Leita í fréttum mbl.is

Færsluflokkur: Ferðalög

Er ljósvakamiðill gegn stækkun Alcan?

Fyrir rúmu ári síðan var mér mjög misboðið þegar stuðningsmenn Vg  gerðu hverja árásina á fætur annari á störf okkar áliðnaðarstarfsmanna.  Þá byrjaði ég viðvaningurinn að reyna við pennann og beita honum enda nýskriðinn úr framhaldsnámi Stóriðjuskólans sem fyrirtækið veitti mér ókeypis. Það er ólýsanleg tilfinning að komast í hóp þeirra sem getur tekið þátt í umræðu þjóðfélagsins.  það er líka ólýsanleg tilfinning að finna það hvað við höfum fundið marga framfarasinna á síðustu vikum sem sýna okkur starfsmönnum stuðning fyrir því að gott fyrirtæki hafi möguleika á að dafna og þróast.  

Auðvitað ætlum við starfsmenn ekki að láta afturhaldið vaða yfir okkur heldur ætlum við að berjast til 31 mars dag og nótt.  Sigra þessa bjánalegu óígrunduðu íbúakosningu og taka slaginn.  

Fyrir rúmu ári síðan skrifaði ég þingmanni bréf eftir að einn ljósvakamiðill og fjölmiðlar gengu svo langt í sínum umfjöllunum að mér varð mjög misboðið.  Ólýginn sagði mér að vænta megi óhróðurs á fyrirtækið og jafnvel starfsmenn þess  næstkomandi Sunnudag frá sama fjölmiðli þar sem neikvæðin á að vera í fyrirrúmi.  Hafa eigendur þess fyrirtækis einhver annarleg sjónarmið gagnvart vinnandi fólki og láta það átölulaust að starfsmenn þess sinni sínum annalegu sjónamiðum og skoðunum? 

Opinbera bréfið fyrir ári síðan til Þingmannsins 

Sæll. 

Það verður að segjast eins og er að umræður stjórnarandstöðunnar hafa sjaldan verið málefnalegar og tel ég að fólk sé orðið þreytt að hlusta á andstöðuna vera á móti öllu og góðu málunum líka.
 

Að mínu viti er rekstur álvera hátækniiðnaður og þekki ég starfshætti þar vel enda búinn að vinna þar í 9 ár en þar áður 18 ár á sjó. Vegna nútíma tækni þá er mengun frá Alcan í dag, 180.000 tonna álver langtum minni en í byrjun reksturs með 60.000 tonna álver.
Það er mín skoðun eftir mína reynslu af vinnu í álveri að þjóðin eigi að fagna þessum tækifærum. Hjá okkur í Alcan fá ekki allir vinnu sem vilja vinna hjá okkur þar sem lítil hreyfing er á starfsfólki og verkamannalaunin góð allt upp í 500.000 á mánuði hjá duglegu fólki.

Ég veit um þó nokkra sem ekki komast að hjá okkur vegna fárra mannabreytinga sem eru í startholunum að flytja austur þegar álverið þar verður starfrækt, samt er þensla og góðæri. Fólk sækist eftir öryggi og góðum launum sem það getur lifað af. Karfist er hæfni og getu þar sem það tekur þó nokkurn tíma að komast inn í keðju til að búa til ál.

Hvað mig varðar þá hef ég verið sendur á óteljandi námskeið og þriggja ára nám til að sérhæfa mig í að búa til ál. Þetta nám er að mestu sérhæfing. Að henda þessari kunnáttu frá sér er glapræði fyrir þjóðina og marga tugi ára aftur til fornalda.

Ég skora á þig og aðra sem eru efins um stóriðju á Íslandi að kynna þér málin og koma í heimsókn til okkar.  

Sjálfur hef ég ekki séð þig ennþá.

Baráttukveðja

Árelíus þórðarson

Sent af Árelíus Þórðarson kl. 11.02.06 23:07
------------------------------------------------------
 

Eins og einhverjir hafa sjálfsagt tekið eftir þá verður Alcan með heimsóknartíma fyrir þá sem vilja kynna sér starfsemina hjá fyrirtækinu og sjón er sögu ríkari. 

Kveðja Árelíus Þórðarson.

Áfram Hafnarfjörður, við viljum ekki enda eins og eitthvað De Code fyrirtæki?

Komið þið sæl. Er nýkominn frá Danmörku og nýkomin  af 16 tíma vakt. Í litlum bæ sem bróðir minn býr í sem heitir Pindstraup er 100 ára gömul spónar verksmiðja í miðjum bænum.  Þessi verksmiðja spúir þykkum reyk allan sólarhringinn dag og nótt.  Í vissum vindáttum leggur brennifnyk yfir bæinn.  Samt eru allir bæjarbúar mjög hliðhollir þessari verksmiðju sem fæðir og klæðir þrjú þúsund íbúa samfélagsins. Hjá Alcan sjá bæjarbúar aldrei slíka mengun þar sem  verksmiðjan okkar spúir ekki eld og reyk dag og nótt.  Alcan hefur ákveðið að bjóða fólki að koma og sjá starfsemina með eigin augum og þá hátækni sem þrífst innan veggja fyrirtækisins. 

Að sjálfsögðu spurði ég bróður minn vissra spurninga þar sem ég eftir þessa sjón varð hneykslaður af  samfélaginu mínu í Hafnarfirði, þeirra sem hafa nýtt okkar góða fyrirtæki niður í skóinn. Á eitt hundrað afmæli fyrirtækisins í Pindstraup á síðasta ári gaf fyrirtækið öllum bæjarbúum stórar og  góðar gjafir.  Fólkið var þakklátt og enginn svívirti fyrirtækið og kallaði gjafirnar mútur eins og leiðbeinendur frá Sól í Straumi reyndu að telja okkur bæjarbúum um enda var aðeins um 20- 30 geisladiskum skilað af 8000 diskum.

 Kæru Hafnfirðingar.

 Ég vil sjá eitt mesta umhverfisvæna  fyrirtækið á Íslandi vaxa og dafna.  Ég vil sjá Alcan leggja mikinn pening í íþróttafélögin á næstu árum.  Ég vil að bæjarstjórnin hver sem hún verður hafi bolmagn til að létta á skattpínu sinni á okkur bæjarbúa. Ég vil sjá öflugt og kröftugt atvinnulíf.  

Að lokum kæru Hafnfirðingar? 

Þið verðið að skoða málin frá eigin hugsjón?  Hvort það sé gæfulegt fyrir okkur Hafnfirðinga að Vg og Sól í Straumi komi okkur þrjátíu ár aftur til anskotans. Svo væri gaman að fá að vita hvað fólk á við með orðinu sprotafyrirtæki en þetta orðalag  er mikið notað af meðlimum Sólar í Straumi um þessar mundir. Allir þeir sem tjá sig í athugasemdardálki undir fullu nafni verður svarað en öðrum dulnefningum ekki. 

 Kveðja. Árelíus Örn Þórðarson sem er að eflast eftir hina frábæru ferð.


mbl.is Tap deCODE eykst milli ára
Tilkynna um óviðeigandi tengingu við frétt

Nagladekk menga meira en 400 þúsund tonna álver?

Athuganir í Evrópu leiða í ljós að svifryksmengun hvers konar spillir heilsu meira en önnur loftmengun. Þetta segir Þór Tómasson, efnaverkfræðingur hjá Umhverfisstofnun.

Slík loftmengun komi helst frá umferð og nagladekkjum sem fræsa upp malbik. Þór segir að svifrykið geti valdið kvillum í öndunarvegi óháð innihaldi en menn beini einnig sjónum að samsetningu þess.

  Þór segir að heilsuspillandi loftmengun frá álverum sé hverfandi og verulegar framfarir hafi orðið við þróun þurrhreinsibúnaðar síðustu tíu til fimmtán árin. Þannig sé flúorsmengun 400 þúsund tonna álvers minni nú en frá 30 þúsund tonna álveri fyrir 30 til 40 árum 

Viðtal á útvarp Sögu.

 

Kveðja Á.Ö.Þ


Mun barátta framfarasinna sigra afturhaldið?

 Bæjarstjóri Kópavogs er framfarasinni þess vegna blogga ég þessa frétt við þennan tengil sem ég var nýbúinn að pikka inn.

Mikið er ég hissa?  Það er eins og búið sé að slíta tunguna úr stórskotaliðssveit Vg og nokkrum liðhlaupum úr Sf.

 

Eftir mína yfirferð yfir Mogga bloggið þá má segja að tíðindalaust sé á vígstöðunum eitthvað sálfræðibull samt í gangi á Sólarsíðunni.

 

Það er búið að vera mjög gaman að vera þátttakandi í hersveit framfarasinna sem vill sjá fyrirtækið Alcan þróast og nútímavæðast.  Á síðustu vikum hefur verið nóg að gera við að hrekja burtu staðlausa stafi úr orðum andstæðinganna.

 

Það er alveg á hreinu frá mínu hjarta?  Við munum berjast til 31 Mars fyrir því að fyrirtæki með heimsárangur í umhverfis-öryggis og heilsufarsmálum fái að dafna.  Ef við framfarasinnar töpum fyrir afturhaldinnu í þessu baráttumáli okkar þá verður svo að vera.  En eitt er víst að við framfarasinnar ætlum að halda baráttunni áfram til 31. Mars og eigum eftir að eflast mjög fram á þeim tíma.

 

 Fólk verður að skilja það að við framfarasinnar segjum að nú sé nóg komið að afturhaldsinnar kalli okkur öllum ónotarnöfnum.  Sjálfur veit ég um hvað ég er að tala þar sem ég var einn af þeim fáu sem hóf þessa réttlætisbaráttu fyrir rúmlega einu ári síðan.

 

Svo til að undirbúa listsköpun mína fyrir framtíðina ef allt fer á versta veg langar mig að enda þetta á einu steypu ljóði.

Að bíða eftir stækkun Alcans 

Ég vil ekki burt, Ég vil ekki burt.   Hver veit hvurt, hver veit hvurt?   Út í heim, út í heim.     Þar sem enginn að kvöldi, fær um ferð mína spurt.                                                                       

Ég finn lönd, ég finn lönd. Brosir strönd,brosir strönd. Svo hrynur það allt, ég er hnepptur í bönd. 

Enn ég dvel, enn ég dvel. Allt ég fel, allt ég fel. Bíð hér aleinn í fjötrum sem skjaldbaka í skel.

Á.Örn Þórðarson.


mbl.is Skógræktarfélagið geri tillögu að samkomulagi við Kópavogsbæ
Tilkynna um óviðeigandi tengingu við frétt

Óður til umhverfisfíkla frá umhverfissinna sem vill kraftmikið atvinnulíf og að virkjað sé í sátt við náttúruna.

                         Klettinn í fjallinu klaufstu í tvennt með kjarnmiklum ræðum og tárum. Það afl hefur Ómar… okkur sent í dreyra frá jöklunum gráu.

 Þú syngur og messar dag eftir dag með dásemd af sköpunarmætti. Það hlusta víst einhverjir á vonir þínar og brag og blessun frá umhverfisfíkla slætti.

 Samt niða niður fossar tárfagrir öld eftir öld.uns örþreyttir strengirnir rofna.Að síðustu kom þitt kvöld. Þú hverfur í gljúfrið þitt dökkva. 

Daga og nætur stend ég upp á stól og stari upp til hæða.Ég hlusta á umhverfið í vetri og sól viskunnar eilífu fræða. 

Í fortíð og nútíð þú færir í eitt með fádæma haglegum ljóðum.Ekki fá aldirnar rödd þinni breytt né umbrot frá umhverfisvina þjóðum.

 Fossrödd þín Ómar…hljómar háttfrá umhverfissjónarmiðum. Alltaf er hjartað mitt opið á gátt frá hægri öfgasjómanninum.

 Ég skora á umhverfisfíkla að ná sáttum við okkur framfarasinna.  Þjóð sem keyrir fram af bjargbrúnni eftir að hafa slökkt á hagvaxtarvélinni verður ekki affarsæl í framtíðinni.  Þjóðin á að halda áfram sínu kraftmikla atvinnulífi eða láta umhverfisfíklana ráða og telja fólki að affarasælast sé að loka sig af í dimmu herbergi og semja ljóð sem allir geta gert þegar aldurinn færist yfir og aukinn frítími myndast. 

Kveðja Á. Örn Þórðarson.


Guð hjálpi Hafnarfirði ef álverið í Straumsvík fær ekki að stækka? Hrikalega há fasteignagjöld og hæsta útsvar segir allt í dag?

Álverið er og mun ALLTAF verða einhverskonar máttarstólpi í atvinnulífi bæjarins okkar Hafnarfirði. Allir eru sammála um þessa fullyrðingu nema þeir sem aðhyllast afturhaldi eins og Vg og samtökin Sól í Straumi. 

  Undirritaður  heldur því fram að við Hafnfirðingar verðum að samþykkja stækkun álversins í Straumsvík vegna þess að í álverinu eru borguð viðunandi laun og heimsmetsárangur hefur unnist  í heilsu-umhverfis og öryggismálum.

Látum ekki Sól í Straumi og Vinstri- Græna Beita stjórntæki sem Sovétamenn beittu þegna sína hér á árum áður.  En heilaþvottur og lýðskrum var þeirra beittasta vopn og sættist þjóðin í marga áratugi við allt orðagjálfrið.

 Hafnarfjörður getur orðið öflugur bær ef stöndug fyrirtæki ná að vaxa og dafna í bænum okkar.  Það er mín skoðun ef álversstækkunin verður blásin af þá verður þessi bær sem stjórnað er af vinstri mönnum, steindauður bær í marga áratugi.

Fólk eins og ég sem vill drifkraft í Hafnarfjörð mun flytja úr bænum.  Margir munu segja farvel og er það besta mál.  Eftir tíu ár klóra menn sér í rassinum og væla?  Fyrst fór kvótinn síðan álið og loks fólkið sem nennir að vinna.

  Nú eru bara vinnustaðir í Hafnarfirði eins og Bónus, fiskverkannir, matsölustaðir,/ skyndibitastaðir og aðrir staðir sem borga lág laun enda var Hafnarfjörður með eitt lægsta útsvar sveitarfélaga per mann á síðasta ári?Hátækni eitthvað, þekkingariðnaður eitthvað hækkar ekki útsvar Hafnarfjarðar per mann nema skrumverjar komi með skýrar tillögur hvað á að koma í staðinn.

Á Örn Þórðarson

 

Þróun atvinnuleysis á höfuðborgarsvæðið frá 1981 til dagsins í dag.

Á fjórða ársfjórðungi 2004 voru að meðaltali 4.000 manns án vinnu og í atvinnuleit eða 2,5% vinnuaflsins. Atvinnuleysi mældist 2,1% hjá körlum en 2,9% hjá konum. Atvinnuleysið var mest meðal fólks á aldrinum 16-24 ára, eða 6,9%
    

Á fjórða ársfjórðungi 2003 mældist atvinnuleysi 2,9%. Atvinnuleysi karla var þá 3,0% en 2,7% hjá konum. Atvinnuleysi meðal fólks á aldrinum 16-24 ára mældist 8,0% 

Líklegast munum við sjá svarta tíma á næstu árum þar sem mjög erfitt er að framfleyta sér á því að tína hundasúrur upp á hálendinu.  Einnig sé ég ekki íslendinga velja sér það hlutskipti að vera að þjóna ferðamönnum í stórum stíl með því að búa um rúminn  þeirra,klósett og skríða fyrir þeim.

 Ef við rýnum í atvinnuleysistölur frá árinu 1981 til dagsins í dag þá kemur margt athyglisvert í ljós. 

Frá árinu 1981 til 1988 var atvinnuleysið á höfuðborgarsvæðinu mjög lítið og mældist meðal atvinnuleysið á bilinu 0,3 til 0,9%.  á ári

Á árunum 1989 til 1992 fór meðal atvinnuleysið á höfuðborgarsvæðinu hægt vaxandi og mældist það þá á bilinu 1 til 2,9%. á ári.

Næstu ár á eftir voru mögur ár hjá launaflokki sem sumir vilja kalla síðustu kreppuna þar sem hagvaxtarvélin hætti að snúast og margir landsmenn lifðu þá af því að tína hundasúrur upp á fjöllum.  Krepputímabilið það síðasta milli áranna  1993-1997 var erfitt hjá mörgum heimilum og mældist meðalatvinnuleysið á höfuðborgarsvæðinu þá á bilinu 5,1% til 6,1%, oft var það meira eftir árstíðum.

Á árinu 1997 ákvað þáverandi forsætisráðherra Íslands að blása kreppuna af en þá var nýbúið að starta  nýjum skála hjá Ísal/ Alcan. Hagvaxtarvélin byrjaði að snúast þótt hægt gengi í fyrstu.

 

Strax árið 1998 hafði atvinnuleysið minnkað mjög mikið og var þá orðið 4,1% og fór lækkandi til ársins 2001 í 1,7%.  Á árunum 2002 til 2005 var meðal atvinnuleysið frá 2,7% til 4,1% .

Mjög lítið atvinnuleysi var á árinu 2006 og lítið það sem af er þessu ári.  En það er alveg klárt í mínum huga að við munum sjá hagvaxtarvélina hægja ferðina á næsta ári og síðan stöðvast ef engin vitræn umræða verður um hvernig okkur beri að nýta helstu orkulyndir okkar á sem skynsamlegasta hátt í sátt við náttúruna.

  

Stækkum Alcan í sátt við náttúruna til hagsældar og framtíðar Íslands.

 

Á. Örn.Þórðarson.

  
mbl.is Atvinnuleysi 1,3% í janúar
Tilkynna um óviðeigandi tengingu við frétt

Sælir Straumarmenn, Stækkun Alcans JÁ TAKK. Hafnfirðingar gerum bæinn okkar kraftmikinn.

1.      Sælir Sólar menn.Af hverju á ekki bara að hætta að hugsa um að efla velferð í þessu landi til framtíðar þar sem nóg virðist af henni í dag. Velferð kostar peninga og allir vita að fólk þarf að hafa samkeppnisbær laun. Húsvíkingar reyndu allt áður en þeir heimtuðu álver. Það má segja að allt sem þeir reyndu gekk ekki upp, síðan gáfust þeir upp og heimtuðu álver. Fyrir um 12 árum síðan gengu hér um í Hafnarfirði 10% atvinnulausra manna. Davíð Oddson aflýsti kreppunni þá þegar síðasta stækkun álversins var fullgerð. En vissulega eru betri tímar núna en hagkerfi okkar er svo brothætt að lítið þarf út af bera til að allt hjaðni niður og leiti til baka.Sjálfur vil ég vera hreinskilinn og kvíði fyrir því ef Vg nær einhverri fótfestu sem ráðandi afl í okkar landi.Fyrir rúmum mánuði síðan  hringdi í mig góður vinur minn að norðan til að spyrja mig um ráðleggingar um lán og þá hvort eitthvað vit væri í að taka lán í útlenskum gjaldmiðli? Þessi vinur minn er annálaður stuðningsmaður Vg. Ég tjáði honum það ef hann treysti Vg fyrir efnahagsstjórnunninni næstu ára þá skyldi hann taka erlend lán en hann var efins um það með efnahagsstjórnun Vg í fararbroddi.Í mínum huga fer fram mikið lýðskrum um stækkun álversins í Straumsvík. Þegar menn segja sannleikan um framtíð Alcans um líftíma þess og fl að þá verður allt vitlaust og þeir sem kölluðu okkur álhausa kálhausa í síðustu kosningabaráttu blása úr og kalla að menn séu með hótanir. Hvaða fyrirtæki verður langlíft ef það fær ekki að þróast og taka upp nýjustu tækni?Ef menn hafa fylgst með sveitastjórnakosningunum í vor þá gátu menn séð það að meðaltekjur hvers skattskylds útsvarsgreiðanda í Hafnarfirði eru mjög lágar. Það er s.s nóg af láglaunastörfum í Hafnarfirði. En þess skal geta að álverið borgar vel yfir lágmarkslaunum á landsvísu og góðan útsvarspakka til bæjarins.Það er leitt að horfa upp á þessa skrumstælingu fjölda fólks sem hefur ekki hundsvit á því hversu gott er að vinna innan veggja álversins. Miðað við allt miðað við þá mengun sem þau ímynda sér ættum við sem vinnum þar að vera löngu dauð. Í mínum huga er framtíð eins skuldugasta bæjarfélags á Íslandi í veði.

Álver með snyrtilegu umhverfi á rétt á sér sem ekki sést nein mengun frá. Þannig er Alcan í dag og mengar ekkert sem hefur nein áhrif á íbúa Hafnarfjarðar þótt af stækkun yrð

Stækkun álversins JÁ TAKK.Á. Ö. Þórðarson.

Hafnfirðingar kjósa um framtíð mína? Mörgum þeirra er sama og finnst að ég ætti að fara að semja ljóð eins og svo margir afturhaldssinnar.

Alcan er gott fyrirtæki og hefur reynst mér afskaplega vel. 

 

Á sínum tíma þá hætti ég sjómennsku minni þar sem mér fannst ömurlegt að starfa í grein sem var með óréttlát kvótakerfi.

 

Ég tel Alcan á Íslandi vera með besta áliðnaðar starfsfólk á heimsvísu.  Ég tel á mínum vinnustað að starfsfólkið hafi gert kraftaverk.  Skautsmiðja á heimsvísu er talin óþrifalegasta deild álfyrirtækja.  Hjá okkur er hún ein sú þrifalegasta og tel ég að með því að fá alla til að róa í takt þá sé hægt að gera kraftaverk. Við höfum gert kraftaverk Skautsmiðjunni og erum við starfsmenn stoltir fyrir allt það hrós frá öllum þeim sem hafa heimsótt okkur.  

 

Nú er svo komið í mínu lífi að ég legg spilin á borðið?  Ef Alcan verður ekki stækkað þá mun Alcan sem framleiðir 180.000 tonn sem gamalt úrelt álver byrja að loka sem getur tekið X mörg ár.  Við starfsmenn munum örugglega sjá breytingar.  Sjálfur hef ég hugsað þetta ferli oft?  Um þessar mundir er ég að hugsa mína stöðu hvort ég vilji vera hjá fyrirtæki áfram sem mun hætta rekstri eftir nokkur ár. En að sjálfsögðu hef ég áhuga á að starfa hjá fyrirtæki sem er fremst í umhverfis, öryggismálum og að vinna  við að lágmarka gróðurhúsalofttegundir.

 

Ég hef sagt við mína konu ef álverið í Straumsvík verði ekki stækkað þá flytjum við á landi brott því ég mun ekki kyngja því endalaust að alltaf sé ráðist á þá atvinnugrein sem ég hef valið mér.

 

Enn og aftur bið ég Hafnfirðinga um að vera framsækna og sækja fast í og styðja að fyrirtækið fái að nútímavæðast og þróast.

 

Það er mikill mannauður hjá elsta álfyrirtæki landsins.  Sá auður mun hverfa til anskotans ef fyrirtækið verður ekki stækkað?

 

Kveðja

 

Á Örn Þórðarson.


Orð til talsmanns Sólar í Straumi.

Sæll Sigurður Pétur.

Það sem særir okkur framfarasinna mest er stanslaus áróður ykkar afturhaldssinna á störf þeirra sem nenna að vinna og hafa migið í saltan sjó?

Þú eins og ég vitum vel þegar bágt ástand er á atvinnulífi þjóðar okkar? Þú manst líklegast eftir árinu 1996 þegar ég tók þig með mér á sjóinn til að kenna þér að míga í saltan sjó. Ég man vel þegar þú brosandi Pétur hafði fengið fyrstu reynslu sjómannsins og burðaðist með fullan svartan ruslapoka af humri í land.

Ég verð að segja að ég er farinn að verða þreyttur á þessu þvaðri þínu og vitleysu. Um daginn tjáðir þú þig um að ef Alcan stækkaði þá myndu öll börn í Hafnarfirði nánast drepast úr mengun.

Nú tel ég sé nóg komið þegar þú ásakar okkur starfsmenn að ganga erinda forsvarsmanna Alcans. Ég held að þú þekkir mig það vel að ég skrifa nákvæmlega um allt sem mér sýnist og berst af alefli ef mér og mínum er sýnt eitthvað óréttlæti. Mér er anskotans sama hvað fólk finnst um mín skrif því ég skrifa alltaf beint frá mínu hjarta og ýti á SEND takkann. Eini stíllinn sem ég hef breytt um er að ég er farinn að lesa einu sinni eða tvisvar yfir það sem ég skrifa.

Að lokum Sigurður Pétur. Hættu að sýna störfum okkar áliðnaðarmanna fjandsemi. Þú veist vel að ég og fleiri sem þú þekkir vel værum ekki búnir að vinna þarna í áratugi ef þetta væri svona fjandsamlegt, drullugt og ömurlegt eins og þið Sólarmenn staklist á ykkar áróðri. Vil minna þig á að álver er hátækni iðnaður.

Öll menntun mín til að geta skrifað þessar línur einn og óstuddur er Alcan að þakka. Eins og þú veist þá var skólaganga mín í Stýrimannaskólanum með herkjum. Eins og þú veist þá erfa sum börn verstu eiginleika foreldrana en með fullorðinsárunum þegar ró kemst yfir þá fer allt á betri veg.

Þú ert velkominn í kaffi hvenær sem er þannig að við getum tekið stöðuna. En ég fæ æluna upp í háls af þessari umræðu þar sem fólk er að nota þessa sjálfsögðu stækkun Alcans sem pólitískt skotvopn sér og sínum til framdráttar.

Nú er nóg komið af ómálenanlegri umræðu og skrifum. Ef rannsóknir sýna að stækkun Alcans skaðar ekki neitt í nálægðum byggðum álversins þá á að sjálfsögðu að stækka til hagsbóta framförum og hagsældar í Hafnarfirði.

Nútíma álver er hátækni iðnaður

Stækkum Alcan til hagsældar fyrir Hafnarfjörð.

Kveðja Á. Ö. Þórðarson.


« Fyrri síða | Næsta síða »

Höfundur

Rauða Ljónið
Rauða Ljónið

Rautt ljónið er göfugt . Red Lion is noble.

Segðu fólki það sem það þegar veit og skilur og þér verður þakkað.

Segðu fólki það sem það ekki veit og skilur og þú verður fordæmdur.

 Lyginn getur ferðast um allan heiminn, á meðan sannleikurinn er að fara í skóna.

Sigurjón Vigfússon

Nýjustu myndir

  • ...au_anesvita
  • ...aaa
  • ...6239_n_1_jl

Innskráning

Ath. Vinsamlegast kveikið á Javascript til að hefja innskráningu.

Hafðu samband