendi Jóhannesar er rugl. Allt er gert til að koma í veg fyrir að það takist.

Sigurður Einarsson svarar ekki kalli sérstaks saksóknara.

Sigurður Einarsson, fyrrverandi stjórnarformaður Kaupþings, hefur ekki svarað kalli sérstaks saksóknara um að flýta komu sinni til landsins.
Sigurður Einarsson fyrrverandi átrúnaðar goð Íslenska fréttamanna og blaðamanna íkon Blaðamannafélags Íslands er í felum.
Nú vilja fréttamenn og blaðamenn og Blaðamannafélags Íslands ekkert við hann kannast, en segja við vissum ekkert um þetta né bankana við vorum að æfa Blaðamannkórinn Íslands á milli þess að við vorum í veislum hjá útrásarvíkingunum og á kafi í sukkinu með þeim.
Hvenær verður Blaðarmanna Elítan ákærð sök hennar er eina stærst eða eru menn búnir að gleyma eða vilja menn gleyma þeim gjörningum sem þeir frömdu .

Sigurður hóf störf á verðbréfasviði Kaupþings hf. árið 1994, varð forstjóri þess 1997 og stjórnarformaður 2003-2008. Hann hefur af mörgum verið kallaður arkitektinn af gríðarlegum vexti bankans. Sigurður hefur um nokkurt skeið verið búsettur í Lundúnum.

Íslendingar vaknið látið ekki blaða snápa blekkja ykkur.

Sorgleg handtaka Hreiðar Már Sigurðsson

Hreiðar Már Sigurðsson, fyrrverandi forstjóri Kaupþings, var handtekinn í dag og úrskurðaður í tveggja vikna gæsluvarðhald í Héraðsdómi Reykjavíkur í dag.
Dómari tekur sér sólarhrings umhugsunarfrest og verður Hreiðar Már því í haldi lögreglu að minnsta kosti til morguns.

Sorgasaga Íslenskara alþýðu er nú að taka nýja stefnu þar sem gerendur í hruninu eiga vona á stefnu og ákæru verði þeir sekir fundnir og hljóti dóm vegna allsherjarmarkaðsmisnotkun og misnotkun fjármálum bankana.

En fólk verður að hafa það í huga að það er Íslensk alþýða hlýtur þyngsta dóminn sá dómur er að borga ósómann eftir þessa menn í minni kaupmætti hærri sköttum og þrengingum að heimilunum og missi eigna sinna, sá dómur er sorgasaga Íslendinga og þrautarganga fyrir saklaust fólk sem unnið hefur hörðum höndum og ekkert gert af sér.

28 þúsund hafa tapast eftir að félagshyggjustjórnin tók við

 Í kreppunni hafa tapast 28 þúsund ársstörfum  eftir að félagshyggjustjórnin tók við.
Margir hafa minnkað verulega við sig vinnu eða flutt úr landi og því öllu færri skráðir atvinnulausir.

Kreppan hér virðist ætla verða lengri en í nágrannaríkjunum, vara fram á næstu ár.
Samkvæmt opinberum tölum Vinnumálastofnunnar er atvinnuleysið nú 9,3 prósent í Hafnarfirði um 12%. Þar á bak við eru tæplega sautján þúsund manns.
Seðlabankinn spáir því að atvinnuleysið fari upp undir tíu prósent áður.

Fjölmargir hafa minnkað við sig vinnu og jafnvel fært sig úr fullri vinnu yfir í hlutastarf. Síðan hefur nokkur fjöldi flutt úr landi. Samanlagt, hafa þannig tapast 28 þúsund störf í kreppunni, sem samsvarar 16,5 prósentum af heildarvinnuaflinu.