Stækkun í Straumsvík, já takk!

Íbúar Hafnarfjarðar og aðrir landsmenn sem fylgst hafa með umræðunni um stækkun álversins í Straumsvík hafa eðlilega verið að velta því fyrir sér hverjar líkurnar séu á því að móðurfyrirtækið Alcan Inc. sem er eigandi álversins reki það áfram eftir árið 2014 en þá rennur núverandi raforkusamningur út við fyrirtækið. 

Sé tekið mið af þeim tækniframförum sem orðið hafa eru líkurnar á því nokkuð minni en meiri. Staðreyndin er sú að verið er að loka eða selja til minni álfyrirtækja  bæði austanhafs og vestan þau fyrirtæki sem byggja rekstur sinn á sambærilegri tækni og ISAL notar í dag. Ný tækni hefur gert rekstur þessara gömlu álvera óhagkvæman og nú er svo komið að gömlu álverin hellast úr lestinni eitt af öðru því þau eru hætt að standast samkeppni við þau nýju á öllum sviðum.

Markmið Alcan Inc. er að vera best og leiðandi á heimsvísu í rekstri álvera, þar með talið í umhverfis- og öryggismálum. Álver eru hátæknivinnustaðir og byggja á menntun og hugviti starfsmanna sinna. Álver sem vinnustaður býður uppá tækifæri fyrir fólk af báðum kynjum með ólíka menntun. Álverið í Straumsvík hefur ekki tækifæri til þess að standast metnaðarfull markmið Alcan Inc. til lengri tíma litið í óbreyttri mynd. Þar af leiðir er ekki ólíklegt að móðurfyrirtækið Alcan  setji álverið í Straumsvík á sölulista eða einfaldlega hætti rekstrinum og loki í Straumsvík árið 2014 ef það fær ekki tækifæri til að halda álverinu áfram í hópi bestreknu álvera í heiminum í dag.

Það má leiða að því líkum að álfyrirtæki með minni metnað en Alcan Inc. muni hugsanlega vilja kaupa ISAL náist ekki fram stækkun og þar með uppbygging með nýjustu tækni. Þá munu væntanlegir nýir eigendur eflaust reyna að ná samningum um raforku í 10 ár til viðbótar eins og núverandi samningar heimila til að mjólka út úr verksmiðjunni sem mestan arð á sem stystum tíma.  Það liggur í augum uppi að umhverfis- og öryggislegur metnaður fyrirtækja í slíkum rekstri er annar heldur en þeirra sem horfa til lengri framtíðar.

Til að gefa örlitla mynd af þeirri nýju tækni sem notast er við í álverum í dag þá eru þau 280 þúsund viðbótartonn af áli sem stækkunin byggir á framleidd í tveimur kerskálum sem samsvarar til 2/3 hluta af því húsnæði sem ISAL notar í dag til að framleiða 180 þúsund tonn af áli. Sama þróun er á öllum búnaði, þar með töldum hreinsibúnaði.  Alröng er sú fullyrðin forsvarsmanna “ Sólar í Straumi “ að leggja saman fyrirhugaða framleiðsluaukningu og halda því fram að losun efna sem  koma frá álverinu verði í sama hlutfalli og samsvarar fyrirhugaðri stækkun. Samanburðarmælingar í gróðri frá lóðamörkum ISAL og upp í Skorradal sem gerðar hafa verið með reglulegu millibili í tæp 40 ár sína enga aukningu efna frá ISAL í gróðri.  Sama má segja um lífríki sjávar umhverfis álverið í Straumsvík.  Öll starfsemin er í fullri sátt við náttúruna. Fyrirhuguð stækkun í Straumsvík er undirstaða hagsældar í Hafnarfirði og landsmanna allra. Allt tal um mengun byggir í besta falli á vanþekkingu og á stundum á hræðsluáróðri. Því miður er umræðan of oft á villigötum ásamt umræðunni um virkjun neðri Þjórsá.  Það er öllum ljóst sem vilja vita að virkjað verður í neðri Þjórsá hvort sem álverið verður stækkað eða ekki. Ef eitthvað ógnar því að mengun fari að berast frá Straumsvík þá gæti það helst og hugsanlega gerst ef Hafnfirðingar greiða atkvæði gegn stækkun og koma þannig í veg fyrir að nýjasta tækni og metnaðarfullir aðilar standi í framtíðinni áfram að rekstri álversins í Straumsvík.

 

28. janúar 2007

Halldór Halldórsson

Höfundur er starfsmaður

álversins í Straumsvík

Er hugmyndafræði Samfylkingarinnar fengin hjá Karli bréta prins í umhverfismálum og ferðamannaiðnaði?

Karl Bretaprins ákvað fyrir nokkrum vikum síðan af aflýsa árlegri skíðaferð sinni til að stemma stigu við losun gróðurhúsalofttegunda en prinsinn hefur verið gagnrýndur fyrir að fljúga um allan heim til að taka við viðurkenningum fyrir störf sín að umhverfisverndarmálum og stuðla með því að losun gróðurhúsalofttegunda. Þetta kom fram á fréttavef Jyllands-Posten. Deginum eftir flaug hann til New York til að taka við einni slíkri umhverfisviðurkenningu.

Ómar keyrir á litlum sparneytum álbíl ef ég fer með rétt mál og er hlynntur mengandi ferðamannaiðnaði. Samfylkingarbanarnir í Samfylkingunni eru ekki hlynntur skít og drullu og hafa verið helstu talsmenn þess að banna Íslendingum að koma nálægt slíku.  Fyrst með slagorðinu Fagra Ísland og nú síðast með áróðrinum um tækni eitthvað í stað stóriðju. Ég tel alla íslendinga umhverfissinna sem vilja fara mismunandi leiðir skynseminar.

Ef færi fram skoðanakönnun á fylgi flokkanna meðal starfsmanna Alcans  þá væri Samfylkingin langöflugust flokka hjá okkar fyrirtæki enda feikivinsæll bæjarstjóri í bænum okkar. Hvert atkvæði fjölskylduföðurs getur haft vægi upp á 3-15 fallt.  Ef við tökum lítið dæmi og teljum okkur trú á að flestir stuðningsmanna Alcans séu búnir að fá nóg af ójafnaðarmennskunni. Tökum fyrir hæsta áhrifagildið?  300 starfsmenn *15 eru 4500 atkvæði. Ég er farinn að finna urg hjá starfsmönnum gagnvart Samfylkingunni.

Í Fjarðarpóstinum í dag kemur fram að Talnakönnun gerði könnun fyrir Vísbendingu um afstöðu landsmanna um stækkun Alcan.  55% voru fylgjandi 45% á móti.

Að lokum óska ég þess að Samfylkingin verði áfram jafnaðarmannaflokkur en ekki áróðursflokkur gagnvart okkur framfarasinnum.  Flestir Hafnfirðingar eru ánægðir með Samfylkinguna í Hafnarfirði þar sem bæjarstjórinn í Hafnarfirði lítur hlutlaust á málin en að mínum dómi er annað að segja af forustusveit Samfylkingarinnar á landsvísu sem lítur hlutdrægt á málin.

Kveðja.Á Örn Þórðarson  

Dylgjum um starfsskilyrði starfsmanna í álverum svarað

Hildur Atladóttir fjallar um stóriðju og ásakanir stóriðjuandstæðinga.

 

Marta Eiríksdóttir kennari skrifaði grein sem birtist hér í blaðinu sl. þriðjudag undir yfirskriftinni ,,Hvalneskirkja hverfur” titillinn á þó ekki nema að litlu leiti við það sem kom fram í greininni.  Marta er fyrst og fremst í grein sinni að andæfa uppbygginu fyrirhugaðs álvers í Helguvík.  Ástæða þess að ég sé mig knúna til að setja línu á blað til andsvara eru hinar ótrúlegu dylgjur sem Marta setur fram í grein sinni um áhrif álvera á líf og heilsu einstaklinga.

Eftir tal um loftmengandi stóriðju snýr Marta sér að heilbrigðismálum starfsmanna álvera og einstaklinga sem búa í nágrenni þeirra.  Steininn tekur úr þegar hún dylgjar um slæm starfsskilyrði starfsmanna og kastar síðan fram spurningunum: ,, Er kannski hvítblæði og krabbamein algengara á meðal þeirra eða astmi og lungnasjúkdómar? “Hvert skyldi markmið Mörtu vera með þessum spurningum í grein sinni? Væntanlega að skilja lesandann eftir með þá tilfinningu að álver sé hættulegur vinnustaður, þar sem illa er búið að starfsmönnum og líkur á að þeir fái alvarlega sjúkdóma eins og hvítblæði eða krabbamein séu meiri en gengur og gerist vegna starfsumhverfis þeirra.  Marta skrifar undir greinina sem kennari, ég vona að hún fjalli um mál er snúa að kennslu af meiri þekkingu og yfirvegun en hún gerir um starfsumhverfi álvera í grein sinni.Undirrituð er leiðtogi heilbrigðismála hjá Alcan á Íslandi sem rekur álverið í Straumsvík, fyrir þá sem þekkja til vinnuaðstæðna starfsmanna álvers eins og þess sem rekið er í Straumsvík eru dylgjur eins og þær er Marta setur fram vægast sagt ósvífnar, órökstuddar og byggðar á augljósri vanþekkingu og sleggjudómum.  Staðreyndin er sú að vinnuumhverfi starfsmanna er mjög gott.  Það er tryggt að starfsumhverfi þeirra sé ekki á neinn hátt hættulegt heilsu þeirra og að fyllsta öryggis sé gætt í þeirra daglegu störfum.  Að dylgja um auknar líkur á alvarlegum veikindum starfsmanna er ógeðfellt og ekki málstað andstæðinga stóriðju til framdráttar.Hildur Atladóttir.
Höfundur er næringarfræðingur og leiðtogi heilbrigðismála hjá Alcan á Íslandi hf., Straumsvík.

Þessi frétt gæti átt við Hafnarfjörð eftir nokkur ár ef Alcan fær ekki að nútímavæðast og stækka.

“Átta af þrjátíu starfsmönnum Skipalyftunnar í Vestmannaeyjum var sagt upp störfum fyrir helgi og kunna enn fleiri að missa vinnuna á næstunni.

„Að öllu óbreyttu verður fleirum sagt upp um næstu mánaðamót," segir Stefán Jónsson, yfirverkstjóri Skipalyftunnar.

Mennirnir sem sagt var upp hafa sumir um 45 ára starfsaldur að baki. “

------------------------------------------------------------------------------------------------------

 

Verður frétt í svipuðum dúr hér í Hafnarfirði eftir nokkur ár ef afturhaldsstefna verður ríkjandi hér á næstu árum og fyrirtækið Alcan fær ekki að stækka og nútímavæðast?

 

Þá yrði fréttin líklegast svona?  Alcan hefur ákveðið að loka verksmiðju sinni á næstu 3-5 árum þar sem allur tæknibúnaður og framþróun er orðið barn síns tíma.  500 starfsmenn með allt að 45 ára starfsaldur munu missa vinnu sína.

 

Húsvíkingar hafa reynt allt í 30 ár en flest allt hefur mistekist og er vonin álver.  Hafnfirðingar gætu vissulega fetað í fótspor húsvíkinga og beðið efir hinu margrómaða þekkingar eitthvað sem kemur kannski aldrei?

 

Kveðja.

Á.Örn Þórðarson

Bæjarráð Fjallabyggðar - 4. febrúar 2007

BÆJARRÁÐ 35. FUNDUR – 10/2007.
Sunnudaginn 4. febrúar 2007 kom bæjarráð Fjallabyggðar saman til fundar
kl. 16.00.
Í Ráðhúsinu Siglufirði voru mættir bæjarráðsfulltrúarnir Jónína Magnúsdóttir og Hermann Einarsson,
auk bæjarstjóra Þóris Kr. Þórissonar og skrifstofustjóra Ólafs Þórs Ólafssonar sem ritaði fundargerð.
Í Ólafsfirði var mættur bæjarráðsfulltrúinn Jóna Vilhelmína Héðinsdóttir.
FYRIR VAR TEKIÐ:
1. Fjárhagsáætlun 2007.
Farið var yfir styrkumsóknir.
2. Önnur mál.
a) Bréf Sjávarútvegsnefndar Alþingis.
Veittur er stuttur frestur til að gera athugasemdir við frumvörp um breytingu á lögum um stjórn
fiskveiða, þ.á.m. um úthlutun byggðakvóta.
Bæjarráð gerir ekki athugasemd við frumvörpin.

Fundi var slitið kl. 18.40.
http://www.siglo.is/new/?mode=fundargerdir&id=631

Kv, Sigurjóv Vigfússon 

RÚV og kosningarskriftofa Sól í Efstaleiti.

 

 

 

Bæði útvarpsfréttum í hádeginu og í kvöldfréttum sjónvarpsins á föstudaginn 2 feb. var fjallað um stækkun álversins í Straumsvík á afar ósmekklegan hátt. Fréttirnar jaðra hreinlega við fréttafölsun því sýndu á engan hátt raunhæfa mynd af efni fundar sem Samtök atvinnulífsins héldu um í Hafnarborg 2.feb.

Fjölmenni var í Hafnarborg en þar fjallaði Hannes G. Sigurðsson um áhrif álversins í Straumsvík á Hafnarfjörð.

Auk Hannesar fjallaði Lúðvík Geirsson, bæjarstjóri um nýja tillögu að deiliskipulagi við Straumsvík, Rannveig Rist, forstjóri Alcan á Íslandi, fjallaði um stækkun álversins og Kolbrún Jónsdóttir, framkvæmdastjóri JRJ, fjallaði um þýðingu viðskipta Alcan við fyrirtæki í Hafnarfirði. Vilhjálmur Egilsson, framkvæmdastjóri Samtaka atvinnulífsins, stýrði umræðum.

Engu var líkara en fréttamenn RÚV hefðu skipað sjálfan sig kosningarstjóra um kosningu um deiliskipulagið og opnað kosninga skrifstofu Sól í Efstaleiti.

Fréttarmenninir María Sigrún Hilmarsdóttir og Sigrún Hagalín Björnsdóttir tíndu að mestu út úr það sem fjallað um eins og sjá má á glærum Hannesar G. Sigurðssonar.

Tekið var viðtal við eins af fulltrúa Sólar í Straumi sem ítrekað hefur gefið villandi upplýsingar og rangar, en ekki talað við fulltrúa verklíðfélagana né fulltrúa hóps sem styður stækkun.

Mætti líkja því við á ársþingi stjórnmálaflokks væri tekið einungis viðtal við fulltrú anstæðings flokksins og ekki fjallað um það sem gerðist á ársþinginu.

Í fréttum RÚV var umfjöllunarefni SA fundarinar tekið úr öllu samhengi . Á fundinum var mjög margt áhugavert, í Hafnarborg allavega upplifðu fundarmenn það.

 Til að kóróna vitleysuna var Útvarpstjóri látin lesa upp fréttirnar í Ríkissjónvarpinu eflaus grunlaus um villandi fréttarefni sem honum var afhent í hendur.

Tölur þær er vitnað var til á  fundinum voru teknar úr samhengi og þær notaðar er hentuðu meðalinu í það sinn en aðrar ekki og öðru þáttum bætt  inn í þetta jaðrar við fréttafölsun.

Það er krafa að RÚV útvarp allra landsmanna fjalli um þessi mál á ópólitískan hátt og virði málstað beggja hópa er vilja aukið tvinnulíf í Hafnarfjörð og þeirra sem eru á móti.

 

Kv. Sigurjón Vigfússon 

 

 

 

Hagsæld í Hafnarfirði ef Alcan verður stækkað?

1.  Tekjur munu stóraukast í Hafnarfirði og munu nema allt að 1.400.000 milljóna króna.

 

2.  Árlega munu tekjur ríkisins af starfsemi Alcans nema 4-5 milljarða króna.

 

3. Biðlisti þeirra sem vilja vinna hjá Alcan mun minnka þar sem 350 ný bein störf skapast hjá fyrirtækinu.

 

4. Samtals munu skapast um 1200 bein og óbein störf vegna stækkunarinnar.

 

5. Bæjarsjóði verður kleyft að hafa ókeypis leikskóla eða ókeypis skólamáltíðir.

 

6.  Alcan mun koma sterkari inn eins og undanfarin ár með aukið fjármagn til samfélagsmála.

 

7. Hátækni iðnaðarfyrirtæki og önnur hugvitsfyrirtæki munu fá aukna vinnu til hugvits og þróunar vegna aukins hátæknibúnaðar í nútíma álverum.

 

Læt þetta lítilræði gott að sinni.

Sjá hlekk SA, hér. 

 

Stækkum Alcan JÁ TAKK.

Kveðja Á Örn. Þórðarson

Alcan og undrið mikla 2.framhald.

Það er undarleg grein er í Fjarðarpóstinnum nú 1. febrúar þar sem ritað er um Alcan, höfundur er kannski mart til lista lagt en að segja rétt frá þar skortir mikið á.

Hvaða rétt hefur Alcan til að til að verðfella eignir okkar? Það er neikvæð umræða um byggðina og áróður greinarhöfunds og hans líka sem er að verðfell eignir með svona skrifum þar stendur hnífurinn í kúnni.

Hvaða rétt hefur Alcan til að rýr lífsgæði okkar.?  Á fundi í Hafnarborg nú í dag var eimitt erindi sem sýnir þvert á móti að gæðin munu aukast, hægt að nálgast á vef Si og SA.

Höfundur býr í Áslandshverfi, Ástjörn og svæðið umhverfis var lýst friðland í samræmi við náttúruverndarlög árið 1978.
Árið1996 var svæðið stækkað með stofnun fólksvangs við Ástjörn, bókinni Fuglar Íslands er getið um 27 fuglategundir sem áttu griðland við Ástjörn sumar tegundir áttu þarna varpland, nú hefur fuglategundum fækka þarna með til komu byggðar á því svæði sem í upphafi var lýst friðland en byggingarland stækkað meira en í upphafi var ætlað.
Sjá, Tímarit Náttúru-Fræðingurinn 67.árg 3-4 hefti 1998.
Eitthvað finnst mér það skrýtin málsumfjöllun þegar verið er fjalla um stækkun Alcan.
Mér finnst skondið að sumi skulu telja sig hafa meiri rétt á því að búa á friðlýstu landi og raska friðlandinu og snúa sér svo að öðru landi og tala um með þessum hætti  tala svo um mengun og menga svo Áslandið sjálfur.

 
Kv. Sigurjón Vigfússon

Við erum bestir...

Á Íslandi búa um 300.000 manns en þrátt fyrir fámennið þá höfum við afrekað jafn mikið og ef ekki meira en aðrar þjóðir heims. Við erum íslendingar og við erum bestir. Afrek okkar má sjá í t.d. framúrskarandi handboltaliði (strákunum okkar) sem voru á góðri leið með að verða heimsmeistarar. Við höfum 8 sinnum verið með sterkasta mann heims og 3 sinnum fallegustu konu heims. Þetta kemur mér persónulega ekkert á óvart því íslenskir karlmenn eru nautsterkir og ég veit að hér búa fallegustu konur heims og þar á meðal konan mín.

 

Það er þessi íslenski baráttuvilji sem gerir okkur sérstök og fylgir okkur í öllu því sem við gerum. Hann er ástæðan fyrir því að Alcan á Íslandi hefur staðið framar öðrum í álframleiðslu og með þeim bestu í heimi hvað varðar umhverfismál og öryggismál, sem endurspeglast í þeim fjölda viðurkenninga sem fyrirtækið hefur fengið bæði innan lands jant sem erlendis. Hann er einnig ástæðan fyrir því að Alcan móðurfélagið hefur valið að fjárfesta í stækkun hér fremur en annarsstaðar.

 

Þessi framúrskarandi árangur Alcan á Íslandi náðist ekki með gæði steypunar í gólfum fyrirtækisins heldur með baráttuvilja starfsmanna þess til að gera betur, vera bestir, með því að setja sér kröfuhörð markmið og innlima stöðugar umbætur og verkefnastjórnun. Við leitumst því nú eftir stækkun, fjölgun baráttumikilla starfsmanna, til að geta orðið betri og haldið áfram að vera bestir.

 

Kjósum með stækkun og höldum áfram að vera bestir, áfram Ísland.

 

Kveðja,

Fannar

Alcan og undrið mikla.

Það er undarleg grein er í Fjarðarpóstinnum nú 1. febrúar þar sem ritað er um Alcan, höfundur er kannski mart til lista lagt en að segja rétt frá þar skortir mikið á . Hann segir hafa valið bústað í Áslandi og ekki órað fyrir því að Alcan mundi stækka árið 2001 það var hinsvegar ljóst fyrir árið 2001 að fyrirtækið væri með stækkunaráform.

Síðan ræðir hann um áróður í formi gjafa á 40 ára afmælinu, það var búið að ákveða hjá Alcan í Kanada að halda upp á 40 ára afmælið með ýmsum hætti fyrir um 2 til 3 árum með því markmiði að minna samfélagið á 40 ára starfsemi og hafði ekkert með komandi kosningar að gera, ekki rétt sagt frá.

Síðan segir. ,, Stöðugur áróður” en ekki sagt hvar hann er að finna og lýsi ég eftir honum.

Að Alcan hafi hótað lokun ef ekki verði stækkað Alcan hefur aldrei hótað lokun varðandi stækkunaráformin heldu lagt spilin á borðið og skírt út hvað væri í væmdum þegar verksmiðjan eldist, ég lýsi eftir þessari hótun hér með.

Að Alcan hafi búið til ólgu og sundurlyndi, það er ekki rétt það sem hefur valdi ólgu og sundurlyndi eru ómálefnaleg skrif sumra anstæðinga stækkunar sem hafa ekki farið rétt með eins og Sól í Straumi og skrif V.G. Hinsvegar hafa aðrir anstæðingar stækkunar verið málefnalegir og er það vel.

 

 

Kv,Sigurjón Vigfússon