30% aukning ferðarmanna á Austurlandi að skoða Kárahnúka og Reyðarál annað árið í röð.

Rúmlega 50 þúsund ferðamenn komu í upplýsingamiðstöðina á Egilsstöðum í sumar sem er um 30% aukning frá því í fyrra sumar. Tölurnar miðast við sumarmánuðina júní, júlí og ágúst en aukningin skýrist að mestu leiti af mikilli fjölgun ferðamanna sem lögðu leið sína í upplýsingamiðstöðina í júní. Sú tala er nálægt 15 þúsund sem er um 75% aukning frá því í fyrra. Í júlí varð örlítill samdráttur miðað við árið í fyrra en að sama skapi aukning í ágúst. Svo virðist sem veður hafi haft talsverð áhrif á ferðamynstur fólks í sumar og þá ekki síður erlendra ferðamanna því eins og kunnugt er var júnímánuður mun veðursælli en júlímánuður á Austurlandi.