Jóhannes bestur í að reka Bónus

Þegar skip eru að fiska og það lóðar grimmt túr eftir túr, er þá skipstjóranum hent útbyrðis? Nei, en það er gert á Íslandi. Hverjum skipstjóranum eftir öðrum er hent útbyrðis og  fyrir vikið eru skipin með óhæfa stjórnendur á miðunum þar sem fiskur er og enginn kann að kasta rétt. 

Fjöldinn af frábæru menntuðu fólki úr heimi bankanna er flúinn land. Við erum að missa fólkið sem kann og getur í heimi fjármálanna bara af því það vann í bönkunum. Þá er það tabú ef stjórnendur sem þekkja Jón Ásgeir eru á lausu, þá fá þeir enga vinnu þrátt fyrir það að menn vita þeir eru þeir bestu sem völ er á. Ég er að tala um yfirmenn í fyrirtækjum og bönkum. Í Þýskalandi eftir stríð voru menn sem höfðu sannarlega unnið með áður ríkjandi valdhöfum beðnir um að hjálpa til við uppbyggingu þjóðfélagsins. Þeir voru taldir ómissandi. Hér heima ríkir stjórnleysi, getuleysi og allt er í einni þvælu.

Hvernig má það vera að Jóhannes í Bónus geti ekki átt Haga? Hagar eru að skila milljörðum. Hversvegna fær Óli Óla að halda Samskipum en Jóhannes ekki? Það er vitað í heimi bankanna að þarna ráði pólitík för. Ef það er halli á ríkisjóð, er þá engin ríkisstjórn? Færum við að reka landið? Jóhannes er sá sem kann best að reka fyrirtækið ásamt sínu fólki. Hvað ætlar bankinn að gera? Láta einhvern annan  í að reka fyrirtækið? Það mun þá að öllum líkindum hrynja og þetta veit bankinn, en vegna þess að Gylfi Magnússon og undirtyllur beita þrýstingi þá skal það vera þannig að Jóhannes eigi ekki að reka Haga. Það er í hæsta máta óeðlilegt að þeir sem kunna, geta og hafa alla þekkingu sem þarf til að reka fyrirtækið séu og fái ekki að njóta sömu kjara og aðrir í sambærilegri stöðu. Það að þetta skuli vera hægt - að koma í veg fyrir það af stjórnmálamönnum, ráðherrum, ásamt Morgunblaðinu og öfgahægrimönnum, að Hagar verði ekki á hendi Jóhannesar er rugl. Allt er gert til að koma í veg fyrir að það takist.

Athugasemdir

[Heimir Lárusson Fjeldsted, 8.5.2010 kl. 20:50]

Minn kæri SIgurjón, hvað er nú upp á teningnum?

Ert virkilega að segja að Jóhannes hafi rekið Haga? Hvaðan kemur þér slík firra í hug?

[Brattur, 8.5.2010 kl. 21:00]

Jóhannes, fyrirverandi kona hana og móðir Jóns Ásgeirs og svo Jón Ásgeir sjálfur skulda 300 milljarða sem er næstum því tvöföld Icesave skuldin... kann þetta fólk að reka fyrirtæki ? Búið að setja heila þjóð á hausinn... kanntu annan ?

[Rauða Ljónið, 8.5.2010 kl. 21:15]

Sæll. Heimir þessi færsla var sett inn til að vekja umræður hér er hún í heild en hún er eftir Bubba

[Sigurbjörg Eiríksdóttir, 8.5.2010 kl. 21:19]

Dastu nokkuð á höfuðið Sigurjón?

[Rauða Ljónið, 8.5.2010 kl. 21:20]

Sæll. Brattur setti link inn við þessa  færslu sem upphaflega skrifaði  hún var eftir Bubba  og sett inn til að skapa umræðu þakka svarið.

Kv Sigurjón

[Rauða Ljónið, 8.5.2010 kl. 21:22]

Nei. ,,, Silla mín gaf konunni nýtt kökukefli í dag það gamla brotnaði í gær þegar ég var að bloga inn á þig, er sár í hnakkanum.
Kv. Sigurjón

[Sigurbjörg Eiríksdóttir, 8.5.2010 kl. 21:24]

Það hlaut að vera

[Dingli, 8.5.2010 kl. 22:01]

Skipsstjóri sem stæli öllum aflanum og kæmi með tómt skip að landi, fengi varla að taka við nýa skipinu.

[Rauða Ljónið, 8.5.2010 kl. 22:17]

Já Dingli það má segja það.

[Brattur, 9.5.2010 kl. 00:06]

Góður ! og ég meina ÞÚ ert góður... það eru aðrir sem eru vondir... ég tek gleði mína aftur

[Rauða Ljónið, 9.5.2010 kl. 00:21]

Takk. Brattur.

Kv. Sigurjón

[Heimir Lárusson Fjeldsted, 9.5.2010 kl. 12:07]

Ég var núna fyrst að vakna af þunglyndinu sem greip mig eftir lestur pistils þíns í gær, Sigurjón. Sem betur fer var það bara Bubbi sem skrifaði þetta eða Baugur í hans stað. Tek gleði mín aftur.

[Rauða Ljónið, 9.5.2010 kl. 21:01]

Sæll. Heimir  takk, Bubbi er nú með baug á hverjum fingri glópagull, gott að þú takir gleðina aftur hún er lífsins gildi, hvort hann hafi skrifað frá eigin brjóstið eða eigi veit ég ekki, eins og ég sagði setti ég þetta inn til að skapa umræðu og vekja upp hugsanir um ástandið, hinsvegar hringdi bróður minn í mig um hálf ellefu í gærkveldi og spurði mig hvort ég væri endalega Klepptækur eftir  skrif mín las ekki allt já hann las yfir mér, ég á góðan bróðir hann bauðst til að keyra mér inneftir, en eftir eð ég skírði honum gang mála og hversvegna ég setti þetta inn ætlar hann að bíða með það fram í næstu viku.

Kv. Sigurjón

[Heimir Lárusson Fjeldsted, 9.5.2010 kl. 21:33]

Gott að eiga skilningsríkan bróður.

[Rauða Ljónið, 9.5.2010 kl. 21:38]

Já gott að eiga góða að.