Kraftmikið atvinnulíf framfarasinna verður að vinna bug á afturhaldi Vg

Komið þið sæl.

 

Það hefur alltaf verið mín skoðun að kraftmikið og fjölbreytt atvinnulíf gefi af sér betri velferð.

 Ef stjórnmálaflokkur berst gegn fjölskyldum hundruða manna þá er hann ekki að hugsa um velferð í okkar landi. Ef stjórnmálaflokkur berst gegn því að fullfrískir menn hafi ekki vinnu sem honum er ekki þóknanlegur þá verður engin velferð.

 Hvernig á að fjármagna ókeypis skólamáltíðir, ókeypis leikskóla og ókeypis hitt og þetta þegar ráðist er á verkamenn þessa lands í ágætlega launuðum störfum.  Ég hef heyrt að það sé stefna Hafnarfjarðarbæjar að hafa sem flest ókeypis og er það hið besta mál.

Hvernig á að vera hægt að hækka lægstu laun þjóðfélagsins hjá hinu opinbera og hjá launþegum í hinum almenna geira þegar ráðist er á störf fólks og fyrirtæki sem eru sjálfbjarga og falla og standa með sinni afkomu. Hvernig getur þjóðin eða við látið átölulaust að einn stjórnmálaflokkur öskri nánast daglega að fyrirtæki/fyrirtækjum í samkeppni að þau fái ekki að dafna og nútímavæðast þótt farið sé eftir öllum skilyrðum og leikreglum.Hvernig væri Ísland í dag ef einn stjórnarandstöðuflokkurinn hefði leitt ríkisstjórna síðustu 15 árin?  Ég skal segja ykkur það!  Stór hluti Íslendinga væru að tína hundasúrur upp á fjöllum. Ég er hissa og ekki ótrúlegt að tunga vefjist um tönn eftir lestur skrifta margra á netinu og hinum ýmsu fjölmiðlum síðustu vikna.

 Það er mín skoðun að í mínum bæ Hafnarfirði verða bæjarbúar að taka höndum saman og  segja já við stækkun álversins eftir að hafa kynnt sér allar leikreglur sem settar eru fyrir stækkun.

Á Örn Þórðarson  

Vilja V,G.? 14.9 milljónir frá Hafnfirðingum til að auka gróðurhúsalofttegundir.

Vinstri Grænir og Sól í Straumi vilja að Hafnarfjarðarbær greiði kosnað af áróðurherferð sinni gegn starfsmönnum Alcan.

 Árið 2006 var farþegaflutningur um Keflavíkurflugvöll 2.019,470 fjöldi farþega.  Samkvæmt meðaltali  á CO2 á farþega er meðal losun ca., miða við fluglengd til Ísalands er heildar losun þá 14.1329.000 fjórtan milljónir eitthundrað tuttugu og níuþúsund tonn af CO2  vöruflug losar 60.000 þúsund tonn eða um 360.000 tonn af CO2 sem samsvarar í flugi 14,492.900 fjórtan milljónir fjöðurhundruð níutíu og tvöþúsund og níuhundruð tonn af CO2  innanlandsflug  var með 805.355 farþegar árið 2005 um 300.0000 tonn losun á CO2. Gera má ráð fyrir að flugsamgöngur til og frá og innanlands  2006 og Hnattræn losun  Íslendinga er því um 14.792.900 fjórtán milljónir sjöhundruð nítíu og tvöþúsund og níuhundruð tonn af CO2 sem er á við  9,860.000 tonna framleiðslu af Áli níu millilón tonn áttahundruð og sextíuþúsund tonnum  eða sem samsvarar 55 Álverum eins og Alcan er í dag.

Farartæki og flutningar þar sem Ál Grænim málmurinn  er notað dregur það mikið úr losun á CO2 vegna léttleika mjálmsins, Sjá grein í mbl. Bls 40 11.2.2007

 Að 180 þús tonna Álver eins og Alcan sparar því Hnattræna losun á CO2 um 720 þús tonn, á ári.

Kv,Sigurjón Vigfússon, Stækkum Alcan.

Sól í Straumi í dulbúningi Vinstri- grænna. Stjórnarmenn Sólar í Straumi í efstu sætum listans í Suðvestur kjördæmi. Bæjarfulltrúinn þeirra heimtar 15 miljónir úr kassa bæjarstjórnar?

Eru Sól í Straumi stjórnmálaflokkur í dulbúningi Vg?

 

Þau sem skipa tvö efstu sætin hjá Vg eru annálaðir stuðningsmenn Sólar í Straumi, sjá heimasíðu þeirra.

 

Þau sem skipa 3 og 7 sætið á lista Vg eru stjórnarmenn hjá Sól í Straumi.

 

Svo vill þetta ágæta fólk fá fjárstuðning frá okkar fjárvana bæ upp á tæpar 15 milljónir króna til að halda áfram áróðri sínum fyrir Vg?   Lesið síðuna hér fyrir neðan.

 

Þegar stórt er hugsað verður maður hneykslaður.  Hvað munu bæjaryfirvöld í Hafnarfjarðar  gera?

 

Ég tel að öll samtök sem berjast á móti framförum eigi að hafa fólk innan sinna raða sem eru ekki að skipa sæti á lista stjórnmálaflokka.

 

Ég neita að bæjaryfirvöld styrki pólitísk samtök um 15 milljónir króna.  Ég trúi ekki öðru en að flestir Hafnfirðingar séu sammála mér nema þeir sem eru innmúraðir við Sól í Straumi.

Á. Ö. Þ.

 

Framboðslistar VG á höfuðborgarsvæðinu samþykktir

Vinstri Grænir heimta 14.9 milljónir ? út úr Hafnarfjarðarbæ.

 Þann 13. febrúar 2007

Guðrún Ágústa Guðmundsdóttir kvartar yfir bókun Sjálfstæðisflokksins vegna andstöðu hans við beðni um styrkveitingu til andstæðinga stækkun Alcans og segir þar meðal annars.,, Annars vegar er um að ræða hóp fólks sem unnið hefur í sjálfboðavinnu. Það er sýn Vinstri grænna að þennan aðstöðumun beri að jafna út af fremsta megni og áréttar að stórmunur er á fjárhagsáætlun Alcan vegna stækkunarinnar og Sólar í Straumi. Bæjaryfirvöldum ber skylda til að jafna þennan aðstöðumun. En fremur  er sagt. ,,Það er því nauðsynlegt að bæjaryfirvöld sjái sóma sinn í því að styrkja myndarlega frjáls félagasamtök.”

 Þann 11. janúar 2007 lagði Guðrún Ágústa Guðmundsdóttir fram tillögu og hljóðar svo.,, Á fundinum í dag lagði ég fram tillögu um að bæjaryfirvöld styrki áhugasamtökin Sól í Straumi. Tillagan var ekki tekin til efnislegrar umræðu heldur frestað til næsta fundar. Vona ég svo sannarlega að bæjarráðsmenn sjái hag Hafnfirðinga í því að styðja fjárhagslega við bakið á Sól í Straumi til að þau geti haldið sínu góða starfi áfram og stigið næstu skref. Upphæðin er svo. ,, Bæjarstjórn Hafnarfjarðar samþykkir því að veita Sól í Straumi styrk að upphæð 8 milljóna króna.”

 Þann 15. janúar leggur svo Sól í Straumi aðra tillögu um enn frekari styrk. Sem Hljóðar svo.

,, . “Nú í morgun lagði Sól í Straumi fram umsókn um styrk til Hafnarfjarðarbæjar. Umsóknin miðast við kynningu á málstað Sólar í Straumi fyrir bæjarbúum í Hafnarfirði fram að kosningu um málið. Í kostnaðaráætlun hópsins er gert ráð fyrir framhaldi á borgarafundunum sem haldnir hafa verið í vetur, aðkomu sérfræðinga að þeim fundum, útgáfu á prentuðu efni og dreifingu á því, auglýsingum, gerð teikninga og mynda af framtíðarskipulagi Straumsvíkursvæðisins, dagsferð fyrir Hafnfirðinga að virkjunarsvæðunum á Reykjanes og Þjórsá og öðru kynningarstarfi. Áætlun Sólar í Straumi gerir ráð fyrir heildarútgjöldum að upphæð 6.915.000,- með vsk. og hljóðar umsóknin uppá þá upphæð. Umsókn Sólar í Straumi er lögð fram í trausti þess að Hafnarfjarðarbær vilji að öll sjónarmið í stækkunarmálinu komi fram. Með mikilli sjálfboðavinnu kjarnahópsins og elju þeirra íbúa bæjarins sem bætast vilja í hópinn telur Sól í Straumi að fyrir þessa upphæð takist hópnum að kynna sín sjónarmið fyrir bæjarbúum.”
Samtals er verið að reyna að ná út úr Hafnarfjarðarbæ 14,9 milljónim króna.
Ég get ekki séð að áhuga hópar sem vilja vinna í sjálfboðavinnu hver sem sá hópur er eigi að fá fjármuni úr bæjarsjóði ef svo er hefur sjálfboðavinnan beytts í gróðrastíu.

Kv, Sigurjón Vigfússon

Áliðjuver út úr Kyoto

Stjórnmálamenn og Vinstri Grænir stjórnmálamenn. verða að beita sér fyrir að Áliðjuver verði tekin út úr Kyota-bókunnini 2012. Markmið Kyoto bókunarinnar er að draga úr heimslosunar á t,d CO2

Álframleiðsla sem dregur úr hnattrænu losun á CO2 á ekki að þar vera inn og á ekki heima í Kyota- bókuninni fyrir hvert framleitt tonn af áli, vatnsvirkjun á raforku, sparast 4.3 tonn af CO2

Farartæki þar sem ál er notað dregur það mikið úr losun á CO2 vegna léttleika mjálmsins Áliðjuver eiga ekki þar heima, Sjá grein í mbl. Bls 40 11.2.2007

200 þús tonna Álver sparar Hnattræna losun á CO2 um 860 þús tonn.

Kv, Sigurjón Vigfússon

Sælir Straumarmenn, Stækkun Alcans JÁ TAKK. Hafnfirðingar gerum bæinn okkar kraftmikinn.

1.      Sælir Sólar menn.Af hverju á ekki bara að hætta að hugsa um að efla velferð í þessu landi til framtíðar þar sem nóg virðist af henni í dag. Velferð kostar peninga og allir vita að fólk þarf að hafa samkeppnisbær laun. Húsvíkingar reyndu allt áður en þeir heimtuðu álver. Það má segja að allt sem þeir reyndu gekk ekki upp, síðan gáfust þeir upp og heimtuðu álver. Fyrir um 12 árum síðan gengu hér um í Hafnarfirði 10% atvinnulausra manna. Davíð Oddson aflýsti kreppunni þá þegar síðasta stækkun álversins var fullgerð. En vissulega eru betri tímar núna en hagkerfi okkar er svo brothætt að lítið þarf út af bera til að allt hjaðni niður og leiti til baka.Sjálfur vil ég vera hreinskilinn og kvíði fyrir því ef Vg nær einhverri fótfestu sem ráðandi afl í okkar landi.Fyrir rúmum mánuði síðan  hringdi í mig góður vinur minn að norðan til að spyrja mig um ráðleggingar um lán og þá hvort eitthvað vit væri í að taka lán í útlenskum gjaldmiðli? Þessi vinur minn er annálaður stuðningsmaður Vg. Ég tjáði honum það ef hann treysti Vg fyrir efnahagsstjórnunninni næstu ára þá skyldi hann taka erlend lán en hann var efins um það með efnahagsstjórnun Vg í fararbroddi.Í mínum huga fer fram mikið lýðskrum um stækkun álversins í Straumsvík. Þegar menn segja sannleikan um framtíð Alcans um líftíma þess og fl að þá verður allt vitlaust og þeir sem kölluðu okkur álhausa kálhausa í síðustu kosningabaráttu blása úr og kalla að menn séu með hótanir. Hvaða fyrirtæki verður langlíft ef það fær ekki að þróast og taka upp nýjustu tækni?Ef menn hafa fylgst með sveitastjórnakosningunum í vor þá gátu menn séð það að meðaltekjur hvers skattskylds útsvarsgreiðanda í Hafnarfirði eru mjög lágar. Það er s.s nóg af láglaunastörfum í Hafnarfirði. En þess skal geta að álverið borgar vel yfir lágmarkslaunum á landsvísu og góðan útsvarspakka til bæjarins.Það er leitt að horfa upp á þessa skrumstælingu fjölda fólks sem hefur ekki hundsvit á því hversu gott er að vinna innan veggja álversins. Miðað við allt miðað við þá mengun sem þau ímynda sér ættum við sem vinnum þar að vera löngu dauð. Í mínum huga er framtíð eins skuldugasta bæjarfélags á Íslandi í veði.

Álver með snyrtilegu umhverfi á rétt á sér sem ekki sést nein mengun frá. Þannig er Alcan í dag og mengar ekkert sem hefur nein áhrif á íbúa Hafnarfjarðar þótt af stækkun yrð

Stækkun álversins JÁ TAKK.Á. Ö. Þórðarson.

Stækkun í Straumsvík.

Stjórnmálamenn sem ekki gera greinarmun á nýjum álverum í Helguvík eða á Húsavík annarsvegar eða stækkun álversins Straumsvík hinsvegar eru í besta falli á villi götum. Undirbúningur stækkunarinnar í Straumsvík hófst 1999. Frumkvæðið  kom frá forráðamönnum fyrirtækisins hér og fyrirtækið enn í eigu Svisslendinga. Farið var alfarið að íslenskum leikreglum, tryggja sér land, fyrirhuguð stækkun sett í umhverfismat sem var samþykkt. Þá var farið í orkuleit, samningar náðust við Orkuveitu Reykjavíkur um 40% orkunnar í tíð R-listaflokkana og síðar tókust samningar við Landsvirkjun um hin 60% orkunnar. Þau sem stóðu í þessum samningum voru ekki her útlendinga, heldur forstjóri og kerskálastjóri ÍSAL, þau Rannveig Rist og Gunnar Guðlaugsson. Í millitíðinni sameinast Alusuisse (Svisslendingarnir) og Alcan (Kanadamennirnir) og síðar Pecheynnay (Frakkarnir) og fyrirtækið fær nafnið Alcan á Íslandi. Frumkvæðið að stækkuninni er því íslenskt enda hagsmunirnir íslenskir. Alcan á fleiri möguleika, orkuverð er lægra í Kanada og Bahrein býður upp á "olíu knúin álver"og þar með nánast ókeypis orku. Umhverfismálin ráða hér mestu, vandinn er hnattrænn ekki íslenskur. Við stöndum þjóða best í umhverfismálum og því eðlilega leitað til okkar. Þeir íslensku kostir sem eru upp á borðinu eru fráleitt allir jafn umhverfisvænir. Húsavíkur álver kallar á jarðvarmavirkjun á einu fjölsóttasta ferðamannasvæði  landsins og Helguvíkur álver kallar á jarðvarmavirkjun á Reykjanesskaganum á svæðum sem mörg hver eiga ekki sinn líka eins og Brennisteinsfjöll . Stækkunin í Straumsvík felur í sér virkjun neðarlega í Þjórsá, (afturkræf framkvæmd) og búið að samþykkja af skipulagsyfirvöldum !Einnig jarðvarmavirkjun á Hengilssvæðinu sem er vissulega viðkvæmt en þar er byrjað að virkja nú þegar með samþykki R-Listans og skipulagsyfirvalda. Skipulagsstofnun samþykkti ekki Kárahnjúkavirkjun, umhverfisráðherra varð að grípa þar inn í.   Umhverfismat á eftir að fara fram gagnvart bæði Helguvík og Húsavík og standist það ekki mun enginn umhverfisráðherra breyta því áliti hvar í flokki sem hann/hún stendur! Hér er því um ólíka hluti að ræða. Álverið í Straumsvík er með öll tilskilin leyfi til stækkunar en hinir staðirnir ekki. Hinsvegar kaus Hafnarfjarðarbær að fara þá leið að hafa íbúakosningu um málið, ekki urðu nein málaferli út af því, ekki mótmælti ÍSAL og ekki Alcan. Kosningarnar fara því fram 31.mars næstkomandi,stjórnmálamenn þurfa því enga afstöðu að taka nema að þeir búi í Hafnarfirði. Maður er hinsvegar í nettu sjokki yfir þekkingarleysi stjórnmálamanna á starfseminni í Straumsvík og því andvaraleysi að sú starfsemi skipti engu máli fyrir Hafnarfjörð né land og þjóð. Stækkunin skiptir gríðarlegu máli fyrir Hafnarfjörð og land og þjóð. Við misstum af iðnbyltingunni þess vegna er en hægt að virkja hér ef rétt er að málum staðið, eins og hjá ÍSAL. Fjörutíu ára saga ÍSAL segir okkur að óhætt sé að stækka í Straumsvík, slík aðgerð myndi treysta rekstrargrundvöll þjóðarinnar til framtíðar og við gætum snúið okkur að öðrum möguleikum, öllum til hagsbóta og það gæfi okkur fótfestu til að segja hingað og ekki lengra hvað álver snertir. Eitt er að stækka það sem fyrir er og samþykkt er, en annað að byrja frá grunni! Skora á stjórnmálamenn að kynna sér starfsemina í Straumsvík og koma í veg fyrir að því frábæra starfi sem þar  fer fram verði fórnað að óskoðuðu máli! Úti í henni Evrópu og Skandinavíu er auðvelt að vera "Grænn" þar er búið að virkja allt sem hægt er,við komumst sem betur fer aldrei á það stig! 

 Stækkum í Straumsvík!! Logi Hjartarson

Hafnfirðingar kjósa um framtíð mína? Mörgum þeirra er sama og finnst að ég ætti að fara að semja ljóð eins og svo margir afturhaldssinnar.

Alcan er gott fyrirtæki og hefur reynst mér afskaplega vel. 

 

Á sínum tíma þá hætti ég sjómennsku minni þar sem mér fannst ömurlegt að starfa í grein sem var með óréttlát kvótakerfi.

 

Ég tel Alcan á Íslandi vera með besta áliðnaðar starfsfólk á heimsvísu.  Ég tel á mínum vinnustað að starfsfólkið hafi gert kraftaverk.  Skautsmiðja á heimsvísu er talin óþrifalegasta deild álfyrirtækja.  Hjá okkur er hún ein sú þrifalegasta og tel ég að með því að fá alla til að róa í takt þá sé hægt að gera kraftaverk. Við höfum gert kraftaverk Skautsmiðjunni og erum við starfsmenn stoltir fyrir allt það hrós frá öllum þeim sem hafa heimsótt okkur.  

 

Nú er svo komið í mínu lífi að ég legg spilin á borðið?  Ef Alcan verður ekki stækkað þá mun Alcan sem framleiðir 180.000 tonn sem gamalt úrelt álver byrja að loka sem getur tekið X mörg ár.  Við starfsmenn munum örugglega sjá breytingar.  Sjálfur hef ég hugsað þetta ferli oft?  Um þessar mundir er ég að hugsa mína stöðu hvort ég vilji vera hjá fyrirtæki áfram sem mun hætta rekstri eftir nokkur ár. En að sjálfsögðu hef ég áhuga á að starfa hjá fyrirtæki sem er fremst í umhverfis, öryggismálum og að vinna  við að lágmarka gróðurhúsalofttegundir.

 

Ég hef sagt við mína konu ef álverið í Straumsvík verði ekki stækkað þá flytjum við á landi brott því ég mun ekki kyngja því endalaust að alltaf sé ráðist á þá atvinnugrein sem ég hef valið mér.

 

Enn og aftur bið ég Hafnfirðinga um að vera framsækna og sækja fast í og styðja að fyrirtækið fái að nútímavæðast og þróast.

 

Það er mikill mannauður hjá elsta álfyrirtæki landsins.  Sá auður mun hverfa til anskotans ef fyrirtækið verður ekki stækkað?

 

Kveðja

 

Á Örn Þórðarson.

Rökin 10. eða Boðorðin 10.3.

   Fréttablaðinu 27.1.2007


   Er gein eftir Svölu Heiðberg Jónsdóttir þar sem hún telur upp 10. rök gegn stækkum  Álversins í  Straumsvík.
   Skömmu fyrir áramát færði hópurinn Sól í Straumi stjórnendum Alcan í
,,Straumsvík eftirfarandi rök gegn stækkun í Straumsvík.” Og þar segir hún  Byggingarland Alcan 10 ferkílómetra rétt er Byggingarland verður ef stækkað verður 3 ferkílómetrar, eða 20% af iðnaðarsvæðinu.

Þar fór þriðja fullyrðingin fyrir lítið sem sagt ekki rétt, rökum hnekkt.
 

  Meira  seinna.
   
       Kv,Sigurjón Vigfússon 

Orð til talsmanns Sólar í Straumi.

Sæll Sigurður Pétur.

Það sem særir okkur framfarasinna mest er stanslaus áróður ykkar afturhaldssinna á störf þeirra sem nenna að vinna og hafa migið í saltan sjó?

Þú eins og ég vitum vel þegar bágt ástand er á atvinnulífi þjóðar okkar? Þú manst líklegast eftir árinu 1996 þegar ég tók þig með mér á sjóinn til að kenna þér að míga í saltan sjó. Ég man vel þegar þú brosandi Pétur hafði fengið fyrstu reynslu sjómannsins og burðaðist með fullan svartan ruslapoka af humri í land.

Ég verð að segja að ég er farinn að verða þreyttur á þessu þvaðri þínu og vitleysu. Um daginn tjáðir þú þig um að ef Alcan stækkaði þá myndu öll börn í Hafnarfirði nánast drepast úr mengun.

Nú tel ég sé nóg komið þegar þú ásakar okkur starfsmenn að ganga erinda forsvarsmanna Alcans. Ég held að þú þekkir mig það vel að ég skrifa nákvæmlega um allt sem mér sýnist og berst af alefli ef mér og mínum er sýnt eitthvað óréttlæti. Mér er anskotans sama hvað fólk finnst um mín skrif því ég skrifa alltaf beint frá mínu hjarta og ýti á SEND takkann. Eini stíllinn sem ég hef breytt um er að ég er farinn að lesa einu sinni eða tvisvar yfir það sem ég skrifa.

Að lokum Sigurður Pétur. Hættu að sýna störfum okkar áliðnaðarmanna fjandsemi. Þú veist vel að ég og fleiri sem þú þekkir vel værum ekki búnir að vinna þarna í áratugi ef þetta væri svona fjandsamlegt, drullugt og ömurlegt eins og þið Sólarmenn staklist á ykkar áróðri. Vil minna þig á að álver er hátækni iðnaður.

Öll menntun mín til að geta skrifað þessar línur einn og óstuddur er Alcan að þakka. Eins og þú veist þá var skólaganga mín í Stýrimannaskólanum með herkjum. Eins og þú veist þá erfa sum börn verstu eiginleika foreldrana en með fullorðinsárunum þegar ró kemst yfir þá fer allt á betri veg.

Þú ert velkominn í kaffi hvenær sem er þannig að við getum tekið stöðuna. En ég fæ æluna upp í háls af þessari umræðu þar sem fólk er að nota þessa sjálfsögðu stækkun Alcans sem pólitískt skotvopn sér og sínum til framdráttar.

Nú er nóg komið af ómálenanlegri umræðu og skrifum. Ef rannsóknir sýna að stækkun Alcans skaðar ekki neitt í nálægðum byggðum álversins þá á að sjálfsögðu að stækka til hagsbóta framförum og hagsældar í Hafnarfirði.

Nútíma álver er hátækni iðnaður

Stækkum Alcan til hagsældar fyrir Hafnarfjörð.

Kveðja Á. Ö. Þórðarson.