Segir Svandísi Svavarsdóttir tefja fyrir atvinnuuppbyggingu og auka á atvinnuleysið stefna hennar leiðir landið í gjaldþrot

Forstjóri Landsvirkjunar  Hörður Arnarson segir ákvörðun Svandísar Svavarsdóttir  um að hafna skipulagi Þjórsárvirkjana verði til þess að atvinnuuppbyggingu sem hefði orðið vegna virkjanaanna frestist um 2 - 4 ár. Segir hann Landsvirkjun hafa verið í viðræðum erlend fyrirtæki um ýmiskonar atvinnuuppbyggingu.

Hörður segir Landsvirkjun hafa yfir að ráða orku sem dugi í fyrstu áfanga gagnaversins sem nú er í framkvæmd en að nú þurfi að leita annarra virkjanakosta fyrir framhaldið.

Hörður segir Landsvirkjun nú þegar hafa lagt 3,7 milljarða króna í undirbúningsvinnu vegna virkjananna í Þjórsá. Stjórn Landsvirkjunar ákvað fyrir tveimur árum að orka úr virkjunum í Þjórsá færu ekki í ný álver og var því farið að leita að öðrum mögulegum orkukaupendum.
Margir hafa gagnrýnt ákvörðun Svandísar Svavarsdóttir harðlega  eins og skoðunum Gylfa Arnbjörnssonar, forseta ASÍ í dag.

Athugasemdir

[Sigurbjörg Eiríksdóttir, 3.2.2010 kl. 22:24]

Það er ekkert í lagi með landstjórnina:(

[Rauða Ljónið, 3.2.2010 kl. 22:28]

Nei því miður það r bara hugsað eins og árið 2007 útrásin bjargar öllu hvernig væri ef þetta fólk færi að rífa af dagatalinu farm að 2010.

[Ómar Ragnarsson, 3.2.2010 kl. 23:37]

2007 hélt ég því fram að mörg erlend fyrirtæki, sem sköpuðu fleiri störf og betri störf á orkueiningu án mengunar, myndu vilja kaupa hér orku og að skaðlegt væri að selja alla orkuna á útsölu til mestu orkubruðlara heims, álvera.

Ég var sagður vera að bulla, stóriðjan væri það eina sem kæmi til greina en ekki "eitthvað annað" sem ekki væri skilgreint og væri líkast til fjallagrasatínsla eða peysusaumur.

Nú stendur í fréttinni um Landsvirkjuj að "mörg erlend fyrirtæki" vilji kaupa orkuna hér.

Ef stóriðjuæðinu hefði verið hætt væri ekkert vandamál að selja þessum fyrirtækjum orku markvisst, yfirvegað og skipulega.

Hinn raunverulegi sökudólgur er stóriðjustefnan.