Til hamingju forsvarsmenn Sólar í Straumi.

Til hamingju forsvarsmenn Sólar í Straumi.

 

Í nýjustu grein Sólar í Straumi á heimasíðu þeirra tala þeir um álver en ekki álbræðslu.

 

Eru þeir loksins að reyna að hefja upp málefnalega umræðu?

 

Munu forsvarsmenn Vinstri-græna taka rökum og verða málefnanlegir eða munu þeir kannski prenta út boli sem á stendur álhaus kálhaus í álbræðslu fyrir kosningarnar?

 

Kveðja.  Á. Örn Þórðarson.

Ósmekklegur og ódrengilegur fréttflutningur Fréttmanna RÚV.

Bæði í útvarpsfréttum í hádeginu og í kvöldfréttum sjónvarpsins á miðvikudaginn var fjallað um stækkun álversins í Straumsvík á afar ósmekklegan hátt. Fréttirnar jaðra hreinlega við fréttafölsunþví þær sýndu á engan hátt raunhæfa mynd af efni fundar sem Samtökatvinnulífsins héldu um umhverfisáhrif álversins. 

 Á fundinum skýrðu fulltrúar Alcan-ÍSALs frá fyrirhugaðri stækkun, umhverfisáhrifum hennar og þeim góða árangri sem Alcan ÍSAL hefur náð á undanförnum árum sem er raunar langt umfram allar þær kröfursem settar eru á fyrirtækið.  ALcan-Ísal er í fremstu röð í heiminum og styrkur mengunarefna er hvergi nálægt heilsuverndarmörkum ólíkt því sem oft er látið í skína.

  Alcan-ÍSAL er fyrsta fyrirtækið á Íslandi sem innleiddi umhverfisstjórnun skv. ISO 14001 og er enn eitt fárra fyrirtækja sem hefur þessa vottun.

 Í fréttum RÚV var umfjöllunarefni SA fundarins tekið úr öllu samhengi og svert, augljóslega í pólitískum tilgangi. Á fundinum var mjög margtáhugavert, ekki síst sérkennileg hegðun umræddra fréttamanna sem virtust komnir á fundinn til að ná sér niðri á einhverjum en upplýstu í leiðinni alla fundarmenn um ótrúlega fáfræði á málefninu.  Spurningar þeirra vorubeinlínis hlægilegar og raunar svo mikið að starfsmaður Umhverfisstofnunarsem sat fundinn sem gestur fann sig knúinn til að standa upp og útskýragrundvallaratriði fyrir fréttahaukunum.  Það er skammarlegt að RÚV skuliekki setja fréttafólk sem veit um hvað það er að tala í verkefni eins og þetta. 

  Það er ekki einskær áhugi á umhverfismálum sem skýrir umræddar fréttir því í þeim málaflokki er af nógu að taka.  T.d. hefur það vakið  litla athygli að svifryksmengun fór á síðasta ári 29 sinnum yfir heilsuverndarmörk við Grensásveg í Reykjavík. Svifryksmengun á Hvaleyrarholtihefur hins vegar ALDREI í 40 ára sögu álversins mælst yfir heilsuverndarmörkum. 

 Maður veltir því óneitanlega fyrir sér hvort fréttamatið hefði verið eins ef á áðurnefndum fundi hefði verið kynning á samyrkjubúi sem rekið væri af ríkinu og starfsmenn í BSRB en ekki á launaskrá hjá álfyrirtæki.    

Kv. Sigurjón Vigfússon 

Okkar vinsæli bæjarstjóri Hafnfirðinga.

Okkar vinsæli bæjarstjóri Hafnfirðinga  gagnrýnir yfirlýsingar forsvarsmanna Sólar í Straumi samkvæmt grein í Fjarðarpóstinum í dag. Ég tek undir þessa grein bæjarstjórans þar sem forsvarsmaður Sólar í Straumi reynir að blekkja í skrifum sínum Hafnfirðinga.

Kv. Rauða Ljónið.

Forsvarsmenn Sólar í Sraumi reyna oft að breyta sannleikanum.

Okkar vinsæli bæjarstjóri Hafnfirðinga  gagnrýnir yfirlýsingar forsvarsmanna Sólar í Straumi samkvæmt grein í Fjarðarpóstinum í dag. Ég tek undir þessa grein bæjarstjórans þar sem forsvarsmaður Sólar í Straumi reynir að byggja allar upplýsingar sínar á gömlum hasarsíðum en forðast að nefna allar þær upplýsingar sem standa upp á borðinu í dag.

 

Ef við tölum gott og hart mál og  segjum það sem kemur frá hjarta Ljónsins þá hefur mér oft fundist forsvarsmaður Sólar í Straumi telja starfsmenn Alcans fara með rangt mál þegar þeir segja að Alcan sé góður vinnustaður enda munu fyrstu starfsmenn fyrirtækisins verða 40 ára starfsmenn í ár.

 

Ég segi að forsvarsmaður Sólar í Straumi fer oft með ósannindi og vitlausar tölur eins og hann leggur málin upp.

 

Við starfsmenn Alcan tjáum okkur á þessari síðu til að koma okkur skoðunum á framfæri og segjum rétt og satt frá.  Miðað við allt mengunartal forsvarsmanna Sólar í Straumi og einelti Alcans þá spyr ég?  Af hverju er ég lifandi í dag og líður vel?  Eitt sem ég get gagnrýnt Alcan fyrir er að þeir hafa besta mötuneyti á Íslandi og er baráttan við aukakílóin hörð.  Samt er lagt upp úr góðu næringarinnihaldi og vitum við nákvæmlega reiknað hvað hver maður lætur ofan í sig.

 

Berjumst fyrir framtíð góðs fyrirtækis sem veitir starfsmönnum sínum vel enda sýnir starfsmannaveltan það svart á hvítu.

 

Ég vil öflugt fyrirtæki í okkar bæ sem styður við bakið á íþróttahreyfingunni.  Ég hef trú á ef Alcan verði stækkað þá sjáum við þann draum að stórt fjölnota íþróttahús/sýningarhöll verði byggt í okkar bæ en það vantar slíkt hús.  Uppbygging íþróttamannvirkja gengur alltof hægt og eru rótgróin íþróttafélög farin að líða fyrir það.

 

Ég treysti góðu fyrirtæki til góðra samfélagsmála í nánustu framtíð ef fyrirtækið fær að nútímavæðast og dafna.  Ég væri ekki að hvetja dóttir mína að sækja um sumar vinnu hjá góðu fyrirtæki ef þetta væri svona hrikalegt að vinna þarna eins og forsvarsmenn Sólar í Straumi og Vinstri – Grænir vilja álykta.

 

Stækkum Alcan fyrir framtíð Hafnarfjarðar JÁ TAKK.

 

ÁÞ

    

Falleinkunn hjá RÚV

RÚV sendir röng skilaboð með samanburði á co2 losun í samgöngum og stækkun í Straumsvík.  Hvers vegna? 

Ef gera á samanburð co2 losun er eðlilegra að bera saman Straumsvík og önnur álver.  Því losun á co2 verður ekki lægri annars staðar en í Straumsvík við framleiðslu á áli. 

 

Afhverju segir RÚV ekki: Stækkun í Straumsvík stenst ströngustu kröfur um mengunarvarnir strax við lóðarmörk. 

Eða: Þynningarsvæði minnkað um 70% vegna frábærs árangurs Alcans í umhverfismálum.

 

Tryggvi L. Skjaldarson

 

 

 

Vinstri Grænir skora á Hafnfirðinga að fella tillögu um deiliskipulag og um leið að fækka atvinnumöguleikum og fækka störfum í Hafnarfirði og minka tekjur Hafnarfjarðar.

Gildi Alcan til Hafnarfjarðar nú  og eftir stækkun.Yfir 1200 störf bein og óbein afleidd, eru vegna Alcan, Alcan er hæsti greiðandi  gjalda á Reykjanesi með 960 milljónir í opinber gjöld sjá (RSK) sá næsti er með 300 milljónir.Verði stækkað þrefaldast upphæðin  í 2,597 milljónir 800 miljónir til Hafnarfjarðar til birgja og verktaka um 5,500 til 6000 miljónir fyrir utan útsvars til Hafnarfjarðar af störfum Hafnfirðinga er vinna hjá Acan , fjölgun starfa er um 1100 bein og óbein afleidd og útsvar af þeim, og svo mætti lengi telja Rauða Ljónið vill aukin atvinnutækifæri og aukna atvinnu í Hafnarfjörð til handa þeim er eru að koma út á atvinnimarkaðin góðærið er ekki eylíft frekar en kýrnar hans Farós.

Kv, Svig.

Það er gott að vinna í álveri.

Ég er Hafnfirðingur, ég og mín fjölskylda munum örugglega segja já takk við stækkun Alcans.  Enda mjög gott að vinna hjá fyrirtækinu og sýnir starfsmannavelta það svart á hvítu.

Hvað Vinstri-græna snertir hlýtur fólk að sjá að sá flokkur er á móti nær öllu og öskrar hátt.

Svo til að uppnefna okkur þá tala þeir stanslaust um álbræðslu sem er öfugnefni en til að framleiða ál er notast við rafgreiningu.

Álver er góður vinnustaður og verður mikil vítamínsprauta fyrir Hafnfirðinga ef af stækkun yrði.

 

ÁÞ

Skora á Hafnfirðinga að fella tillögu um deiliskipulag

Þúsundir búa við svipaða mengun hér og íbúar evrópskra stórborga

 Umferðarmengun í Reykjavík.

Menguninni við heimilin var skipt í fimm flokka, allt eftir magni NO2-sameinda í hverjum rúmmetra andrúmsloftsins, mælt í míkrógrömmum, einum milljónasta úr grammi. Magnið mældist ekki mikið í úthverfum en var ýmist í flokkunum 16–20 og 21–29 míkrógrömm nærri stofnæðum.

 Hinsvegar eru tölur við Straumsvík mælt á Hvaleyraholti SO2  5,52 míkrógrömm.

Kv,Svig. 

Ómar Ragnarson. Jón Baldvinn, ég og Ljónið.

Ómar Ragnarson segir að fylgismenn Ljónsins séu galnir virkjunarsinnar.  Ljónið spyr Ómar á móti hvort hann sé galinn umhverfissinni?  Jón Baldvinn kallar vinnustaðinn okkar skrímsli?

 

Mun Ljónið, Ómar og Jón Baldvinn ná sáttum og byggja upp landið í sátt við náttúruna?  Mér hlýnar um hjartarætur að Ómar hafi auglýst eftir hægri – grænum en ekki Vinstri- grænum. Jón Baldvinn vill kljúfa Samfylkinguna?

 

Hver veit nema ég, Jón Baldvinn og Ómar verðum saman í flokki, Hægri-grænum þar sem vilji er til að nýta auðlyndir okkar í sátt við náttúruna til hagsældar lands og þjóðar?  Ekki rétt?.

 

Að lokum Ómar og Jón Baldvinn?

 

Fólk verður að lifa af í þessu dýrasta landi heims?  Ég vil minna ykkur á að lægstu launataxtar í okkar landi eru 124..000 á mánuði.  Skrifa  Eitt hundrað tuttugu og fjögur þúsund á mánuði?

 

Húsvíkingar eru búnir að reyna allt? .   Álver er hátækni iðnaður?  Alcan er sjálfbært fyrirtæki? 

 

Ég skora á allt verkafólk þessa lands að rísa upp og berjast heiðalegri orðabaráttu gegn því fólki sem berst gegn okkur.

 

Hvar er verkalýðshreyfingin í þessu landi?

 

ÁÞ

Af hverju vothreinsun?

Mikið hefur verið rætt um hvort ISAL eigi að setja upp vothreinsibúnað. Málið snýst ekki um að setja upp búnað sem fjarlægir brennisteinstvíoxíð heldur að umbreita honum úr gasfasa í vökvafasa og skola til sjávar í stað þess að þynna í lofti. Ég vitna hér í ýtarlega skýrslu um mat á umhverfisáhrifum við stækkun ISAL í Straumsvík. Hanna má finna á heimasíðu ISAL (www.alcan.is):   

,,Í starfsleyfum norskra álvera er gerð krafa um vothreinsibúnað til að hreinsa brennisteinstvíoxíð úr útblæstri. Þessi krafa hefur ekki verið gerð hér á landi, heldur hefur hvert og eitt tilfelli verið metið út af fyrir sig með tilliti til staðhátta og dreifingar mengunar, eins og gert er ráð fyrir samkvæmt BAT.[…] Í Skandínavíu hefur súrt regn valdið talsverðum skógardauða og skaðað lífríki í vötnum. Uppsprettur þessarar mengunar eru að stærstum hluta utan svæðisins eða á Kólaskaga og í Mið- og Austur-Evrópu. Vandinn í Noregi og Svíþjóð er mikill vegna þess að vötnin eru rýr af bíkarbónati vegna kalklítils berggrunns. Geta þeirra til að hlutleysa sýru er því lítil (Danmarks Naturfredningsforening, 1989). […] Aðstæður á Íslandi eru á margan hátt ólíkar því sem er í Noregi. Til að mynda er súr úrkoma ekki vandamál hér á landi og áhrifa frá iðnaðarsvæðum Evrópu gætir lítið. Þá er íslenskur berggrunnur yfirleitt basískur og því ekki eins viðkvæmur fyrir brennisteinsmengun eins og til dæmis berggrunnur Noregs og Svíþjóðar. Þess má geta að basískur berggrunnur landsins veldur því að grunnvatn hérlendis fer víða yfir pH 8,5. Til samanburðar má geta þess að í Skandínavíu, þar sem súrt regn fellur, hafa vötn víða sýrustig á bilinu pH 4-5 (Árni Hjartarson, 1994).”

Kveðja, 

Fannar