Er eldgos í uppsiglingu í Krýsuvík?

Jarðskjálftahrina með um 32 smáskjálftum varð í Krýsuvík í nótt en skjálftahrinur hófust á ný á svæðinu í haust eftir rólegan tíma fyrr á árinu. Jarðvísindamenn upplýstu almannavarnir í fyrra um óvenju mikið landris á litlu svæði suðvestan Kleifarvatns, en þá reis land þar um þrjá sentímetra.
Í fyrradag voru skjálftarnir yfir 40.

Trölla­dyngju­kerfið

Kerfið er nefnt eftir sam­nefndri dyngju í kerf­inu.  Það er senni­lega ekki ofsögum sagt að segja að Trölla­dyngju­kerfið sé eitt hættu­leg­asta eld­stöðva­kerfi lands­ins vegna nálægðar þess við höf­uð­borg­ar­svæðið.  Nyrstu gossprung­urnar eru rétt suð­vestur af Hafnar­firði og hraun hefur amk. á tveimur stöðum runnið til sjávar örskammt vestan Hafn­ar­fjarðar eftir landnám.

Um árið 1150 — 1151 urðu veru­leg elds­um­brot í kerf­inu og opn­uð­ust nokkrar gossprungur í þeirri hrinu. Kapelluhraun Nýjahraun eldra nafn og Bruni efri hluti Kapelluhrauns. Hafa þessi eld­gos verið nefnd Krísu­víkureldar.   Þá varð einnig gos við Sveiflu­háls um 1180.   Ögmundarhraun 1350 úr Trölladyngjum.
Eldgos i Tvíbollum, Litlabolla og Stórabolla hraun getur runnið þunnfljótandi á nokkrum klukkutímum dag eða örfáum dögum niður í Vallahverfi og á línumöstur og í iðnaðarhverfi í landi Hafnarfjarðar.

Nú eru nálægt 770 ár frá síð­ustu stað­festu gosum á skag­anum og alveg ljóst að frekar fyrr en síðar munu verða eld­gos og það senni­lega nokkuð mörg á skag­anum.  Þessi gos eru ekki afkasta­mikil en þau eru hraungos og geta elds­upp­komur orðið mjög nálægt byggð.  Sér­stak­lega verður að telja hluta Hafn­ar­fjarðar á hættu­svæði hvað þetta varðar og einnig etv. Grinda­vík.  Það er því sér­lega mik­il­vægt að fylgj­ast vel með öllum jarð­skorpu­hreyf­ingum á skag­anum til að auka lík­urnar á að hægt sé að segja til um gos með ein­hverjum fyr­ir­vara og gera nauð­syn­legar varúðarráðstafanir.

 

 

 

 

 

 

 

 

Skemmdarvargurinn Svandís afþakkar 15 milljarða.

Svandís Svavarsdóttir umhverfisráðherra segir að ekki verði sótt um neinar undanþágur eða sérkröfur settar fram fyrir Íslands hönd á væntanlegum fundi Sameinuðu þjóðanna um loftslagsmál í Kaupmannahöfn í desember. Þetta kom fram í máli hennar við setningu tveggja daga Umhverfisþings 2009 á Hótel Nordica í morgun.
 
Í frétt frá Umhverfis- og samgöngusviði Reykjavíkur segir að á fundinum í Kaupmannahöfn verði stefnt að því að ná nýju hnattrænu samkomulagi um að draga úr losun gróðurhúsalofttegunda í heiminum. Samkomulagið eigi að taka við af  Kyotosáttmálanum sem rennur út 2012. Umhverfisráðherra vill að Ísland leggi ekkert að mörkum.

Umhverfisráðherra vill auka losun á gróðurhúsaloftegundum á hnattrænavísu.

 Ísland er ekki eyland í umhverfismálum.           

Losun gróðurhúsaloftegunda á Íslandi. Farþegaflug ferðamannaiðnaður og vöruflug, þ.e. flug frá og til Íslands og innanlands nemur um 4.2 milljónum tonna af CO2, áhrifagildin eru fjórföld í háloftum 4,2 milljón tonn * 4 = 16,8 áhrifagildi. Hvert tonn af áli sem framleitt er á Íslandi eða 790 þúsund tonn með raforku úr vatnsorku sparar andrúmsloftinu 10,4 tonn af koltvísýringi. (  790 þúsund x 13,2 CO2 ) = 10.4 milljóna af CO2 sparnaður á hnattræna vísu.                                       

Pólitískar vinsældaveiðar og lítt vísindalegar skoðanir sem nú eru efst á baugi mega ekki ráða ferðinni til að fá klapp á öxlina og X á kjörseðilinn það eru svik bæði við náttúruna og þær kynslóðir sem á eftir okkur koma..

Íslendingar geta lagt stærri skerf af mörkum í baráttunni við þá vá sem öllu mannkyni stafar af gróðurhúsavandanum. Líklega er mesta hættan í að mönnum mistakist að vinna bug á gróðurhúsaáhrifunum fólgin í hugsunarhætti VG. Tilhneigingunni til að skjóta sér sjálfum undan vanda með allskyns afsökunum en ætla öðrum að leysa hann og óvísundalegahugsun og menntunarleysi í umhverfismálum eins og með Svandísi. Sú hugsun sæmir síst Umhverfisráðherra Íslendinga sem leggur sig í líma að skaða og valda tjóni á gjaldeyristekju Íslendinga og fækka störfum nú í atvinnuleysinu og vill ekki draga úr útblæstri gróðurhúsaloftegnda með ákvörðun sýni.

 

Segir vinstri sveiflu á Íslandi rústa fyrir erlenda fjárfesta.

Beat Siegenthaler hefur verulegar áhyggjur af stjórnmálaástandinu á Íslandi og hættunni á því að hér komist vinstri stjórn til valda muni rústa fyrir erlenda fjárfesta.. Siegenthaler er sérfræðingur TD Securites Siegenthaler segir í fréttabréfi sínu að vinstri sveiflan á Íslandi boði ekkert gott fyrir viðskiptaheiminn. Nefnir hann sérstaklega þau orð Steingríms J. Sigfússonar formanns VG um að afþakka beri aðstoð Alþjóðagjaldeyrissjóðsins.

„Fyrir erlenda fjárfesta geta slíkar kringumstæður haft í för með sér fleiri neikvæðar óvæntar uppákomur í efnahags- og fjármálalífi landsins," segir Siegenthaler.

Hann telur að pólitíkusar á Íslandi muni í auknum mæli falla í þá freistni að falla frá erlendum skuldbindingum sínum eins og Icesave sem myndi hafa víðtækar afleiðingar fyrir krónueignir. Og hann segir afar mikilvægt að stjórnvöld hérlendis eyði öllum vafa um að "Latín-Ameríkuleiðin" verði ekki farin.

Siegenthaler nefnir að skuldatryggingarálagið á ríkissjóð hafi haldist nokkuð stöðugt í 950 punktum undanfarnar vikur. Utanmarkaðsgengi krónunnar hafi legið í 210-220 krónum fyrir evruna, á móti 165 kr. hjá Seðlabankanum.

„Við teljum að jákvæður vöruskiptajöfnuður mun styrkja verulega við krónuna á heimamarkaði en andstæð pólitísk þróun gæti sett strik sitt á utanmarkaðsgengið og rústað íslenskuhagkerfi” segir Siegenthaler.

Með hörmulegum afleiðingum.

 

Ásmundur landaði í gær.

Lögreglan beið eftir Ásmundi við höfnina í gær.

Grétar Mar Jónsson alþingismaður hjálpaði Ásmundi að landa aflanum í gær.

Ásmundur hefur undanfarið gert út á bát frá Sandgerði án þess að hafa kvóta, en slíkt er bannað samkvæmt lögum. Þetta hefur hann gert til að mótmæla kvótakerfinu.

Stærsta glæpamál Íslandssögunnar.

 

 

 

 

 

 

 

 

Landhelgisgæslan og lögreglan hafa haft afskipti af honum að undanförnu, þegar hann fer til veiða en aldrei handtekið hann. Þó hafa þeir kært hann og yfirheyrt vegna þessa.

Flugvél Landhelgisgæslunnar sveif yfir vötnum í gær og fylgdist með veiðum Ásmundar.

Veidd hafa verið um fjögur tonn kvótalaus að sögn Ásmundar, frá því að hann hóf veiðar í byrjun júlí.

Hann segist ætla aftur til veiða í dag einn síns liðs.

Rauða ljónið óskar Ásmundi góðar veiði í dag. 

 Undirskriftarsöfnum til stuðnings Ásmundi Jóhannssonar.

Íslensk olíuvinnsla á vestfjörðum.

Íslensk olíuvinnsla á vestfjörðum.

 Kaup á Auða Hrísdal

Forsvarsmenn Íslensks hátækniiðnaðar hafa gert samning við eiganda Auða Hrísdals um kaup á dalnum verði olíu hreinsistöð reist í Hvestudal. Auði Hrísdalur er á milli Bíldudals og Hvestudals. Hilmar Foss hjá Íslenskum hátækniiðnaði segir það ekki inni í myndinni að fjárfestar afþakki  olíuhreinsistöð  í Hvestudal.

Íslensk olíuvinnsla

Frétt af mbl.is

"Haldi jarðarbúar áfram að nota olíu í jafnmiklum mæli og nú er verða olíubirgðir heimsins uppurnar   eftir 40 til 50 ár."

Iðnaðarráðherra og ríkisstjórninni hafa markað rétta stefnu í að drífa áfram útboð olíuleitar á Drekasvæði.  Fjárhagslegt sjálfstæði þjóðarinnar kann að vera í húfi að þessu verðu hraðað og það finnist olía og gas á Drekasvæðinu.

Hér er frétt ríkisstjórnarinnar frá í desember s.l.

"Olíuleit á Jan Mayen  hrygg”

"Ríkisstjórn Íslands samþykkti 18. desember 2007 tillögu iðnaðarráðherra um að haldið verði áfram undirbúningi að útboði sérleyfa til leitar, rannsókna og vinnslu á olíu og gasi á Drekasvæðinu, norðaustur af Íslandi. Miðað er við að hægt verði að bjóða leyfin út í ársbyrjun 2009. Gert er ráð fyrir því að olíuleitin geti hafist upp úr miðju ári 2009. Ef gas eða olía finnst á svæðinu myndi það auka öryggi Íslands, bæði almennt og á sviði orkumála. Fjárhagslegur styrkur þjóðarinnar eykst og geta hennar til að standast möguleg áföll, þar sem fleiri stoðum yrði skotið undir efnahag þjóðarinnar.

Eins og fram kemur í fréttinni frá Ríkisstjórn Íslands verður fullvinna olíuna og gæta öryggis á flutnings leiðum og Vestfirði er besti kostur fyrir slíka vinnslu.

Söfnum fyrir Ellu Dís.

Það dýrmætasta í lífi okkar eru börnin okkar englar og gimsteinar okkar.

Hin hetjulega barátta Ellu Dísa tveggja ára sem þjáist af sjaldgæfum

hrörnunarsjúkdómi.

Þarf að fara til Kína í stofnfrumumeðferð til að fá bót meina sinnar.

Léttum líf hennar og gefum henni tækifæri, sem öll börn eiga að njóta ljósið í lífi okkar.

 Og að hún fái að senda bros sitt  til móður sinnar og föður og til okkar allra og  fái það tækifæri sem við óskum englum og gimsteinu okkar.

 

Reiknisnúmer er : 0525-15-020106  Kennitala: 020106-3870

 

Kv, SIgurjón Vigfússon

Hlýnun jarðar hættir á næsta ári.

Eins og sjá má á samanburði við jörðina geta sólblettir orðið gríðarlega stórir.

Vísir.is greinir frá því í dag.

Óli Tynes skrifar:

 

 

 

 

 

 

 

 

 

 

Þegar á næsta ári mun hlýnun jarðar byrja að snúast við. Og eftir nokkra áratugi hefst lítil ísöld sem mun vara í 45-65 ár. Hún mun valda fimbulkulda um mestallan heiminn.

Í Bretlandi verða veturnir til dæmis eins og í Síberíu. Þetta eru niðurstöður rússneskra veðurfarsfræðinga sem segja að þetta gerist þótt allar heimsins þjóðir hætti að blása frá sér góðurhúsalofttegundum.

Rússarnir eru nefnilega þeirrar skoðunar að gróðurhúsalofttegundir hafi ekkert með loftslagsbreytingar jarðar að gera, heldur séu það breytingar á virkni sólarinnar sem valdi henni.

Talsmaður rússnesku vísindamannanna er Khabibullo Abdusamatov, sem er yfirmaður Pulkovo geimrannsóknarstöðvarinnar í Sankti Pétursborg.

Niðurstöður sínar byggja rússarnir á fækkun sólbletta. Sólblettir eru dökkir að sjá vegna þess að þeir eru kaldari en umhverfið. Þeir geta orðið stærri um sig en jörðin og hafa mikil áhrif á virkni sólarinnar. Því fleiri sem þeir eru þeim mun meiri er útgeislun hennar.

Rússarnir sækja samlíkingu til hinnar svokölluðu litlu ísaldar sem stóð frá 1645 til 1715. Þá urðu gríðarlegir kuldar í Evrópu og Bandaríkjunum.

Abdusamatov segir að sannað sé að þá hafi sólblettavirknin aðeins verið einn þúsundasti af norminu. Þetta er að gerast aftur, segir hann.

Abdusamatov segir að árið 2041 verði sólblettir í lágmarki. Snörp kæling jarðarinnar hefjist því í síðasta lagi í kringum 2060. Næstu 65 árin verði ísöld. Með skelfilegum afleiðingum fyrir mannkynið.

Rússarnir eru síður en svo einir um þá skoðun að sólblettir hafi áhrif á veðurfar á jörðinni. Bradley E. Schaefer, prófessor við Yale háskóla skrifaði árið 1997 grein í tímaritið Sky & Telescope.

Þar veltir hann fyrir sér örlögum byggðar norrænna manna á Grænlandi. Hún lagðist af af óútskýrðum ástæðum. Um það leyti voru sólblettir í lágmarki. Grein sína kallaði Schaefer Sunspots that Changed The World.

 Kv,Sigurjón Vigfússon

Hafnfirðingar flytja atvinnuna til Þorlákshafnar

Álversáhugi í Ölfusi

Bæjaryfirvöld Þorlákshafnar eru mjög jákvæð gagnvart því að fá til sín nýtt álver Alcan. Fulltrúar Alcan voru í Þorlákshöfn í gær og ræddu möguleika þess að reisa 280 þúsund tonna álver á staðnum. Forgangur Alcan að orku hjá Landsvirkjun, sem tryggð var vegna stækkunarhugmynda í Straumsvík, rennur úr gildi eftir mánuð.

Eftir að íbúar í Hafnarfirði höfnuðu stækkun álversins í Straumsvík hefur eigandinn, Alcan, skoðað nýjar leiðir til að auka umsvif sín hér á landi. Í gær var fundað með sveitarstjórnarmönnum í sveitarfélaginu Ölfusi og skoðuð möguleg lóð undir nýtt álver steinsnar frá Þorlákshöfn. Þar eru menn afar áhugasamir um þessa framkvæmd. Ólafur Áki Ragnarsson, sveitarstjóri í Ölfusi segir að menn séu jákvæðir gagnvart þessari framkvæmd. Hann bendir á að Ölfus sé stórt sveitarfélag og gott rými til að setja niður álver. Sveitarfélagið hefur þegar bent á lóð sem er um tvo kílómetra frá höfninni. Þarf nú að kanna hvort heppilegt er að flytja súrál þessa leið.

Alcan var búið að tryggja sér orku frá Landsvirkjun til stækkunar í Straumsvík og lágu samningar fyrir óundirritaðir, á gundvelli viljayfirlýsingar. Sú viljayfirlýsing rennur úr gildi, að óbreyttu, eftir mánuð. Sigurður Þór Ásgeirsson, fjármálastjóri Alcan sagði við Stöð 2 í dag að til greina kæmi að fá forganginn framlengdan í samningum við Landsvirkjun ef viðræður við Ölfus væru komnar á góðan rekspöl. Ólafur Áki benti á að frumviðræður þyrftu ekki að taka nema fáar vikur.

Forsenda þess að álver rísi við Þorlákshöfn er að hafnaraðstaðan þar verði stórbætt. Þetta kallar á talsverðar framkvæmdir sem kosta 5 til 6 milljarða. En Ólafur Áki bendir á að slík stórskipahöfn myndi fela í sér mikla möguleika gagnavrt skipaflutningum.

Alcan til Þorlálshafnar og atvinna úr Hafnarfirði.

 Fulltrúar Alcan í Straumsvík áttu fund með sveitarstjónarmönnum í Þorlákshöfn í gær til að kanna möguleikann á því að reisa nýtt 280 þúsund tonna álver þar. Viðmót Þorlákshafnarbúa gagnvart álveri er allt annað en Hafnfirðinga - segir talsmaður Alcan.

Þegar íbúar í Hafnarfirði höfnuðu stækkun álversins í Straumsvík í kosningu lá fyrir samningur Alcan og Landsvirkjun um orkusölu vegna stækkunarinnar. Hann var óundirritaður en byggður á viljayfirlýsingu um forgang Alcan að orku í stækkun álversins. Þessi viljayfirlýsing rennur úr gildi eftir sléttan mánuð eða í lok júní.

Alcan leitar nú nýrra leiða til að stækka og nýta sér forgang að orkunni, á skömmum tíma. Í gær voru aðstæður skoðaðar í Þorlákshöfn á fundi með sveitarstjórnarmönnum. Siguður Þór Ásgeirsson, fjármálastjóri Alcan segir að meðal annars hafi verið athugað hvaða staðir kæmu til greina undir nýtt álver. Það væri ein leið sem Alcan væri að skoða til að geta stækkað eftir niðurstöðuna í íbúakosningunni. Þá er rætt um að reisa nýtt 280 þúsund tonna álver.

Sigurður segir það varla raunhæft að ætla að mál væru komin svo langt á næsta mánuði þannig að flötur væri á því að ganga til orkusölusamninga á grundvelli viljayfirlýsingarinnar. Aftur á móti væri möguleiki að reyna að fá Landsvirkjun til að framlengja viljayfirlýsinguna ef raunhæfir kostir um nýtingu orkunnar væru í sjónmáli.

Sigurður segir að ákveðið hafi verið að halda áfram skoðun á Þorlákshafnarálveri í undirnefnd. Sveitarstjórnarmenn hefðu sýnt málinu mikinn áhuga og væri viðmót Þorlákshafnarbúa gagnvart Alcan allt annað og betra en hefði mætt þeim í Hafnarfriði undanfarið.

Ál á bílinn, Græni málmurinn.

Bandarískir vísindamenn hafa fundið nýja leið til þess að framleiða vetni. Smákúlur búnar til úr áli og gallium framleiða hreint vetni þegar vatni er hellt á þær.

Litið er á vetni sem einn besta kostinn af hreinum eldsneytum, sérstaklega fyrir bíla, vegna þess að vatnsgufa er það eina sem myndast við bruna á því. Bush Bandaríkjaforseti hefur sagt vetni vera eldsneyti framtíðarinnar, en rannsakendur hafa enn ekki komist að niðurstöðu um hver sé hagkvæmasta leiðin til þess að framleiða og geyma það.

Í rannsókninni sem gerð var við Purdue Háskólann í Indiana er "Vetnið framleitt eftir þörfum, svo þú framleiðir aðeins eins mikið og þig vantar, þegar þig vantar það" sagði Jerry Woodwall, prófessor í verkfræði, en hann uppgötvaði nýja kerfið. Woodwall sagði í tilkynningu að vetnið þyrfti hvorki að geyma né flytja, og þar með væri tveimur erfiðleikum við framleiðsluna eytt.

Vísindamenn við Purdue háskólann sjá fyrir sér að hægt væri að nota vetnið fljótlega á minni vélar eins og sláttuvélar og keðjusagir. Þeir telja að einnig væri hægt að nota það á bíla, annaðhvort sem staðgengil fyrir bensín eða til að keyra áfram vetnisrafal.

Eitt og sér bregst ál ekki við vatni, vegna þess að húð myndast yfir álið þegar það kemst í snertingu við súrefni. En gallium kemur í veg fyrir að þessi húð myndist, og leyfir álinu að bregðast við súrefni í vatninu sem leysir þá úr læðingi vetni og áloxíð, einnig þekkt sem súrál. Það sem eftir stendur er áloxíð og gallium. Það eina sem vélin skilar frá sér við brunan á vetninu er vatnsgufa.

"Engar eiturgufur verða til" sagði Woodland.

Framleiðslukostnaðurinn við þetta er um það bil þrír dollarar á gallonið, sem er svipað verð og gallonið af bensíni kostar í Bandaríkjunum.

Prófessor Woodland sagði að ef súrálið sem eftir væri yrði endurunnið og gert væri gæðaminna gallium væri hægt að minnka framleiðslukostnaðinn enn frekar, og gera kerfið á viðráðanlegra verði.