Við hjá ALCAN erum með umhverfismálin á heilanum og höfum unnið góða áfanga sigra.

Við hjá Alcan erum með 3 Þurrhreinsistöðvar sem gegna því hlutverki að hreinsa flúorið og ryk úr afsogi.  Hreinsað flúor er síðan notað aftur við vinnsluna..  Síupokar gegna því hlutverki að hreinsa ryk úr gasinu áður en það fer út í andrúmsloftið aftur.  Í okkar fyrirtæki hefur mikið áunnist á síðustu árum og höfum við minnkað gróðurhúsaáhrif í andrúmsloftið um allt að 70% á síðasta áratug og munum við halda áfram á sömu braut.  Ég tel að þessi árangur okkar í umhverfis og öryggismálum hljóti að valda eftirtekt annara fyrirtækja í sambærilegum rekstri.

Það er ömurlegt fyrir þjóð okkar? Ef þjóðin ætlar að veita brautargengi í okkar þjóðfélagi, stjórnmálaflokkum eins og Vg og SF sem virðast ætla miðað við forystu Ingibjargar og Steingríms? Ráðast á vinnandi fólk.  Þeirra hugsjón er aðeins ein að berjast gegn vinnandi fólki með lífsvæn laun.

Síðan vil ég minnast á könnun Fréttablaðsins þar sem kemur í ljós að jafnaðarmannaflokkur getur aldrei barist gegn  framförum á Íslandi þótt viss hluti þjóðarinnar safnist saman í afturhaldssaman fortíðar flokk Vg.

ÁÞ

Bandalag hina viljugra þingmanna.

 

 

Bandalag hina viljugra þingmanna vilja nú ráðast inn á starfsmenn Alcan og eru að reyna að fá þjóðina með sér Vinstri Grænir ætla sér að leiða þá baráttu og blása nú í sína herlúðra,  sýna skal,,og nú skal tilgangurinn helga meðalið,, og sverta skal Starfsmenn Alcan niður, sömu brögðum skal beytt og Bush beytti á sínum tíma.

Nú á þessum laugardegi eru í blöðum greinar eftir Steingrím J. og  Mörð Árnassonar báðir tveir fara beint í kokkabækur C.I.A. Og þykir þeim það eflaust mikil fengur að geta vitnað upp úr þeim.

Nú ætla þessir þingmenn að fá þjóðina með sér og ráðats á  atvinnu öryggi Hafnfirðinga.

Megin dráttur greina þeirra fjalla um atvinnu uppbyggingu Hafnarfjarðar og hverin skulu koma í veg fyrir það.

Það er eins og einhver manía sé í gangi nú all skal gert til að atvinnulíf í Hafarnarfirði megi ekki blómstar, Vinstri Grænir eru þar í farabroddi og ætla sér að ná í atkvæði á kosnað starfsmanna Alcan og beyta öllu lyfjum sem þeir komast yfir.

Mörður vitnar í einhverja tölur til sýna fram á það að allt sé að fara til veri vegar, hinsvegar, ekki tekst honum betur til þegar hann endar greinina sína ræðsta hann á látinn mann og ásakar hann um orð er hann hafði aldrei sagt eða er hann að rugla saman mömmun?

 

         Atvinnu- og efnahagslíf, Hafnarfjarðar með stækkun Alcan.

       Sem Bandalag hina viljugra þingmanna, vilja koma í veg fyrir.

Ný ársverk sem skapast vegna rekstrar álversins eru áætluð 346, óbein og afleidd ársverk 830, eða samtals 1.176. Ársverk á höfuðborgarsvæðinu eru nú um 48% af íbúafjölda svæðisins. Gert er ráð fyrir að þetta hlutfall hækki smám saman á næstu árum í 50% af íbúafjöldanum vegna breytinga í aldursskiptingu sem verður vegna hækkandi hlutfalls 50-65 ára fólks og minnkandi fæðingatíðni. Forsendur spár um íbúafjölgun eru þær að fyrir hvert 1 nýtt starf sem skapast vegna stækkunar álversins fjölgi íbúunum um 2. Áætluð íbúafjölgun sem leiðir af fyrirhugaðri stækkun álversins er því áætluð um 2.350 manns. Þessi tala byggir á þeirri forsendu að þegar rekstur tveggja viðbótaráfanga álversins hefst á árunum 2008 og 2010, eins og áætlað er, verði nokkurn veginn fullt atvinnustig á svæðinu. Ef atvinnuleysis mun gæta í einhverjum mæli þegar að þessu kemur, munu þau viðbótarstörf sem verða til í álverinu draga úr atvinnuleysi á svæðinu og leiða til minni íbúafjölgunar en ella. Þannig mun líklega verða nokkuð mikil fylgni milli atvinnuleysisstigs og íbúafjölgunar, þ.e. í öfugu hlutfalli. Einnig skal ítrekað að áætlun um fjölda óbeinna og afleiddra starfa er með nokkrum skekkjumörkum sem getur hækkað eða lækkað áætlaða íbúatölu um allt að 300 manns.

Stækkum Alcan. JÁ TAKK.

  Kv.Svig. 

 

Er Hafnarfjörður í draumi frá Sól í Straumi?

Fullt af fyrirtækjum hafa hótað að flytja búferlum til annara landa vegna há -gengisstefnu ríkisstjórnarinnar.  Aldrei er talað um hótun eða mútur af hálfu forsvarsmanna þeirra fyrirtækja?

 

Þegar fyrirtækið Alcan segir rétt og satt frá þá er talað um hótun eða mútur?

 

Ekkert fyrirtæki á Íslandi hefur verið lagt í þvílíkt einelti og Alcan.

 

Hvar yrði Hafnarfjörður staddur eftir nokkur ár ef Actavis færi með alla sína starfsemi  úr landi og álverið í Straumsvík væri hætt rekstri?  Við myndum þá kannski stóla á að kjúklingastaðurinn Kentucky fried  bæri bæinn uppi eða önnur lykil fyrirtæki í ferðamannadraumi Sólar í Straumi.

 

ÁÞ

Rauða Ljóninu og Gunnar Svavarsson á Bóndadegi

 

 

Sæll. Gunnar Svavarsson,

Bæjarfulltrúi og  foseti bæjarstjórnar og tilvonandi þingmanna Samfylkingar gangi þér allt í haginn og til hamingju með Bóndadaginn.

Las gein þína í Fréttablaðinu í morgun ágætis umræða og vangaveltur um stækkun Alcan og framtíðar horfur um okkar kjæra Fjörð.

Varðandi uppbyggingu atvinnulífsins á næstu árum og hagsæld Hafnarfjarðar og iðnaðaruppbyggingu sem nú á sér stað og þróun sem þar er að gerast.

  Ég sé jákvætt við horf þitt til framtíðar uppbyggingar í Kapelluhrauni og á þeim iðnaði sem þar er og kemur til með að vera .

Kv , Svig

 

 

Alcan greiðir hæstu opinberu gjöldin á Reykjanesi.

 

 

 Alcan greiðir hæstu opinberu gjöldin eða um 960 milljónir kr.  í opinber gjöld og er hæðsti  greiðandinn í Reykjanesumdæmi, Kópavogskaupstaður er í öðru sæti með 300 millj. Kr. Í þriðja sæti er Toyotaumboðið, Hafnarfjarðarkaupstaður er svo í fimmta sæti með 217 millj. Kr. í opinber gjöld.

(Sjá: RSK.)

Ef stækkað verður má gera ráð fyrir að Alcan greiði þrisvar sinnum hærri upphæð eða sé miðað við framleiðslu  eftir stækkun,   2,597.62  millj.kr.   eða  yfir tvo og hálfan milljarð.

Þess má geta að þreföld stækkum hefur svipað vægi inn í atvinnulíf Hafnarfjarðar og þegar Álverið tók til starfa á sínum tíma sé miðað við íbúafjölda. Menn skulu huga að því og um leið framtíð atvinnuuppbyggingar fyrir Hafnarfjörð.

 

Kv.Svig. 

 

Munu hafnfirðingar sjá ljósið og samþykkja stækkun Alcans?

Í heimspeki má lesast ?  Bæjarstjórn sem virðist duglaus, er oft affarasælust fyrir bæjarbúa.  Ströng bæjarstjórn sem skiptir sér af öllu veldur bæjarbúum ófarnaði.  Eymd er alltaf á hælum góðærisins og hamingjan hvílir á bágindunum.

 

Eigum við að hverfa frá réttlætinu þótt fyrirtækið Alcan hafi farið alla þá lýðræðislegu leið til að fá að nútímavæðast?  Ef við hverfum frá réttlætinu?  Þá fer allt aflaga.   Vinstri-grænir og afturhaldssinnar hafa svo sannalega vaðið í villu og svima.

 

Þess vegna vaki ég dag og nótt yfir réttlætinu þannig að gott fyrirtæki fái að vaxa og dafna. Ég er fastur fyrir ef ég vil það, alltof hreinskilinn þannig að vinum mínum ofbýður stundum. Reyni að vera ekki ónærgætinn.  Reyni að túlka ljósið þó Vinstri- grænir og félagar þeirra í Sóli í Straumi vilji sjá eitthvað annað.

 

Affærasælast fyrir Hafnarfjörð og allt Ísland er að Alcan stækki og fari eftir öllum þeim leikreglum sem settar eru.  Allar tölur sýna að álver mengar alltaf minna og minna með hverju árinu sem líður.  Mesti mengunarvaldurinn á næstu árum mun líklegast verða ferðamanna iðnaðurinn að mínu viti þar sem hver einasta manneskja mengar eitthvað.

 

Þarf kannski 10% atvinnuleysi til að fólk sjái ljósið.

 

Stækkun Alcans, JÁ TAKK.

 

ÁÞ

Í Sátt við náttúru og samfélagið.

Hussnes í Noregi. 

Víða í heiminum starfa fyrirtæki í öllum iðnaði í sátt og samlyndi við sítt nánasta umhverfi og þá helst þegar fyrirtæki vilja aðlaga sitt starf að umhverfi og staðháttum og kröfum íbúana.
 

En það hefur verið stefan Alcan Straumsvík og mun svo vera áfram þetta er ein liðurinn að þau Verklýðsfélög sem eru inn Alcan eru hlynnt stækkun.

Kv, Svig 

 

Sjónmengun og fleira

Margir tala um sjónmengun af álverinu í Straumsvík. Umhverfi álversins er með snyrtilegustu iðnaðarlóðum sem ég hef séð. Hins vegar ef skoðað er hinumegin við Reykjanesbrautina erum við komin í mjög svo sóðalegt umhverfi. Það virðist ekki vera nema eitt fyrirtæki þar, Íslandsprent, sem hefur fyrir því að líta þokkalega út, enda tekst þeim það mjög vel, allt mjög snyrtilegt og flott hjá þeim. Ef byggingar Isal eru sjónmengun, hvað eru þá blokkirnar í Vallarhverfinu annað en sjónmengun og þá aftur byggingarnar í iðnaðarhverfinu hinumegin við Reykjanesbrautina ? Hvað er IKEA annað en sjónmengun í þessu fallega hrauni ? Hve stór hluti íbúa á Völlunum sjá álverið út um gluggan hjá sér, ótrúlega lítið hlutfall held ég. Ég held að það sé nokkuð ljóst að ef Isal fær að stækka, þá verður það landsvæði sem það mun standa á, eins snyrtilegt og það getur orðið ef verður byggt á því á annað borð, og það er ekkert ef, því það verður byggt á því, hvað sem verður svo byggt.

Nálægð við byggð er þekkt um allan heim. Hjá til dæmis frændum okkar í Noregi eru álver inn í grænum dölum með íbúabyggð alveg upp að girðingu, allir eru sáttir, því fólk veit hve mikils virði þau eru fyrir samfélagið og að því stafar engin hætta af þeim.

Fram kemur á heimasíðu Isal:  „...viðmiðunarmörk sem gilda um flúor taka mið af því að gróður er mun viðkvæmari fyrir flúormengun en fólk.  Þannig eru heilsuverndarmörk fyrir fólk 30 sinnum hærri en þau viðmiðunarmörk fyrir gróður sem okkur er gert að uppfylla“ ( http://www.alcan.is/?PageID=215 ).

Það er einnig ljóst að þó Isal verði ekki stækkað verður samt virkjað í Þjórsá, því það er vöntun á rafmagni. Ég þekki mann sem þekkir mann sem á foreldra sem eiga land að Þjórsá. Hann hefur eftir þeim að af þeim sem eiga land að Þjórsá er einungis einn sem er á móti því að virkja, svo hvað erum við að rífa kjaft sem vitum ekki um hvað er verið að tala. Teljið þið ykkur vita um hvernig virkjanir er verið að tala ? Áður en þið játið því, bið ég ykkur að brjóta odd af oflætinu, kynna ykkur málið og athuga hvort þið hafið rétt fyrir ykkur. Eruð þið viss um að virkjun sé bara eitthvað slæmt ?

Læt þetta duga í bili á meðan þið athugið þetta.

JFD

Og þú líka elsku Ómar Ragnarsson

Það étur hver upp eftir öðrum að Alcan hóti lokun, en enginn getur bent á  hvenær það var gert.Það hlýnar með hækkandi hita. Það kólnar með lækkandi hita. Er hægt að kalla þetta hótanir?Aðvitað ekki,  þetta eru staðreyndir.  Ef ekki verður stækkað í Straumsvík er það upphafið að endi fyrirtækisins. Er hægt að kalla það hótun?Auðvitað ekki,  þetta er staðreynd.

 TLS

Takk fyrir þessi hlýju orð til starfsmanna Alcans. Dorrit Moussaieff

Það er ekki hægt að segja annað en að manni hafi hlýnað um hjartarætur eftir að hafa fylgst með ágætu viðtali Evu Maríu  í Kastljósinu í gærkvöldi við forsetafrúnna Dorrit Moussaieff.  Þar talaði  forsetafrúin okkar með hlýjum orðum til starfsmanna fyrirtækisins.

 

Starfsmenn minnast vel heimsóknar Dorritar þar sem hún sem persóna kom okkur svo sannalega á óvart með sinni virðingu til okkar.  Ef starfsmenn hefðu ekki þekkt hana sem forsetafrú, þá hefðu starfsmenn haldið að ný kona væri að hefja störf hjá fyrirtækinu þar sem forsetafrúin leit á alla sem jafningja sína án yfirstéttahroka.

 

Ég vildi fá að segja þessa skoðun mína þar sem við álvers starfsmenn höfum svo sannalega fengið að finna fyrir óhróðri frá ýmsum á störf okkar á síðustu mánuðum.

 

Vona svo að forsetafrúin sjái sér fært að heimsækja okkur sem fyrst aftur í álverið og takk aftur fyrir þessi hlýju orð til starfsmanna.

 

ÁÞ