Fór í dag í útsýnisflug yfir gosstöðunum í dag sá að fábjánar sækja í gosið.

Allnokkur ágangur svokallaðra fávita hefur verið nærri eldgosinu á Fimmvörðuhálsi.

Hafa björgunarsveitir flutt hundruð örmagna fáráðlinga, kalinna blábjána og annarra vanvita af svæðinu undanfarna sólarhringa.

Þarna vöfruðu fólk um meira og minna sem var komið í þeim eina tilgangi að verða sé að skaða og ekki að skoða gosið heldur leika sér á jeppum aðrir höfðu vara á það má segja að þetta hafi verið undarleg sjó, jeppaför fram á yrstu brúnir með hengi flug framundan og annað eins, legg því til að svæðinu verði loka strax svo að slys verði ekki við gossvæðið.

 

 

 

 

 

 

 

 

 

 

 

 

 

  Hér er einn jeppamaður sem lögregla hafði afskipti af hann vissi ekkert um hætturnar.

Jarðskorpuhreyfingar við Eyjafjallajökul mælast úr geimnum

Jarðskorpuhreyfingar við Eyjafjallajökul mælast úr geimnum
Með nákvæmri úrvinnslu gervitunglamynda má meta hreyfingar jarðskorpunnar með allt at 5-10 millimetra nákvæmni.  Notaðar eru myndir úr ratsjárgervitunglum og aðferðin sem beitt er við samanburðinn kallast bylgjuvíxlmælingar, en gerður er nákvæmur samanburður á hvernig ratsjármerki frá gervitunglum endurkastast af jörðinni á mismunandi tímum. Með þessari aðferð hafa nú fengist mælingar á jarðskorpuhreyfingum í kringum Eyjafjallajökul frá september 2009 og fram til 20. mars, en gosið hófst þá um kvöldið. Mælingar sýna miklar hreyfingar jarðskorpunnar bæði norðan og sunnan jökuls vegna kvikuinnskots inn undir jökulinn.  Jarðskorpuhreyfingarnar koma fram sem litamunstur þar sem hver heil bylgjulend (breyting í litaskala) táknar tilfærslu jarðskorpunnar um 1.5 cm. Myndirnar tvær sýna breytingu í fjarlægð frá jörð til gervitungls fram til 20. mars en gosið hófst þá um kvöldið. Þetta eru fyrstu bylgjuvíxlmyndirnar í röð sambærilegra mynda sem vonast er til að sýni þróun gossins.
Bylgjuvíxlmyndirnar eru búnar til úr myndum sem hið þýska TerraSAR-X gervitunglið safnaði. Rannsóknir á þessum gögnum eru unnar í samvinnu Norræna eldfjallasetursins á Jarðvísindastofnun, Tækniháskólans í Delft í Hollandi og Háskólans í Wisconsin-Madison, USA. Myndirnar eru unnar af Andy Hooper í Delft.
Tengiliðir:  Rikke Pedersen ([e-mail]), Martin Hench ([e-mail]), Andy Hooper ([e-mail]), Kurt Feigl ([e-mail]), Amandine Auriac ([e-mail]), Freysteinn Sigmundsson ([e-mail])
 

 

Radarmynd tekin út flugvél Landhelgisgæslunnar 24. mars 2010 
Á henni má glöggt sjá hraunstrauminn sem rennur til norðausturs í Hrunagil. (mynd Eyjólfur Magnússon, [e-mail])
 

 

 
Mynd: Páll Einarsson



Kort: Eyjólfur Magnússon



Nánari upplýsingar um staðsetningu gossprungunnar á myndum sem teknar voru í flugi yfir jökulinn 19. mars 2010 (pdf skjal)

Modis hitamynd af svæðinu sýnir greinilega staðsetningu gossins:

Íslandi stjórnað af kúlulánsþegum

Kúlulánsþegar eru látnir stjórna Íslandi,  hjá nýju viðskiptabönkunum eða hinu opinbera skiptir það engu máli hvort nýráðnir starfsmenn hafi áður tekið hundraða milljóna króna kúlulán til hlutabréfakaupa og þykir það hin mestu og bestu meðmæli já sukkið prýðir víst manninn nú. Þrír kúlulánþegar sem áður störfuðu hjá Askar Capital, Glitni og Kaupþingi sitja nú í stjórnum fyrirtækja fyrir hönd nýju viðskiptabankanna. Kúlulánþegi er forstjóri Bankasýslu ríkisins.

Margir af fyrrverandi toppum hjá helstu útrásarfyrirtækjum landsins sitja nú í stjórnum hinna ýmsu fyrirtækja fyrir hönd nýju viðskiptabankanna. Kúlulánþegi er auk þess forstjóri Bankasýslu ríkisins. Þrír kúlulánþegar sem störfuðu hjá Askar Capital, Glitni og Kaupþingi sitja nú í stjórnum fyrirtækja fyrir hönd viðskiptabankanna.

Þekktasti stjórnarmaðurinn er þó líklegast Steinþór Baldursson, framkvæmdastjóri Vestia sem er dótturfyrirtæki Landsbankans. Hann starfaði áður sem yfirmaður alþjóðasviðs Landsbankans og hefur verið nefndur einn af arkítektum Icesave. Hann situr í stjórn ellefu eignarhaldsfélaga fyrir hönd Landsbankans. Steinþór er stjórnarformaður Húsasmiðjunnar auk þess að sitja í stjórnum fyrirtækja eins og Teymis og Geysis Green Energy.

Elín Jónsdóttir, sem nýlega var ráðin forstjóri Bankasýslu ríkisins, skuldaði skilanefnd Glitnis 120 milljónir króna í lok árs 2008 vegna kúluláns til hlutabréfakaupa í Arev-verðbréfum. Lánið tók hún þegar hún var framkvæmdastjóri Arev í gegnum eignarhaldsfélagið Baðm. Þegar hún lét af störfum hjá Arev í mars 2009 tók Jón Schveving Thorsteinsson, stjórnarformaður Arev, yfir félagið Baðm og þannig slapp Elín við að greiða lánið. Stuttu síðar fór Elín að vinna fyrir Rannsóknarnefnd Alþingis til að skrifa um bankahrunið.

 

Ég óskaði þess að þeir myndu drepa mig

 Er einelti á þínu vinnustað, veistu um einelti á þínum vinnustað en horfir á gerir ekkert eða tekur ómeðvitað þátt í eineltinu, eða með þögninni ertu meðvirkur spurnin sem hver verður að svara fyrir sjálfan sig ???

„Ég óskaði þess að þeir myndu drepa mig. Það er ljótt að segja það en þetta hugsaði ég stundum. Það andlega ofbeldi sem ég upplifði í grunnskóla var margfalt verra og áhrifameira en það líkamlega. Sérstaklega þegar til lengri tíma er litið,“ segir Sigurður Hólm Gunnarsson, baráttumaður gegn einelti, sem upplifði sjálfur langvarandi einelti í æsku.

„Ég var kallaður Siggi slef af bekkjarfélögum mínum allt þar til ég útskrifaðist úr grunnskóla. Ég lenti í einelti nær alla mína grunnskólatíð og það eru ekki ýkjur að sú reynsla hafi haft mikil áhrif á líf mitt og tilfinningar,“ segir Sigurður Hólm.

„Ég vonaðist stundum til þess að ég yrði barinn það alvarlega að ég myndi lenda uppi á sjúkrahúsi. Á slæmum dögum vonaðist ég jafnvel til að ég yrði drepinn. Þá loksins myndi fólk gera sér grein fyrir líðan minni, þá fyrst fengju ofbeldisseggirnir kannski makleg málagjöld,“ segir Sigurður Hólm.

Umfjöllun DV um einelti er haldið áfram í helgarblaði DV sem kemur út í dag. Sérfræðingar sem DV leituðu til segja mikilvægt að koma á óháðu teymi sérfræðinga í eineltismálum sem hefur það hlutverk að koma þeim 4.500 börnum til bjargar sem upplifa einelti í grunnskólum. Að mati sérfræðinganna ber skólanum að tryggja öryggi nemenda í hvívetna. Þeir telja að flestir skólar reyni að sinna skyldu sinni en of mörg tilfelli séu þar sem skólarnir hafa hvorki getað stöðvar einelti né sinnt því að nokkru leyti. Slíkt getur að mati þeirra sérfræðinga sem DV leitaði til eyðilagt börnin til lífstíðar og í versta falli leitt til sjálfsvíga þolenda eineltis.

Skuldir Hafnarfjarðar of miklar Álftnesingar vilja ekki sameinast Hafnarfirð vegna skuldsetningar bæjarinns.

Eftirlitsnefndin vill reikningsskil á þriggja mánaða fresti.

EFTIRLITSNEFND með fjármálum sveitarfélaga telur að skuldir og skuldbindingar sveitarfélagsins Hafnarfjarðar séu yfir þeim þolmörku.

 EFTIRLITSNEFND með fjármálum sveitarfélaga telur að skuldir og skuldbindingar Hafnarfjarðar séu yfir þeim mörkum sem geta talist viðunandi. Farið er fram á að sveitarfélagið sendi nefndinni upplýsingar um reksturinn á þriggja mánaða fresti en nefndin aðhefst ekki að öðru leyti að svo stöddu.

 Skuldir Hafnarfjarðarbæjar nema 38,2 milljörðum króna. Samkvæmt útkomuspá vegna ársins 2009 var tap á bæjarsjóði upp á 1,5 milljarða vegna óhagstæðra gengis- og verðlagsbreytinga.Ef skuldum bæjarsjóðs er skipt niður á íbúa kemur í ljós að hún er í Hafnarfirði, eða ríflega 1,3 milljónir á mann.

 Þegar Álftnesingar spurður út í afstöðu sína til þess hvort sameina eigi Álftanes öðru sveitarfélagi. Tæp 64 prósent íbúa tóku þátt og voru 75,7 prósent þeirra hlynntir því að Álftanes sameinist öðru sveitarfélagi. 17,7 prósent voru á móti og fimm prósent sögðust hlutlausir.

Einnig var spurt um ef til sameiningar kæmi, hvaða sveitarfélagi væri ákjósanlegast að sameinast. Þar nefndu flestir Garðabæ, eða rúm 44 prósent. 34 prósent nefndu Reykjavík og tæp sex prósent töluðu um Hafnarfjörð.
Það vekur athygli að 78 prósent töldu vera of skuldsetta til að samningi væri kostur í stöðunni..

 

Afskrifað hjá auðmönnum en ekkja situr sár eftir

Ekkja sem missti manninn sinn í janúar síðastliðnum og berst nú ein við að halda fjárhag heimilisins í lagi. Hún leitaði til Íslandsbanka um aðstoð til að geta komist af hvern mánuð. Því synjaði Íslandsbanki og situr ekkjan sár eftir.

Ekkja missti eiginmann sinn af slysförum í janúar síðastliðnum. Hún sér nú ein fyrir þremur börnum sínum og á erfitt með að láta enda ná saman. Hún ákvað að setjast niður með reiknivélina og fann út leið til að geta boðið börnum sínum upp á eitthvað annað en að vera föst heima hjá sér. Þeirri leið, sem fól í sér að ekkjan myndi borga upp höfuðstól tæplega fimm milljóna króna láns og fá um það bil 1,5 milljóna verðbætur niðurfelldar, hafnaði Íslandsbanki alfarið.

Talsverð umræða hefur verið um afskriftir auðmanna og er athyglisvert að skoða mál ekkjunnar í samhengi við það. Þannig komst Bjarni Ármansson, fjárfestir og fyrrverandi forstjóri Glitnis, að samkomulagi við skilanefnd Glitnis um afskriftir á rúmlega 800 milljóna króna skuldum eignarhaldsfélagsins Imagine Investment sem er í eigu hans, við bankann.

Þá er búist við því að Finnur Ingólfsson, fyrrverandi seðlabankastjóri og viðskiptaráðherra, fái 3,7 milljarða króna afskrifaða sem fjárfestingafélag hans skuldar. Útlit er fyrir að litlar sem engar eignir séu til upp í skuldina og því líkur á afskrift án þess að gengið verði að öðrum eigum hans.

Á tímum velferðarstjórarinnar stækkar og stækkar hópurinn sem á ekki fyrir mat.

Hann stækkar og stækkar hópurinn sem eiga ekki fyrir mat og þurfa á aðstoð hjálparsamtaka að halda. Áætlað er að yfir fimm hundruð fjölskyldur komi í dag  Allt að helmingsaukning hefur orðið  á einu ári.

Síðustu ár hefur myndast biðröð við húsnæði Fjölskylduhjálpar Íslands á hverjum miðvikudegi þegar mat hefur verið úthlutað til þeirra sem þurfa. Um áramótin tók röðin að lengjast. Nú er svo komið að samtökin skoða hvort þau þurfi að fækka úthlutunardögum um einn í hverjum mánuði, og hætta þá úthlutun fyrsta miðvikudag í mánuði, til að fjármagn samtakanna dugi út árið.

Auk Fjölskylduhjálpar úthluta Hjálparstarf kirkjunnar og Mæðrastyrksnefnd Reykjavíkur reglulega mat. Á báðum stöðum fjölgaði umsækjendum eftir áramótin.

Hjá Mæðrastyrksnefnd Reykjavíkur sóttu um fimmhundruð á viku að jafnaði u. Það er helmingi meira en á sama tíma í fyrra. Hjá Hjálparstarfi kirkjunnar hafa menn áhyggjur af ástandinu.

Fyrir þá sem vilja leggja Fjölskylduhjálp lið er hægt að skrá sig með því að senda sms með skilaboðunum FHI í síma 1900. Þá gjaldfærast 100 krónur af símreikningnum einu sinni í mánuði. Vilji fólk afskrá sig getur það sent skilaboðin .

Nú eiga Hollendingar og Breta Ísland

Ný heimasíða hefur birst á internetinu þar sem fullyrt er að Bretar og Hollendingar hafi gengið að öllum eigum Íslendinga  og eigi nú landið í heild sinni.

Á síðunni TheDutchIceland.com er kort af meintri skiptingu landsins og samkvæmt því eiga Bretar stóran hluta af austurlandi en bróðurpartur landsins er sagður vera í eigu Hollendinga. Fullyrt er að frá og með morgundeginum geti breskir og hollenskir ríkisborgarar valið sér landskika á Íslandi í gegnum síðuna og fengið hann afhendan endurgjaldslaust.

Bent er á að allir breskir og hollenskir ríkisborgarar drekki héðan í frá frítt á íslenskum krám. Þá eru kynnt áform um að nýta landið sem ruslahaug, virkja allar ár og vötn og byggja hér stærsta kjarnorkuver heims sem myndi sjá allri vestur-Evrópu fyrir raforku í gegnum sæstreng.

 

Svo virðist sem hollenskir háðfuglar standi á bakvið síðuna. Þrátt fyrir allt er íslenskri náttúrufegurð rómuð í hástert á síðunni og landinu lýst sem sem Bretar og Hollendingar geti verið stoltir af því að eiga.

Hvað er líkt með Leif heppna og Finn heppna?

Finnur Ingólfsson, fyrrverandi seðlabankastjóri og viðskiptaráðherra, skuldar þrjá komma sjö milljarða króna í gegnum fjárfestingafélag sitt. Eftir því sem næst verður komist eru engar eignir til upp í skuldina.

Finnur Ingólfsson á einkahlutafélag sem heitir FS7, sem hélt meðal annars utan um hlut hans í Icelandair. Í ársreikningi fyrir árið 2008 kemur fram að félagið skuldar í lok ársins 3,9 milljarða króna, eignirnar voru rúmar 200 milljónir.

Hann seldi síðan hlut sinn í Icelandair og hagnaðist um 400 milljónir og greiddi sér síðan lungann af því í arð, 385 milljónir. Finnur segir í skriflegu svari til fréttastofu að arðurinn hafi verið greiddur út með samþykki Glitnis og notaður til að greiða niður skuld hans hjá bankanum.

En staðan á þessu einkafélagi Finns, þar sem engar persónulegar ábyrgðir eru á lánum eftir því sem næst verður komist, er þá þannig að félagið skuldar líklega um 3,7 milljarða króna umfram eignir. Fari það í gjaldþrot verður því varla um annað að ræða en að afskrifa þá skuld.

Þegar milljarðarnir glymja í eyrum okkar daginn út og inn nú í eftirmálum hrunsins má til samanburðar til dæmis benda á að einkaskuld fyrrverandi seðlabankastjóra er meiri en hagnaður Færeyjabanka á síðasta ári en bankinn fagnaði árangrinum í vikunni. Hagnaðurinn reyndist 3,2 milljarðar.

Drjúgt mætti gera fyrir slíkt fé. Til dæmis reka Menntaskólann í Reykjavík í nærri átta á og þá mætti rekja Læknavaktina í fimmtán ár.

Er Hafnarfjörður á leið í gjaldþrot?

Ný þriggja ára fjárhagsáætlun sem Samfylkingin í Hafnarfirði kynnti bæjarbúum nýverið sýnir glöggt alvarlega fjárhagsstöðu bæjarins. Í henni er greint frá 38 milljarða króna skuldum bæjarins og himinháum fjármagnskostnaði sem áætlaður er 3 milljarðar á næstu 3 árum, eða um milljarður á ári.              
                        Milljarða blekking Samfylkingarinnar.

Hvað hafa þeir gert fyrir bæinn minn?

Hver er framtíð mín?

Því miður er það svo að áætlunin um fjármagnskostnað er í besta falli ókhyggja og í versta falli alvarleg tilraun til að blekkja bæjarbúa. Árið 2009 nam fjármagnskostnaður Hafnarfjarðarbæjar 2,9 milljörðum króna sem er næstum sama upphæð og áætlunin gerir ráð fyrir að greidd verði næstu þrjú árin. Því miður er líklegra er að fjármagnskostnaður á umræddu tímabili verði á bilinu 6 til 8 milljarðar króna. Þetta þýðir að í áætlun Samfylkingarinnar er 3-5 milljarða króna skekkja!.

Fjárhagsáætlun Hafnarfjarðar á að vera vel unnin og taka tillit til þeirra þátta og forsendna sem liggja fyrir þegar hún er gerð. Hún á líka að gefa glögga mynd af fjárhag næstu ára og vera stefnumarkandi. 
Áætlunin jafngildir því að bærinn greiði 2,6% í vexti af lánum sínum og að fjármagnskostnaður lækki um 2/3 frá því sem bærinn greiddi síðastliðið ár. Það þarf engan fármálasérfræðing til að sjá að þetta reikningsdæmi gengur ekki upp.

Skoðum staðreyndir varðandi kjör á markaði þessa dagana. Skuldatryggingaálag ríkisins er um 5,15% sem gefur vísbendingu um að lánskjör í erlendri mynt fyrir sveitarfélagið verða að öllum líkindum aldrei lægri en 6% ofan á LIBOR vexti eða alls um 7% í dag. Óverðtryggðir vextir innanlands yrðu líklega aldrei lægri en 10-11% og verðtryggð kjör bæjarins gætu verið í kringum 6% auk verðbólgu. Það má samt ekki gleyma því að síðustu kjör sem bærinn fékk voru rúmlega 9% verðtryggt. Það er ansi langt frá þeim 2,6% sem gert er ráð fyrir í 3ja ára áætlun Samfylkingarinnar.

Hafnfirðingar eiga skilið staðreyndir um fjárhag Hafnarfjarðarbæjar. Bæjarstjórinn, fjármálastjórinn og allir þeir sem vinna við áætlanagerð á vegum bæjarins eiga að leggja sig fram um að draga upp skýra mynd af fjárhagsstöðu bæjarins. Ekki síst í ljósi þess að bærinn þarf að endurfjármagna um 15  milljarða á næstu þremur árum. Þar af um 7,4 milljarða í haust.

Hvað segir þessi samantekt okkur? Hún sýnir að burt séð frá því hvernig fjármögnun verður fengin við endurfjármögnun þá verður hún að minnsta kosti um þrisvar sinnum dýrari en þriggja ára áætlunin gerir ráð fyrir. Þrisvar sinnum dýrari!! Þó er líklegra að hún verði fjórum sinnum dýrari. Það þýðir að vaxtagreiðslur bæjarins eru stórlega vanmetnar á næstu árum.

En hvað þýðir það fyrir okkur Hafnfirðinga? Tvöföldun í vaxtagreiðslum þýðir að um 20% af skatttekjum bæjarins færi í að greiða vexti á næstu árum. Það þýðir líka að bæjarsjóður verður rekin með áframhaldandi skuldasöfnun á næstu árum ef ekki verður skorið enn meira niður á móti. Tvöföldun í vaxtakostnaði samsvarar líka þeirri upphæð sem félagsþjónustun kostar á ári en ef hann þrefaldast þá samsvarar frávikið því sem fer í félagsþjónustuna og íþrótta- og æskulýðsmálin samanlagt.

Þetta er mjög alvarlegt mál og því miður enn eitt dæmið um slæma fjármálastjórn Samfylkingarinnar og villandi framsetningu reikninga og áætlana sem þeir vona að Hafnfirðingar sjái ekki fyrr en eftir
kosningar.
Valdimar Svavarsson Pressan

 

 Eftirlitsnefnd um fjármál sveitarfélaga skoðar enn fjárhagstöðu sex sveitarfélaga á landinu þar sem skuldir og skuldbindingar þykja vera úr hófi fram.  Hafnarfjörður er í þessum hópi.