Hver er munurinn á ríkisábyrgð á Íslandi og Dubai.?

Hlutabréf lækkuðu í morgun um 6% bæði í Dubai og Abu Dubai. Þetta er annar daginn í röð sem stórfelld lækkun verður á mörkuðum í furstadæmunum.

Fjármálaráðherra Dubai sagði í sjónvarpsviðtali í gær að skuldir Dubai World aðal fjárfestingafélags Dubai væru ekki með ríkisábyrgð. Lánardrottnar félagsins yrðu að axla sinn hluta ábyrgðarinnar. Yfirlýsingin var gefin eftir að hlutabréf féllu stórlega í Dubai og Abu Dabi í gær þá lækkuðu hlutabréf á öllum Evrópumörkuðum. Á Asíu hefur gegni hlutabréfa aftur rétt úr kútnum í þeirri von að fyrirheit seðlabanka Sameinuðu-Furstadæmanna um stuðning við bankanna komi í veg fyrir að kreppan breiðist út.

Stjórnendur Dubai World, helsta ríkiseignarhaldsfélags furstadæmisins Dubai tilkynntu í gærkvöld að þeir væru byrjaðir viðræður við lánardrottna um endurskipulagningu á skuldum félagsins. Hún tæki til 26 milljarða dollara eða innan við helmings af heildarskuldunum. Til greina kæmi að selja eignir til að grynnka á skuldunum. Hlutabréf hækkuðu í verði í kauphöllinni í New York eftir að tilkynningin var birt.